DUNGWVNC 9:31 - Hawa Naga Bible 2001

³¹ Kvkaq ruiypuic jungx nuiyc wanx tsvmz kuex bac kaz tueq, yvmx khoc lac ngoz ruiux lec wanx tsvmz kuex muinx yaq shex, ruiypuic jungx muinz puic yaq shex.

ASII LAKDAP Bible (BSI)

³¹ Raicho lung nai jaili tsam ka wiita tiithen baiqto. Jamkhano ngukla jaili ka aman she riito. Kiimaq raicho cham ka ashun dongpha raü she riito.

DUNGWVNC 9:31 Referencias Cruzadas

2 SAMUEL 21:9

Dawid rueq tsuinghez kuex Gibeon miqsaz yauk nuex lekuq gay tueq; tsuingshiq rueq kankhux kvyuq Yehowa khaungkac nuex tvshuirc pauk gay tueq, tsuinghez waz mvshix kuex vdvmz nuex thueyc tueq. Tsuinghez thvt gay raungnuiyq kuex wanx tsvmz yut phaungc tueq raungnuiyq, raunglawc yac tvsuip kox nuex aungx tueq.

DUNGWVNC 9:32

Yuq muinz tsvmtsaq kuex bac muq doc, yvmx khoc lac ngoz ruiux lec muinc yix ningkhvnc nuex rvtueq.

AMO LUIK DVP (AMOS) 4:9

“Nuimshiq rueq khic yuingc tuit htenc kuex tvshanc gay tvkoc kalc hvlc raungguil tvkaz tauk. Nuimshiq sunc htenc nuiyc svpiq sunc htenc, nuimshiq phuiuq muiuq jungx htenc nuiyc olip jungx htenc lotlaz nuex kup jawrawx htenc rvhumc tueq. Kvkhoc rvyruiux nuimshiq kuex ngaz kox nuex yek waung muit.

HABAKUK 3:17

Phuiuq muiuq jungx htenc nuex vthuey thuey muq, svpiq ruiuz htenc nuex vthuey thuey muq, olip jungx nuex vthuey kvpauk muq, wuik vnax htenc nuex tuiz vtsvmz dung muq, khelbuenx lotlaz thueyc kaz tsuiyc vtuex, mansuiux tap nuex shauk httuiz httax ruiux muinz,

RUTHA 1:22

Naomi kuex Moba shvlx vnvmx nyuiuz Rutha rulc roc nuex Moba mungx maq yek waung tueq. Tsuingnueyc Betlehem nuex httuiuc waung tueq nuex, wanx tsvmz yut jauz shex rvtueq.

RUTHA 2:23

Kvkhoc rvtueq Rutha kuex kvruex yalxjuik rulx rulc vdvmz shuimx kaz vtueq wanx tsvmz nuiyc nyensaz tsvmz gvnc tvtuimz laz tsvmz yaz kuex soc tueq. Piq kuex vnguiy pez rulc httax hvt dvyx rvtueq.