Biblia Todo Logo
La Biblia Online
- Anuncios -




EJEKIEL 36:37 - Hawa Naga Bible 2001

37 Johvlc Yehowa rueq, “Ngaz kuex romc kuy tvkoc ngvy kox wawc thoz yaq Israel miqsaz kvjaz kuex laukshiz hulawx tay kuq yek vtueq, kvkaq ngaz rueq tsuingshiq kuex khelbuenx kung ikhoc tvpux paung shaungx.

Ver Capítulo Copiar

ASII LAKDAP Bible (BSI)

37 Tati Rakaü Hiqwe raq ngutlo, “Ngi raq Israilnok ma jangshiri hali, i jaq wa khrum mitiijaü nongha. Kiimaq Ngi raq tsangshiq ka skusekong puchi wan tlaq ikha pahea mitiipu kuqha.

Ver Capítulo Copiar




EJEKIEL 36:37
23 Referencias Cruzadas  

O Yehowa lex, mnoz rueq thuinz tvyomx jix vjux thoz bomc kuex tay kuq vtueq; mnoz rueq tsuingshiq muex khvmc thuinz kuex kuq shuiux.


Vpiq kuex vpiq rueq vtuip gay miq htenc kvjaz kuex tay vtueq, tsuingshiq vjux thoz bomc kuex tay kuq shuex.


Kvruex yuq httaz jix miqsaz rueq tvtsvmc shix wuez shuex; tsuingshiq kuex vkoz vkez maq guyc sez wuez tuex. Ngaz rueq ruimruimc ningkhvnc nuex tsuingshiq pux paung wvnc tuex; ngvy ruimruimc rueq tsuingshiq muex tvtsanc nganc kuq shuex.


Vpiq rueq, “Vthueyc rvyaq miq lex, vruex hez kuex tsuingshiq thuinz vmungx htenc yac yuimx muex lekuq wuez vshuex, kvruex yac yuimx htenc rueq tsuingshiq kuex mvrax mungx nuex shvlx laq vshuex. Ngaz rueq tsuingshiq muex tvralc kuq shuex ngoz tueq haz tsuingshiq rueq tvmaung yaq nguinx?


Vpiq rueq, “Vthueyc rvyaq miq lex, Johvlc Yehowa rueq jungx yaq kvjaz kuex walaungx bix tsuinghez muex jungx kuq shuiuz: nuimshiq kuex ngvy thuinroc lvmx wisoz tvkoc httuiuc kaz tuit rvmuq haz? Ngaz kuex tvraungx Tishox rvtauk, kvkhoc rvtueq nuimshiq rueq ngaz muex yvmx nuex seng vtueq wiz ruiux muinz, vwiz vkhangx kuq phaungx rvmuq. Ngaz, Johvlc Yehowa rueq jungx vshaungx.


Nuimshiq kuex majuiuc raungnuiyq nuex httuiuc laz kvkhoc yauk noalc maq shomc kuq ruiux, kvkhoc yac yuimx htenc khaungkac nuex nuimshiq sahez kuex wvr nuex jauk shomc nawk vtueq nuimshiq shauk pumz kuex tvshuy shac vshuinx. Israel miqsaz nuimshiq kuex majuiuc nuex httuiuc laz ngvy thuinroc lvmx kuex yvmx lac rvtvnx? ngoz tueq wiz kaz vtuinx! Ngaz kuex Johvlc Yehowa vtvraungx Tishox rvtauk, kvkhoc rvtueq yvmx lvmz nuex muinz nuimshiq rueq ngaz muex wiz lvp phuinx rvmuq.


Kvruex yimaq ngaz, Yehowa rueq bac wvnc tueq ghaqyungx htenc kuex tvhvlc guirc yek nuiyc vtuip vruez gay shec wuik vnax htenc kuex khic yuingc yek yaq lvmz kuex phic vphaungx wawc miqphvnx htenc rueq tuiuz wuez shuex. Ngaz, Yehowa rueq bomkhvmc taq tauk rulc rv-ngvlc ngvy thuinz rueq vroc ngaz rueq shuimx shaungx,” ngoz tueq jungx tueq.


