DUNGWVNC 9:28 - Hawa Naga Bible 2001

²⁸ Yehowa kox wawc vjux thoz shuinz! Nuiyhez nuex raungx rueq pheq nuiyc tv-nguirx rueq tuip yaq kuex hungx tueq shex! Nuimhez tvkay tvkoc ngaz rueq bomkhvmc kuq vphaungx; nuimshiq vyuq loayc hvlc httax muit shex rvtuinx,” ngoz tueq jungx tueq.

ASII LAKDAP Bible (BSI)

²⁸ Tatiwe jaq wa achu jaü kuqlaq! Naishiq khuthaq na ara rathaiqtaq kiimaq tsak-hiiq roktaq arka hongto she! Ngi raq kiqkham kuq tiikang. Namshiq ka mitiiwa kang she. Namshiq ka arjaq alu shong nga rai ngomin raamak she.”

DUNGWVNC 9:28 Referencias Cruzadas

1 HOKHVMX 13:6

Hokhvmx Jeroboam rueq shvmmax waz muex ngoc, “Kejux maq Yehowa m-Tishox kox wawc ngvy tvkoc vjux thoz kuq koq, ngvy yauk kuex tvhvlc kuy tvkoc vpiq kox wawc kvmenc jenc thoz kuq koq!” ngoz tueq jungx tueq. Shvmmax waz rueq muinz Tishox kox wawc vjux thoz koq tueq hokhvmx waz yauk kuex hvlx kaz tueq.

DUNGWVNC 10:17

Majuiuc lauk wawc ngvy mvrax kuex dawc kuq ruiux, vruex thuimkux bac hvlc kuex tvsawc kuy tvkoc Yehowa nuimshiq Tishox kox wawc vjux thoz shuinz,” ngoz tueq jungx tueq.

DUNGWVNC 10:24

Kvkaq hokhvmx waz rueq Moshe kuex gvl vtueq, “Yehowa muex nawk palx kay tvkoc yalxjuik nosaz rulx htenc muinz nuimshiq rulc vdvmz mkaz naungx kueq. Yuq muinz khelbuenx, khelx nuiyc mansuiux htenc kuex vyuq dvyx taq shec shuinz,” ngoz tueq jungx tueq.

DUNGWVNC 10:8

Kvkhoc rvtueq hokhvmx waz rueq tsuinghez muex Moshe nuiyc Arun kuex gvl yek vtueq, “Yehowa nuimshiq Tishox muex nawk palx kuy tvkoc kaz wuez kuinz. Yuq muinz ukhaq khaq kay lac?” ngoz tueq wiz tueq.

DUNGWVNC 11:1

Yehowa rueq Moshe muex ngoc, “Ngaz rueq Ejip hokhvmx waz nuiyc piq miq htenc muex murx phvnx shiz dvyx shex tvgurc shaungx. Kvruex yimaq jix piq rueq nuimshiq kuex tvkaz kv-phuinx. Vsuing, nuimshiq lotlaz kuex vruex mungx vwawc yurc gay kv-phuinx.

DUNGWVNC 8:25

Kvruex yimaq hokhvmx waz rueq Moshe nuiyc Arun kuex gvl vtueq, “Nuimshiq kaz vtueq vruex mungtan vmaq nuimshiq Tishox muex shomc nawk kuy shomc kuq wuez shuinz,” ngoz tueq jungx tueq.

DUNGWVNC 8:28

Hokhvmx waz rueq, “Yehowa nuimshiq Tishox muex kumtsvy tvnx maq shomc kuy kay tvkoc ngaz rueq tvkaz phaungx, vluz nuex lawx nauk kaz kaz. Ngvy tvkoc vjux thoz kuq kuit,” ngoz tueq jungx tueq.

DUNGWVNC 8:4

Lukburx htenc kuex mnoz, mmiqsaz, mmiq vyungx vlaungx bix htenc htauk kvyuq dawk dat wuez tuex,’ ngoz tueq jungx shuiuz.”

DUNGWVNC 8:8

Hokhvmx waz rueq Moshe nuiyc Arun kuex gvl vtueq, “Lukburx htenc kuex lvmc kuy gay tvkoc Yehowa kox wawc vjux thoz shuinz, ngaz rueq mmiqsaz htenc kuex tvkaz shaungx, kvkhoc ngoz ruiux nuimshiq rueq Yehowa muex shomc nawk kuq lvp shuinx,” ngoz tueq jungx tueq.

JEREMIA 21:2

“Babelon hokhvmx Nebukhadnezar nuiyc piq nolaungx bix rueq ghaqyungx kuex komc gay tueq ningkhvnc nuex, naungshiq tvkoc Yehowa kox wawc kejux maq jungx kuq koq. Yehowa rueq naungshiq tvkoc vpiq vwangc juing phvnx shishiz tvyaungc vtueq Nebukhadnezar kuex mtvyek gay shueq.”

WEAWEA 21:7

Kvkhoc rvtueq miq htenc kuex Moshe kox nuex kaz vtueq, “Nuiyshiq rueq mnoz muex nuiyc Yehowa muex khawx lvlx ngoz ngax vtueq yaq gay tiq. Majuiuc muinz puiuc htenc vruex yurc gay tvkoc Yehowa kox wawc vjux thoz kuq koq,” ngoz tueq kvmenc jenc thoz tueq. Kvkhoc rvtueq Moshe rueq miq htenc kvruex tvkoc vjux thoz kuq tueq.

Acts 8:24

Kvkaq Simon rueq Peter nuiyc Yohan muex, “Ngaz nuex nuimnueyc rueq jungx vshuinx lvmz yvmx muinz httuiuc muq mruez kueq, ngvy tvkoc kejux maq Taungjix kox wawc vjux thoz kuq kuit,” ngoz tueq jungx tueq.

1 SAMUEL 12:19

tsuingshiq rueq Samuel muex ngoc, “Jiyungx waz lex, kejux maq nuiyshiq thueyc kaz miq tvkoc Yehowa m-Tishox kox wawc vjux thoz kuq koq. Vganc nuiyshiq mvrax htenc lotlaz htauk nuex, nuiyshiq rueq hokhvmx thoz ningkhvnc nuex yaq tiq nuiyshiq mvrax htenc kuex majuiuc nuiyshiq rueq tuiux tiq shex,” ngoz tueq jungx tueq.