EJEKIEL 5:8 - Hawa Naga Bible 2001

⁸ Kvkhoc rvtueq ngaz, Johvlc Yehowa kuex mnoz muex ralx yaungx vtaungx lvmx mnoz muex jungx vphaungx. Ngaz rueq mnoz kuex miqphvnx htenc lotlaz rueq khiz yaq baung nuex phox phaungx.

ASII LAKDAP Bible (BSI)

⁸ Kra ningkhan, Ngi, Tati Rakaü Hiqwe raq ümniima chongtiikang, Ngi ka ümniima wesang she. Ngi raq ümkha ka miphoha. Lata mo mitiihoha. Kra mo hotlaü ka maiq mung pahea raq michhi.

EJEKIEL 5:8 Referencias Cruzadas

JEREMIA 21:13

Yerusalem lex, mnoz kuex tvnx nuex ngaungc yaq lung rauk ikhoc warc tvnx htenc htauk nuex johvlc jvp yaq. Yuq muinz ngaz rueq mnoz kuex khvt gay phaungx. Nuiyshiq kuex uraq muinz khvt lot muq, mpalx ruk htenc kuex uraq muinz tvbunx gay shuex rvmuq, ngoz tueq mnoz rueq ngoz shuiux.

JEREMIA 21:5

Ngaz rueq mnoz kuex ngvy hungc lotlaz, ngvy thuinkhvy, ngvy kvbuit nuiyc ngvy thuinz phez vtueq khvt gay shaungx.

JEREMIA 24:9

Ngaz rueq mungkawx wawc miqphvnx lotlaz kv-khuirc hiyaz laz juing bac hvlc thuimkux kuex tsuingshiq htauk nuex tv-httuiuc shaungx. Ngaz rueq tsuingshiq tvpenc gay tauk baung ruip saz wawc miqphvnx lotlaz rueq tsuingshiq muex nueykuic shuex, shummarc shuex, ngoz ngax jungx saq vtueq tsuingshiq muingc maq kvtuemc taungc bomc rvhumc tuex.

JEREMIA 50:7

Tsuingshiq rulc rvhumc jix lotlaz rueq tsuingshiq kuex khvt wuez tueq. Tsuingshiq ralx htenc rueq, ‘Tsuingshiq kuex Yehowa muex mvrax yaq gay tueq, kvkhoc rvtueq naungshiq rueq shuimx gay tiq kuex yaq muq. Tsuingshiq jix vwaz tamx kuex Yehowa muex tvluimc wuez yaq, tsuingshiq shauk pumz muinz vpiq nuex tvmtuing httaz aungx yaq,’ ngoz tueq jungx tueq.

AJONJÜ 2:5

Taungjix rueq ralx ikhoc Israel kuex tvbac gay tueq; Vpiq rueq nolaungx ghaqshungc htenc nuiyc hoc htenc kuex tvbac gay tueq. Vpiq rueq Yuda miqsaz htenc htauk nuex vhtumx vguez yonzyex kuex tvhttuiuc kuq tueq.

AJONJÜ 3:3

Menjenc thuinz httax muq maq ngaz kuex lauk wvruip ruip thvt yaq.

EJEKIEL 11:9

Ngaz rueq nuimshiq kuex vruex ghaqyungx vwawc yurc gay vtueq pungnuk miqsaz yauk nuex lekuq gay phaungx. Ngaz rueq nuimshiq kuex vthueyc vmvy murx tvgurc phaungx shex,

EJEKIEL 13:8

Kvkhoc rvtueq Johvlc Yehowa rueq tsuingshiq muex, “Nuimshiq rueq jungx vshuinx kvjaz htenc kuex vyaq, nuimshiq romzyac tvkhic htenc muinz vrot. Ngaz rueq nuimshiq kuex khawx vphaungx.

EJEKIEL 15:7

tsuingshiq muex murx tvgurc shaungx. Tsuingshiq kuex wvr vshiz wawc dung wvnc lvp tueq, yuq muinz wvr vshiz rueq tsuingshiq kuex khamc gay shuex. Ngaz rueq tsuingshiq muex murx tvgurc tauk nuex, ngaz Yehowa rvtauk kuex nuimshiq rueq tuiuz shuinx.

EJEKIEL 16:41

Yalxjuik rulx htenc rueq mnoz muex murx tvgurc yaq kuex mkhiz shueq, tsuingshiq rueq m-yuimx htenc kuex jauk gay shuex. Ngaz rueq mnoz kuex mehpex nyuiuz yaungx muq tvkoc muinz, lungwawc vshuiux hez muex yauk noalc kuq vshuiux kvmuinz, tvthauk gay shaungx.

