DUNGWVNC 4:10 - Hawa Naga Bible 2001

¹⁰ Yuq muinz Moshe rueq, “O Yehowa lex, ngaz kuex nauk tvkaz vkueq. Ngaz kuex mkaq muinz vbomc vnyamc khvmc mauk waz rvtauk, Mnoz rulc rvbomc vtaungx nuex doc muinz bomx nyamx thenc mauk. Ngaz kuex kvjaz vgaq, thuic duimz, kvjaz komc hvlc miq rvtauk,” ngoz tueq jungx tueq.

ASII LAKDAP Bible (BSI)

¹⁰ Shatmaq Mosheq raq nguto, “Riimak, Tatiwe, ngi ka naq thaükiq. Ngi ka maiq ma bom chongketi riimak. Kiimaq ümniiraq ngi rai riibom tlaü ariiraq, ngi ka tsüwe tsitwe ma tiija mak. Ngi ka maiqrai riibom tsin mang we. Kiimaq agak agaq nai anang anamtiwe.”

DUNGWVNC 4:10 Referencias Cruzadas

DUNGWVNC 3:11

Yuq muinz Moshe rueq Tishox muex ngoc, “Ngaz kuex khuec guez miq, ngaz hokhvmx waz kox nuex kaz vtueq Israel miqsaz kuex Ejip mungx wawc yvmx khoc maq lac tvdung wvnc lot shaungx,” ngoz tueq jungx tueq.

DUNGWVNC 4:1

Moshe rueq Yehowa muex ngoc, “Mkhoc shoc maq Israel miqsaz kuex ngaz muex kvmx muq, ngaz rueq jungx ruiux muinz tay muq. Mnoz rueq Yehowa khiz toq ngoz shuiux kuex yaungx lot muq, ngoz laq ruiux yuq, ngaz rueq yvmx khoc lac rvshaungx?” ngoz tueq wiz tueq.

DUNGWVNC 6:12

Yuq muinz Moshe rueq tvyez jungx tueq kuex, “Israel miqsaz rueq doc muinz ngvy kvjaz tay kuq muq, kvkhoc rvtueq hokhvmx waz rueq yvmx khoc lac tay kuq phvnx? Ngaz kuex kvjaz vgaq, bomc duimz waz rvtauk,” ngoz tueq jungx tueq.

DUNGWVNC 6:30

Yuq muinz Moshe rueq, “Ngaz kuex kvjaz vgaq, bomc duimz waz rvtauk; mnoz rueq tuiuz yaq, hokhvmx waz rueq ngvy kvjaz kuex yvmx khoc maq lac tay kuq phvnx?” ngoz tueq tvralc tueq.

JEREMIA 1:6

Ngaz rueq, “Johvlc Yehowa lex, ngaz kuex rullungx nosaz shauk ningkhvnc nuex mkhoc jungphvnc juing wuez ngaz rueq tuiuz mauk,” ngoz tueq tvralc tueq.

Mikha 6:4

Ngaz rueq nuimshiq kuex Ejip mungx wawc tvdung shvlx wvnc vtueq nuimshiq dax yaungc pat wawc palc wvnc phaungx; Moshe, Arun nuiyc Miriam hez kuex nuimshiq shvlc tvkoc ngaz rueq tvkaz tauk.

Acts 7:22

Moshe rueq Ejip miqsaz taksux tharc htenc lotlaz tvluing wvnc vtueq, vjungc vphvnc nuiyc shuimc vkay vthenc vtuiuz waz muex yaungx wvnc tueq.

2 Corinthians 10:10

Wvyvmc rueq, “Polu rueq vtvgurc luik kuex vlvmz sungx hvlc nuiyc hungc vlaungc httaz hvlc luik rvtueq; yuq muinz piq shauk pumz naungshiq rulc vdvmz nuex httax tuex yuq, piq khvmc thuinz vguez waz, vjungc vphvnc thenc muq waz rvtueq,” ngoz tueq ngoc jix miq muinz httax tuex.

2 Corinthians 11:6

Ngaz kuex vjungc vphvnc kuy thenc mauk ngoz ruiux muinz phaqjic lvmx nuex kuex kvkhoc rvmauk; ngaz rueq mrvkaq yuq muinz phvnx ruip saz nuex vlvmx vruex nuimshiq muex vhvlx waq tvtuiuz kuq phaungx.