EJEKIEL 6:12 - Hawa Naga Bible 2001

¹² Lvmx luz nuex httaz jix hez muinz vthuiuz vsac raz tueq thueyc wvnc wuez tuex; vnyek wawc hez kuex ralx rvlungc nuex thvy gay rvhumc tuex; kvjungx yaq hez kuex rvmc rueq thueyc tuex. Tsuingshiq lotlaz rueq ngvy thuinkhvy kuex mvrc laz rvhumc wuez tuex.

ASII LAKDAP Bible (BSI)

¹² Luhea na sitibi ka atsi raüta mijiim wan. Kiimaq ajeje na sitibi ka re raq mijiipbaiq wan. Juwa re jaq song tiichongtlaq kriiti ka ram raq mijiim wan. Tsangshiq raq itsankhiq walü heng tlaq kra misap.

EJEKIEL 6:12 Referencias Cruzadas

ISAIA 40:2

Yerusalem ghaq jix muex hungc vlaungc kuq shuinz. Tsuingshiq kuex loayc hvlc kuilc daz wvnc tueq ningkhvnc nuex tsuingshiq mvrax htenc majuiuc dawc kuq gay tauk lvmx tsuingshiq muex jungx shuiuz. Ngaz rueq tsuingshiq kuex tsuingshiq mvrax lotlaz tvkoc nuex mvrc laq murx tvgurc tauk,” ngoz tueq jungx tueq.

JEREMIA 24:10

Tsuingshiq nuiyc tsuingshiq jix vwaz tamx muex ngaz rueq kuq tauk mungtan nuex tsuingshiq vshiz muinz vtvraungx httax muq laz juing tsuingshiq kox nuex ralx rvlungc, khvmx vrvmc nuiyc vmac vtsac htenc tv-httuiuc shaungx,” ngoz tueq jungx tueq.

JEREMIA 42:22

Kvkhoc rvtueq, nuimshiq rueq vruex lvmz kuex honc lvmz wuez shuinz: ralx lungc nuex muinz, khvmx vrvmc nuex muinz, vmac vtsac nuex muinz nuimshiq httaz kay roc vshuinx mungtan kvyuq thueyc mvy wvnc wuez tuinx,” ngoz tueq tvhttoarc jungx yek tueq.

AJONJÜ 4:11

Yehowa rueq vpiq thuinkhvy mvrc yaq hungc vlaungc kuex ruiuc gay tueq; vpiq rueq Zion kuex ghaq nuex httuiuc laz khamc juing wvr tvsauz tueq.

AJONJÜ 4:22

Zion rueq piq mvrax yauk mauk kuq tueq shex; Yehowa rueq naungshiq kuex mkaq muinz tvthuq laq phuex rvmuq shex. Yuq muinz Edom lex, Yehowa rueq mnoz muex murx tvgurc kv-phux; vpiq rueq mnoz yaq toq honc vyaungc kuex tvkhic kv-phux.

EJEKIEL 33:27

“Ngaz kuex vsuing tvraungx Tishox rvtauk, kvkhoc rvtueq bac wvnc vtuex ghaqyungx htenc nuex httax yaq miq htenc kuex vthvy gay rvhumc tuex lvmz ngaz, Johvlc Yehowa rueq honc tvsvmz kvjaz kuex tsuingshiq muex jungx shuiuz. Kvruex mungtan kvyuq httax yaq htenc kuex yaruix ngvmx saz rueq phuiuz gay rvhumc tuex. Kuz vkanx htenc nuiyc ghaqluix htenc nuex httax yaq kvmuinz thuimkux mac vtsac rueq thueyc wvnc tuex.

EJEKIEL 5:12

Mmiqsaz hez mvnthuimx wawc mvnshiz kuex ghaqyungx vyuq vthuiuz vsac nuiyc rvmc rueq thueyc tuex; mvnshiz kuex ghaqyungx ke-phic nuex soalc thvt gay shuex; vtvsuip wawc mvnshiz kuex raungguil yaq kvyuq tvpvnc gay ruiux tsuingshiq kuex yaung maq tvyurc shaungx.

EJEKIEL 5:13

“Mnoz kuex ngvy thuinz hvlc muq wawwawx ngvy thuinkhvy mvrc laz rvhumc tuiux. Vruex lotlaz yaungx wvnc tuex nuex, ngaz kuex mnoz tvmtuing vguez ningkhvnc nuex thuinkhaq vtueq ngaz, Yehowa rueq mnoz muex jungx phaungx kuex mnoz rueq tuiuz wvnc shuiux.

EJEKIEL 7:12

Vkhing kuex httuiuc yaq shex. Rvrez rvshaungc yauk shuimc mvy muq vkhing kuex vnyek shex, yvmx khoc lac ngoz ruiux lec Tishox thuinkhvy kuex miq pumz tek htauk nuex httuiuc wvnc tuex.

EJEKIEL 7:15

Lvmx htenc nuex rv-khvt yaq, yuimx mungx nuex vthuiuz vsac nuiyc rvmc thuiuz wuez yaq. Kez phic nuex khuemc jix ukhaq muinz rv-khvt rvlungc nuex thueyc tuex, ghaqyungx mungx nuex httax jix ukhaq muinz vthuiuz vsac nuiyc rvmc thuiuz kuilc daz tuex.

DANIEL 9:7

Taungjix lex, mnoz rueq vlvmz yauk shuimc kuex mkaq muinz shuimx vshuiux, yuq muinz nuiyshiq rueq miqmac pumz kuex mkaq muinz tvyvlc sac vshix. Tsuingshiq kuex mnoz nuex tvmtuing vguez ningkhvnc nuex vnyek, vluz mungtan htenc nuex nyanc gay rvhumc yaq Yuda mungx nuiyc Yerusalem nuex httaz jix lotlaz nuiyc Israel miqsaz lotlaz htauk nuex vruex lvmz vsuing yaungx wvnc tueq.