DUNGWVNC 37:25 - Hawa Naga Bible 2001

²⁵ Piq rueq vhomc vtumc phvnx juiuz tvkoc shomrawx kuex akasia pulx maq tvhungx tueq. Kvruex kuex samx rv-ngvlc, vloayc kox sentimeter 45, vyungc kox sentimeter 45, vjoz kox sentimeter 90 rvtueq. Vrungx ikhoc vshuk rungx bvlic kuex shomrawx rulc vshiz dvyx rvtueq.

ASII LAKDAP Bible (BSI)

²⁵ Kiimaq Bejalel raq akasia pe maq homseng honglu chaqchang berong-wacha ashi kloto. Kriika tsingblai riito. Alu nü na 45 sentimitar kiimaq ajong niimin 45 sentimitar, kiimaq adii lu nü na 90 sentimitar riito. Kiimaq tapshok blai na arong blai kriimin bushi wiili aklo riito.

DUNGWVNC 37:25 Referencias Cruzadas

2 KAÜWA WERAÜ 26:16

Yuq muinz Hokhvmx Uzia kuex hungc vlaungc httax wvnc koq tueq, piq ngamc yungx wvnc vtueq piq dvy wvnc juing lvmx nuex shvlx wvnc tueq. Piq rueq shomrawx htauk nuex vhomc vtumc phvnx kuex jauk shomc kuy ngoz tueq Shomc Yuimx mungx nuex nyuip vtueq Yehowa piq Tishox muex yaq tueq.

DUNGWVNC 31:8

humpanx nuiyc kvruex yuq seng vtueq hup svmx htenc, kuimshawx wvr htung nuiyc kvruex yuq seng vtueq hup svmx lotlaz, vhomc vtumc juiuz juing shomrawx,

DUNGWVNC 35:15

vhomc vshot juiuz juing shomrawx nuiyc kantaung htenc, ruimruimc puiz tix, vhomc vtumc phvnx, Tap kaluix tuk juing mvnz;

DUNGWVNC 37:24

Piq rueq wvrkok htung nuiyc kvyuq rax yaq hup vsvmx htenc kuex, kuimshawx kilogram 35 maq guirx tueq.

DUNGWVNC 37:26

Shomrawx samx bvlic nuiyc vshuk wawc vrungx htenc kuex kuimshawx maq tsac ruiux, raungx kox wawc vkawx tvroz kuex kuimshawx muik shauk maq tvkop tueq.

DUNGWVNC 40:5

Vhomc vshot juiuz juing kuimshawx shomrawx kuex Bomkhvrc Jep max kac kvyuq taq vtueq, Tap kaluix nuex vjuinc juing kuex pauk tvhungx shuiuz.

Matthew 23:19

Muik mawz nuk lex! Yauk noalc kuex tvsawc nawc yaq shomrawx nuiyc yauk noalc kuex mruex jix lac vkhek pinhtumc rvtvnx?

Hebrews 13:10

Yuda miqsaz rueq nawk palx juing baung nuex yauk shuimc jix shomc waz bix kuex naungshiq shomrawx htauk nuex shomc nawk kuy juing kuex phuiuz svy vkhangx vguez.

Hebrews 7:25

Kvkhoc rvtueq vpiq muingc maq Tishox kox nuex kvnvp wvnc jix htenc kuex mkaq muinz palc daungc wvnc shuex, yvmx khoc lac ngoz ruiux lec vpiq kuex tsuingshiq tvkoc Tishox kox wawc thoz kuy muex pattup tvraungx httax yaq.

Hebrews 9:4

Kvruex yuq vhomc phvnx juiuz juing kuimshawx shomrawx nuiyc wvpumz tuimx kuimshawx maq vtvhungx Bomkhvrc Jep httax yaq, kvruex jep mungx kvyuq manna wanx htawc juing kuimshawx tuik muinz, vpuic vsung rvyaq Arun paq muinz, bomkhvrc tvrac vwuiyq shec lung dvmx vnueyc muinz httax yaq.

1 Peter 2:5

Nuimshiq kuex vtvraungx lung htenc ikhoc vpiq kox nuex kaz vtueq, siyac nuex seng yaq shomc yuimx guirx yaq kvyuq nuimshiq muinz vshuimc vlvmc juing muex yaungx naungx kuinz, kvruex baung kvyuq Christu Yesu ningkhvnc nuex siyac nuex seng vtueq raungc raq lvp wvnc aungx yaq shomc nawk kuy juing htenc kuex Tishox muex shomc kuy tvkoc vsawc shomc waz bix ikhoc nuimshiq rueq shomc kuq shuinx.