DUNGWVNC 4:13 - Hawa Naga Bible 2001

¹³ Yuq muinz Moshe rueq, “Yehowa lex, miq vganc washiz tvkaz shuiuz,” ngoz tueq tvyez jungx tueq.

ASII LAKDAP Bible (BSI)

¹³ Shatmaq Mosheq raq treto, “Riimak, Tatiwe, mangchan laüta maiq ahinti tiikilaq.”

DUNGWVNC 4:13 Referencias Cruzadas

RAPHA HIQWA LAK 24:7

Yehowa htunghtauk raungmungx Tishox rueq iwaz yuimx wawc nuiyc iphvnx imaq mungtan wawc ngaz kuex gvl laq vtueq, isuiuz isaz phvnx muex vruex mungx kuex kuq phaungx ngoz tueq ngaz muex vpiq kvtuemc vtueq bomkhvmc kuq phuex. Mnoz rueq isaz muex miq thuiyx kaz ruiux yuq humc tvkoc vpiq raungkamx waz kuex mmax nuex tvkaz shuex, kvruex wawc isaz tvkoc vyuimx jix nyuiuz kuex humc kuq shuiux.

RAPHA HIQWA LAK 41:35

Kvruex hez kvmac httuiuc wvnc yaq rungwanx raungwawc htenc kvruex baunglaung tuiz vtsvmz kuex hic tvjomx tvkoc nvr shuiuz. Kvmaq tuiz vtsvmz htenc kuex miq ghaq htenc kvyuq tvjomx taq ruiux tvbvmc tvlawc tvkoc tsuingshiq muex vrangx vpangx kuq shuiuz.

RAPHA HIQWA LAK 48:16

Ngaz kuex vgvrx vtsvrx htenc wawc palc wvnc jix raungkamx waz rueq vruex nox nueyc vmac ruimrix mkuq shueq! Ngvy muingc, Ijix iwaz Abraham nuiyc Esak muingc kuex tsuinghez rueq mtv-phaungx ngaungx shueq! Tsuingshiq suiuz vsaz phvnx htenc kuex paunghvlc mpux paung wvnc kueq!”

1 HOKHVMX 19:4

Eliya kuex yaruix rumz nuex raungnuiyq nuiyq tuimc khuemx kaz wvnc tueq. Piq kuex pulx jungx vshiz buingc khung nuex ngaungc vtueq, piq vthueyc kay roc lvmz kuex thoz tueq. Piq rueq, “Yehowa lex, kvruex kuex vjvnc shex; ngvy thuiuzthuic kuex lvmz gay koq; ngaz kuex vthueyc raung dodoc rvtueq!” ngoz tueq vjux thoz tueq.

DUNGWVNC 23:20

“Nuimshiq khuemx vtuinx nuex tvkhup wungx kuy tvkoc nuiyc ngaz rueq vtvhungx shec baung nuex nuimshiq shvlc wvnc tvkoc nuimshiq khaungx tvmax kox nuex raungkamx waz kuex ngaz rueq tvkaz shaungx.

DUNGWVNC 4:1

Moshe rueq Yehowa muex ngoc, “Mkhoc shoc maq Israel miqsaz kuex ngaz muex kvmx muq, ngaz rueq jungx ruiux muinz tay muq. Mnoz rueq Yehowa khiz toq ngoz shuiux kuex yaungx lot muq, ngoz laq ruiux yuq, ngaz rueq yvmx khoc lac rvshaungx?” ngoz tueq wiz tueq.

DUNGWVNC 4:12

Majuiuc kaz kuiuz! Mnoz muex kvjaz ngaz rueq romc kuq phaungx, mnoz rueq yvmx khoc jungc juing lac kuex ngaz rueq jungx kuq phaungx,” ngoz tueq jungx tueq.

DUNGWVNC 4:14

Kvkaq Yehowa kuex Moshe muex khaq vtueq, “Lewi miqsaz mphuz Arun vhttax rvmuq haz? Piq kuex vbomc thenc hvlc miq washiz rvtueq kuex ngaz rueq tuiuz yaq. Piq kuex mnoz rulc rvhumc roc vtueq majuiuc doc muinz mnoz kox nuex kaz thuiyc yaq.

JEREMIA 1:6

Ngaz rueq, “Johvlc Yehowa lex, ngaz kuex rullungx nosaz shauk ningkhvnc nuex mkhoc jungphvnc juing wuez ngaz rueq tuiuz mauk,” ngoz tueq tvralc tueq.

JEREMIA 20:9

Yuq muinz ngaz rueq, “Ngaz rueq Yehowa kuex lauk gay ruiux, vpiq muingc maq jungphvnx mauk shex,” ngoz tueq jungx ruiux yuq, mbomjungc kuex ngvy thuinz mungx nuex wvr rueq ikhoc khamc gay yaq. Kvruex tvkuiux raz lot tvkoc vhvlx maq hunglaungx tauk, yuq muinz kvruex raungluingx saz muinz nanx lot mauk.

Jona 1:3

Yuq muinz Yona kuex Yehowa kox kvwawc yuz wvnc tvkoc vganc nuex kaz wvnc tueq. Piq kuex Joppa nuex kaz wvnc vtueq kvyuq Spain mungx nuex kay jix lix vshiz kuex humc kaz tueq. Piq kuex Yehowa kox wawc yuz wvnc muex ngoz tueq lix mauk kuq ruiux, Spain mungx nuex kay wvnc tvkoc lix miqsaz htenc rulc vdvmz lix htauk nuex nyuip wvnc naungx tueq.

Jona 1:6

Lix walaungx waz rueq humc kaz vtueq piq muex, “Mnoz yvmx ngoz tueq lac woalc kaz tuiux? Kvtenc vtueq mtishox rueq romc kuy tvkoc vjux thoz shuiuz. Vpiq rueq waz wuez naunghez kuex menjenc vtueq naunghez thuiuzthuic htenc tvluenx wvnc phuex wuez,” ngoz tueq jungx tueq.

Matthew 13:41

Miq Saz rueq vpiq raungkamx bix kuex nvr tvkaz vtueq vpiq Mungtan wawc miq muex lvmx tvyaq jix mvrax vhttax miqsaz lotlaz nuiyc honc bac yauk shuimc jix lotlaz kuex thvl tvdung vtueq,

John 6:29

Yesu rueq, “Tishox thuinroc lvmx ngoz yaq kuex vpiq rueq vtvkaz waz muex kvmluimx juing ngoc rvtueq,” ngoz tueq tvralc tueq.

PHOWEBI 2:1

Yehowa raungkamx waz kuex Gilgal maq Bochim nuex kaz vtueq Israel miqsaz muex ngoc, “Ngaz rueq nuimshiq kuex Ejip mungx wawc shvlx wvnc vtueq, nuimshiq jix vwaz tamx muex bomkhvmc kuq tauk mungx nuex shvlx wvnc phaungx. Ngaz rueq, ‘Nuimshiq rulc vtaq ngvy bomkhvrc kuex mkaq muinz bac kaz tuex rvmuq.