Mvnnuex lvy wvnc tueq nuex Yerusalem ghaq kuex moalx raungnuiyq htenc, shomc nawk kuy muex shomc kuy juing khelbuenx htenc kv-phungc yaq ikhoc, majuiuc kvhttak bac wvnc tueq ghaqyungx htenc kuex miq mvrx wvnc tuex. Kvkaq ngaz kuex Yehowa rvtauk lvmz tsuingshiq rueq tuiuz wvnc wuez shuex,” ngoz tueq jungx tueq.


Piq rueq naunghez kuex Babelon mungx wawc vganc rvjungc rv-phvnc walaungx bix rulc vdvmz thvy gay rvhumc miq mruez kueq, menjenc kuy tvkoc nuiyc vhttuiyq vpuiuc vruez kuex jalc jungc kuy lot muex raungmungx Tishox kox wawc vjux thoz tvkoc jungx tueq.


“Yuq muinz nuimshiq Israel miqsaz wawc kvjungx yaq lotlaz kuex ngaz rueq tvjomx vtueq tvtuimx shaungx. Khelbuenx htenc kuex tsuingshiq ruk mungx nuex yek waung tueq ikhoc, ngaz rueq nuimshiq kuex tvtuimx yek phaungx. Khelbuenx htenc mvrc yaq ngac remc juing baung ikhoc nuimshiq ghaq vraungx nuex miq paunghvlc laukshiz hulawx mvrc wvnc yek tuex.”


“Ngaz rueq Yuda miqsaz kuex tvhung laungx shaungx; Ngaz rueq Israel miqsaz kuex palc wvnc shaungx. Ngaz rueq tsuingshiq muex menjenc vtueq tsuingshiq lotlaz kuex yuimx nuex shvlx wvnc yek shaungx. Tsuingshiq kuex ngaz rueq mkaq muinz tvdux gay mauk doc ikhoc yaungx wuez tuex. Ngaz kuex Yehowa tsuingshiq Tishox rvtauk; tsuingshiq rueq vjux thoz yaq kuex ngaz rueq tvralc shaungx.


Ngaz rueq tsuingshiq kuex miqphvnx htenc nuex nyanc gay tauk, yuq muinz lvmx luz hong htenc maq ngaz kuex rvwvl wuez phuex. Tsuingshiq nuiyc tsuingshiq sahez tvraungx lvp vtueq yuimx nuex vdvmz maq yek wuez tuex.


Ngaz rueq tvraungx kvjungx yaq mvnshiz kuex wvr maq tvsawc shix kuimphox ikhoc tsuingshiq kuex tvsawc vtueq talx lawc shaungx. Ngaz rueq kuimshawx talx lawc shix ikhoc tsuingshiq kuex talx lawc shaungx. Kvkaq tsuingshiq rueq ngvy kox wawc thoz ruiux yuq ngaz rueq tsuingshiq muex tvralc shaungx. Tsuingshiq kuex ngvy miqsaz rvtueq lvmz ngaz rueq tsuingshiq muex jungx shaungx, ngaz kuex tsuingshiq Tishox rvtauk lvmz tsuingshiq kvjungc wuez tuex,” ngoz tueq jungx tueq.


nuimshiq jix vwaz tamx laukshiz httaz yoalx mungtan kuex lvp wvnc yek vtueq, tsuingshiq htauk nuex muinz vjvnc tvrungx wanx ruiux, tvpux panz shuex.


Yvmx lvmz nuex ngoz ruiux muinz nauk rvwvl japa kaz, yuq muinz lvmx ruip saz nuex vjux thoz vtueq kvjungc ruiux kejux rvwvlc thuinz vmungx maq tvtsvmc vtueq, nuimshiq muex rax yaq lvmx kuex Tishox muex tvtay shuinz.


Kvkhoc rvtueq naungshiq khvmc thuinz maq Tishox hoc daungraungc khaungkac nuex nyuip wuez ix. Kvkhoc ngoz ruiux naungshiq kuex menjenc kuy lvmx rvhumc tix nuiyc rax yaq nuex naungshiq muex romc kuy kejux lvp wvnc wuez shix.


Tishox kuex vpiq thuinroc rulc rv-ngvlc naungshiq rueq thoz shix yvmx yuq muinz vpiq tay kuq yaq lvmz vsuing kvmx vtix ningkhvnc nuex, naungshiq kuex Tishox khaungkac nuex khvmc thuinz vhttax maq kvnvp wvnc vtix.


Síguenos en:

Anuncios


Anuncios


¡Síguenos en WhatsApp! Síguenos