EJEKIEL 32:10 - Hawa Naga Bible 2001

¹⁰ Ngaz rueq mnoz muex ruez kuq phaungx kvmac miqphvnx paunghvlc kawc yawc wuez tuex. Ngaz rueq ngvy yaung kuex wat ruiux yuq, hokhvmx bix kuex hiyaz wuez tuex. Mnoz rul wvnc tuiux raungnuiyq, tsuinghez lotlaz kuex miqmac rullungx tvkoc hiyaz kvkhuirc wuez tuex.”

ASII LAKDAP Bible (BSI)

¹⁰ Ngi raq ümniika jamkho shiithenbaiq kang kra chhi raüta, maiq mung thun ka akii anyii watrangli she miraq. Ümtiikiiwa Ngi raq inepja ka tro tri wit wan tiikang, hokhambi thun ka phiipraq mitsai. Phiiptsi rakrak miraq. Ümra ranaiq wa ümniika tsaitlaü, tsangshiq tarü maiqmii miisaq miitu atiikhai rokrok phiip raq mitsai.”

EJEKIEL 32:10 Referencias Cruzadas

1 HOKHVMX 9:8

Vruex Shomc Yuimx kuex vphungc vruex gay ikhoc kvrunx bac wvnc vtueq, kvruex lvmx maq lvy wvnc jix miq ruip rawx kuex vwangc raz tueq, ‘Yehowa rueq vruex mungtan nuiyc vruex Shomc Yuimx kuex yvmx ngoz tueq lac vkhoc ruez gay tvnx?’ ngoz tueq wisoz wuez shuex.

ISAIA 30:32

Yehowa rueq tsuingshiq kuex tvyez kakaz thvt koq tueq, vpiq miqsaz htenc rueq nungx htenc nuiyc torox htenc kuex tuimz wuez shuex. Tishox vpiq pumz maq Asiria miqsaz htenc kuex khvt gay shuex.

JEREMIA 51:9

Kvyuq httax yaq pungnuk phvnx htenc kuex, ‘Babelon muex romc kuy tvkoc nuiyshiq hunglaungx wuez tiq, yuq muinz kvyix hvlc shex. Majuiuc kuex naungshiq rueq gay shec ruiux miqmac yuimx nuex yek waung ix. Tishox kuex vpiq hungc vlaungc lotlaz maq Babelon muex murx tvgurc tueq, kvruex mungx kuex tvsawc ric tvbac gay tueq,’” ngoz tueq jungx tueq.

EJEKIEL 26:16

Svmuktvrax yuix htauk nuex khuemx yaq miqphvnx htenc hokhvmx lotlaz kuex tsuingshiq hoc daungraungc wawc svt wvnc wuez tuex. Tsuinghez kuex hungluz khvy nuiyc vwuiyq vbaungx vruez khvy htenc kuex put gay ruiux kv-khuirc vtueq ghaq nuex ngaungc wuez tuex. Mnoz rvhumc vtuiux mkvmc kuex khiz ruiux yuq tsuinghez kuex kawc yawc vtueq kv-khuirc ruq kv-khuirc tuex.

EJEKIEL 27:35

“Svmuktvrax hep nuex httax yaq htenc muinz mnoz rvhumc vtuiux kvmac wangc kawc yawc wuez tueq. Tsuingshiq hokhvmx bix htenc doc muinz hiyaz kv-khuirc vtueq tsuingshiq htvlx htenc nuex sungx thuey waungc yaq.

EJEKIEL 30:9

“Kvruex raungnuiyq httuiuc wvnc vtueq Ejip kuex tvbac gay rvhumc tuex nuex, ngaz rueq muktuk maktak httax yaq Ethiopi miqsaz kuex thuinz tv-phez tvkoc thaungc jungc jix htenc kuex svngpholix htenc maq tvkaz shaungx, tsuinghez kv-khuirc hiyaz wuez tuex. Kvruex raungnuiyq httuiuc wvnc yaq!”

JEKERIA 11:2

Sipre pulx htenc lex, khoar vtueq yonzyex wuez kuinz, ruenx pulx htenc rul wvnc tueq; kvruex ngauz vngax vhttax pulx htenc bac kaz shex! Bashan khauk rauk pulx htenc lex, khoar vtueq yonzyex wuez kuinz, luingx vlak kuex dauk gay tueq!

TRI CHONGKE 29:24

Kvruex yimaq mungkawx lotlaz wawc miq htenc rueq, ‘Yehowa rueq tsuingshiq mungtan kuex yvmx khoc lac tvbac gay tvnx nyix? Yvmx ngoz tueq lac kvtanc khvnc vhiz juing thuinkhaq yaq nguinx?’ ngoz tueq wiz wuez shuex.

TRI CHONGKE 32:41

Ngaz rueq phelep yaung kuex httuiyq rek manx vtueq tvrac rulc rv-ngvlc shuimx vshaungx kuex khiz shuex. Ngaz muex ralx yaungc jix hez kuex phuiuq lvmz ruiux, ngaz muex shuiuc pac jix hez muex murx tvgurc shaungx.

Revelation 18:10

Tsuingshiq kuex piq rvhumc yaq murx kvyuq tsuingshiq muinz rvhumc muex hiz vtueq vluz nuex jvp wuez ruiux, “Vyungx vluz nuiyc hungc vlaungc httahvlc Babelon ghaqyungx lex! Vhiz juing mvnauz! Vhiz juing mvnauz! Mnoz kuex shalhtaz shiz nuex dvyx phoc gay rvhumc vtuiux nyix!” ngoz tueq ngoz wuez tueq.