EJEKIEL 21:3

Ngaz, Yehowa rueq jungx vshaungx kuex Israel muex honc tvsvmz kuq shuiuz: ngaz kuex mralx rvtauk. Ngaz rueq ngvy yaung jvt vtueq miq hvlx miq bac nuimshiq lotlaz kuex thvt gay phaungx.

EJEKIEL 28:22

Ngaz, Johvlc Yehowa rueq kvruex wawc ghaq miqsaz htenc muex tsuingshiq nuex seng vtueq jungx tauk kuex jungx shuiuz: Sidon lex, ngaz kuex mralx rvtauk; ngaz rueq mnoz muex ruez kuq phaungx kvmac miq htenc rueq ngaz muex tvtsvmc wuez phuex. Mnoz kox nuex httax yaq hez muex murx tvgurc vtueq ngaz mtanc lac sawc vtaungx kuex tvkhic shaungx yuq, ngaz Yehowa rvtauk kuex tsuingshiq rueq tuiuz wvnc wuez shuex.

EJEKIEL 30:19

Ngaz rueq vkhoc maq Ejip muex murx tvgurc shaungx yuq, tsuingshiq rueq ngaz Yehowa rvtauk kuex tuiuz wvnc wuez shuex.”

EJEKIEL 34:10

Ngaz kuex nuimshiq ralx rvtauk, ngoz tueq ngaz, Johvlc Yehowa rueq jungx vphaungx. Ngvy khelbuenx htenc kuex tsuingshiq yauk wawc ngaz rueq lvmz wvnc vtueq, nuimshiq kuex tsuingshiq remc jix khelbuenx remc jix ikhoc mkaq muinz tvyaungc phaungx rvmuq; Nuimshiq pumz kuex lawc mawc tvkoc ngaz rueq nuimshiq muex mkaq muinz kuq yek phaungx rvmuq. Ngvy khelbuenx htenc kuex nuimshiq rueq phauk gay muit laz juing, nuimshiq kox wawc goalx wvnc shaungx.

EJEKIEL 35:3

Kvruex miq hez kvmac ngaz, Johvlc Yehowa rueq yvmx lac jungx vshaungx kuex jungx kuq shuiuz: Edom kanx htenc lex, ngaz kuex mralx rvtauk! Ngaz rueq mnoz kuex kuiyqshuik kuiyq khvmx muex tvyaungc gay phaungx.

EJEKIEL 39:1

Johvlc Yehowa rueq, “Vthueyc rvyaq miq lex, Meshek nuiyc Tubal miqphvnx htenc kuex guimz jix waz Gog muex jungx shuiuz, ngaz kuex piq ralx rvtauk ngoz tueq jungx shuiuz.

EJEKIEL 5:15

“Ngaz kuex mnoz muex khaq vtueq thuinkhvy phuk ruiux murx tvgurc phaungx kvkaq, mtvroz wawc miqphvnx htenc kuex hisungx wuez tuex. Tsuingshiq rueq mnoz kuex vsuirc sac ikhoc maq lawc vtueq nueykuic wuez kv-phux.

NAHUM 2:13

Tvphaungc Tvsuip Yehowa rueq, “Ngaz kuex mralx rvtauk! Mrenc htenc kuex ngaz rueq jauk gay shaungx. Mnolaungx bix htenc kuex rvkhvt nuex thvy gay rvhumc tuex, vganc wawc mnoz rueq vnyvlc hup vsvmx htenc kuex ngaz rueq lvmz gay shaungx. Mkamx waz hez rueq kvpiq nvyx thoz yaq kuex yix maq mkaq muinz tay lvp shuiux rvmuq shex.”

Matthew 22:7

Hokhvmx waz kuex pinhtumc khaq vtueq piq nolaungx bix kuex tvkaz ruiux raz tueq miq thvy jix htenc kuex tvthvt gay kaz tueq, tsuingshiq ghaq kvmuinz wvr maq jauk gay tueq.

TRI CHONGKE 29:20

Yehowa rueq kvkhoc shuimc kay jix waz mvrax kuex dawc kuq shuex rvmuq. Kvkhoc ruec tvraung, Yehowa vpiq luic thuiyc yaq thuinkhvy kuex piq htauk nuex luic vtueq, Yehowa rueq piq kuex dup suip tvbac gay nuex httuiuc laz vruex luik dvp vyuq wuiyq shec tueq kuilc daz jamjaux lotlaz kuex piq htauk nuex ruiuc kuq shuex.