EJEKIEL 6:8 - Hawa Naga Bible 20018 “Ngaz rueq wvyvmc kuex rumz thvt gay tauk wawc tvdung tvluenx wvnc vtueq miqphvnx htenc hvl nuex nyanc gay ruiux, Ver CapítuloASII LAKDAP Bible (BSI)8 “Ngi raq maiq wiijam ka rejaq song chiim mong kiiwa mitiichhiiha. Lata tsangshiq ka pongmung thun na minyinbaiqha. Ver Capítulo |
Ngaz kuex nuimshiq kox nuex kaz vtueq palc wvnc phaungx. Ngaz rueq nuimshiq tvpanc gay phaungx htenc wawc miqphvnx lotlaz kuex tvbac gay shaungx, yuq muinz ngaz rueq nuimshiq kuex tvbac gay mauk. Ngaz rueq nuimshiq kuex murx tvrvhumc mauk maq httvr mauk; yuq muinz ngaz rueq nuimshiq muex murx tvgurc ruiux yuq, ngaz rueq menjenc phaungx. Ngaz, Yehowa rueq jungx vshaungx.”
Ejip mungx nuex httaz kay jix kvjungx yaq Yuda miqsaz htenc kuex vshiz muinz luenx vtueq thuiuzthuic tvraungx httax tuex rvmuq. Tsuingshiq wawc washiz muinz laukshiz httaz waungc yek tvkoc tsuingshiq rueq raungc raq yaq Yuda mungx nuex yek waung lvp tuex rvmuq shex. Muingx luiuz (Refugees) jix maq lvy vtueq vshiz muinz yek lvp tuex rvmuq shex,” ngoz tueq jungx tueq.
Ngaz kuex nuimshiq kox nuex kaz vtueq palc kaz raungx. Ngaz rueq nuimshiq tvpanc gay phaungx mungtan wawc miqphvnx lotlaz kuex ngaz rueq tvbac gay shaungx, yuq muinz ngaz rueq mnoz kuex tvbac gay mauk. Ngaz rueq nuimshiq muex murx tvgurc mauk maq httvr gay phaungx rvmuq; yuq muinz ngaz rueq mnoz muex murx tvgurc phaungx nuex, ngaz kuex tvrac vlvmz maq tvgurc phaungx. Ngaz, Yehowa rueq jungx vshaungx.”
Ngaz rueq tsuingshiq wawc wvyvmc kuex ralx rvlungc nuex, khvmx vrvmc muex nuiyc vmac vtsac kuilc daz wawc tvdung gay shaungx, miqphvnx htenc hvlwvl nuex tsuingshiq rueq shuimx wvnc tueq honc vyaungc mtanc khvnc miqsuirc vsac lac kuex rvwvl yek vtueq, ngaz Yehowa rvtauk kuex tsuingshiq kvjungc wuez tuex,” ngoz tueq.
Miq vshiz shiz rullungx vtvraungx shauk httax vtueq piq sahez kuex palc wvnc ruiux, nuimshiq kox nuex httuiuc kaz ruiux yuq, tsuingshiq kuex lawc shuinz. Tsuingshiq mtanc lac layx bac yaq nguinx kuex lawc shuiuz, kvruex lawc ruiux yuq Yerusalem htauk nuex ngaz rueq tvhttuiuc vshaungx vkuilc vdaz murx kuex tvrac vlvmz rvtueq tuiuz taq shuiuz;
Ghaqyungx kuex tuimx wvnc lot shuiux nuex, tul thuimx wawc tulshiz kuex ghaqyungx mungx kvyuq jauk shuiuz. Vganc tulshiz kuex ghaqyungx ke-phic nuex mnoz kvroz khuemx tuiux kvkaq, m-yaung kvmaq jumz gay shuiuz. Kvjungx yaq tulshiz kuex raungguil nuex tvpvnc gay shuiuz, ngaz rueq kvruex kuex ngvy yaung maq tvyurc shaungx.