EJEKIEL 18:2 - Hawa Naga Bible 2001

² jungx tueq, “Israel mungtan nuex httax yaq miq htenc rueq jungx ruq jungx ruiux yaq vruex bomc tvguip kuex yvmx lac rvtvnx? ‘Vnyuiuz vwaz rueq svpiq thuey vhix kuex saq, Yuq muinz vsahez kuex wac kuimz wuez yaq.’

ASII LAKDAP Bible (BSI)

² raüta akha nguto, “Israil mungti raq ara uqkhiima bomtsi arka jam nguto bliiqkiki chongsiqtla? ‘Anyungwe raq spiqtsi ka ahaiwiq siqto. Kriikha na asetiim riimin ahaiwiq siqtlo.’

EJEKIEL 18:2 Referencias Cruzadas

YOBA 21:19

Tishox rueq vwaz mvrax ning-khvnc nuex vsaz muex murx tvgurc yaq ngoz tueq nuimshiq rueq ngoz vshuinx. Kvkhoc rvmuq! Tishox rueq mvrax yaq jix waz muex dvyx murx mtvgurc shueq; tsuingshiq rueq shuimx wvnc tueq mvrax ningkhvnc nuex kvruex murx tvgurc shuex lvmz kuex piq muex mtvkhic shueq.

DUNGWVNC 20:5

Yac yuimx kuex bumx vtueq nauk nawk, nauk nawk palx kaz, yvmx khoc lac ngoz ruiux lec ngaz kuex Yehowa nuimshiq Tishox rvtauk, ngaz rulc rvlongx mvy muq. Ngaz muex shuiuc pac jix kuex tsuingshiq suiuz vsaz pat thuimx nuiyc pat bvlic nuex httuiuc laz murx tvgurc shaungx.

ISAIA 3:15

Nuimshiq nuex ngvy miqsaz htenc kuex tvbunx jek gay nuiyc htemc saz jix htenc kuex mop jap svy muex vkhangx vhvlx lvmc juing yvmx muinz vguez. Ngaz, Tvphaungc Tvsuip Johvlc Yehowa rueq jungx vshaungx.”

JEREMIA 15:4

Hezekia saz Manase kuex Yuda hokhvmx yaungx yaq nuex, Yerusalem nuex piq rueq shuimx wvnc tueq yauk shuimc ningkhvnc nuex ngaz rueq mungkawx miqsaz lotlaz muex ekvruex hez kuex khiz vtueq tvkawc yawc shaungx,” ngoz tueq.

AJONJÜ 5:7

Nuiyshiq jix vwaz tamx rueq mvrax yaq wvnc tueq, yuq muinz majuiuc tsuingshiq kuex vguez shex, nuiyshiq kuex tsuingshiq mvrax ningkhvnc nuex kuilc daz rvhumc vtix.

EJEKIEL 12:22

Vpiq rueq, “Vthueyc rvyaq miq lex, yvmx ngoz tueq lac Israel miq htenc rueq, ‘Vkhing kuex lvy wvnc vtuex tvluz nuex jungx wvnc tueq kuex yvmx rvtueq lac yaungx muq?’ ngoz tueq bomc tvguip kuex tvyez kakaz jungx yaq nguinx?

EJEKIEL 16:44

Yehowa rueq, “Yerusalem lex, miq htenc rueq mnoz nuex seng vtueq vruex bomc tvguip kuex: ‘Vnyuiuz ikhoc, yalxjuik saz ikhoc,’ ngoz tueq bomc tvguip shuex.

EJEKIEL 17:12

“Kvkhoc khawc lvlc jix hez tsuingshiq rueq bomc tv-ngvlc vlvmz kuex tuiuz ruiux yuq, vjungc kuy tvkoc wiz shuiuz. Babelon hokhvmx kuex Yerusalem nuex httuiuc vtueq, hokhvmx waz nuiyc piq vyungx vlaungx bix htenc kuex lvp ruiux, piq rulc vdvmz Babelon nuex shvlx wvnc tueq.

EJEKIEL 18:1

Yehowa kuex ngaz rulc rvbomc vtueq

EJEKIEL 18:19

“Yuq muinz mnoz rueq, ‘Vsaz kuex vwaz mvrax htenc ningkhvnc nuex yvmx ngoz tueq lac rvhumc muq rvtvnx?’ ngoz tueq wiz ruiux yuq, vsaz kuex vhvlx nuiyc vlvmz yauk shuimx wvnc tueq. Piq rueq ngvy tvrac htenc kuex taq vtueq kvruex htenc kuex honc maq phvnc tvhungx ningkhvnc nuex piq kuex vsuing tvraungx httax tuex.

EJEKIEL 18:3

Johvlc Yehowa rueq, “Ngaz kuex vtvraungx Tishox rvtauk, kvkhoc rvtueq nuimshiq rueq vruex bomc tvguip kuex Israel mungx nuex mkaq muinz jungx ruq jungx shuinx rvmuq.

EJEKIEL 25:3

Ngaz, Johvlc Yehowa rueq jungx shaungx kvjaz kuex tay tvkoc tsuingshiq muex jungx shuiuz: mnoz rueq tvshuy shac gay toq ngvy Shomc Yuimx kvmuinz, kuiyqshuik kuiyq shix yaungx wvnc tueq Israel mungtan kvmuinz, vthuq vruez wvnc Yuda miqsaz htenc kvmuinz khiz vtueq kokez vtuinx.

EJEKIEL 37:11

Tishox rueq ngaz muex jungx phuex, “Vthueyc rvyaq miq lex, Israel miqsaz kuex vruex ruk vrawz htenc vkhoc rvtueq. Tsuingshiq rueq shanx wvnc vtix, max kox nuex thuinz tvluimc juing yvmx muinz vguez shex, ngoz tueq jungx wuez yaq.

EJEKIEL 37:19

Johvlc Yehowa ngaz rueq Ephraim yauk nuex httax yaq Yosep kankawz nuiyc Israel phvnx nuiyc piq kung vkamz kuex lvmz vtueq, Yuda mungtan wawc kankawz rulc vdvmz taq ruiux, kankawz vshiz muex yaungx wvnc tueq kankawz kuex ngaz rueq shuimx shaungx lvmz tsuingshiq muex jungx shuiuz.

EJEKIEL 37:25

Ngvy nvrc waz Yaku muex ngaz rueq kuq tauk ghaq ngoz yaq tsuingshiq jix vwaz tamx httaz juing mungtan nuex tsuingshiq httax wuez tuex. Tsuingshiq kuex kvruex mungtan kvyuq pattup httax tuex, kvmaq tsuingshiq sahez nuiyc tsuingshiq suiuz hez lotlaz muinz kvruex mungtan kvyuq pattup pat-sac httax tuex. Ngvy nvrc waz Dawid rulc rv-ngvlc yaq hokhvmx waz rueq tsuingshiq kuex pattup pat-sac guimz shuex.

EJEKIEL 7:2

Vpiq rueq, “Vthueyc rvyaq miq lex, vruex kuex Israel mungx nuex seng vtueq ngaz, Johvlc Yehowa rueq jungx vshaungx rvtueq: vruex kuex wvmungx tuimx tvkoc vtvsuip shex rvtueq!

Matthew 23:36

Nuimshiq muex ngaz rueq vsuing jungx kuq ix, miq thvt wvnc tueq lotlaz laung nuex majuiuc pat wawc miqsaz htenc htauk nuex murx tvgurc kuy rvhumc tuex!

Romans 9:20

Kungjix waz lex, mnoz kuex yvmx khoc jix miq ningkhvnc nuex lac Tishox muex kvkhoc tvralc vshuiux? Gvmx tuik vshiz rueq vlauz jix waz muex ngoc, “Yvmx ngoz tueq lac mnoz rueq ngaz kuex vkhoc ruez vphux?” ngoz tueq wiz khvmc shuex haz?