DUNGWVNC 29:25 - Hawa Naga Bible 2001

²⁵ Kvruex yimaq tsuinghez yauk wawc lvmz vtueq, ngaz muex phuiuz vsvy shomc kuq yaq ikhoc, shomrawx htauk wawc wvr maq jauk shomc kuy juing htauk kvyuq mjauk shueq. Ngaz rueq vkhoc vshomc kuq wawc vhomc vtumc kuex raungc raq vshaungx.

ASII LAKDAP Bible (BSI)

²⁵ Kra laütiishe kriithun ka tsangshiq jaq wiishe ümniiraq jaülaq. Laüta berong-wacha na chaqtlii-honglu kuqtaq kriithaq na phong laüta Ngi ma phaqsea-honglu na kuqlaq. Ara honglu khiimtsang ka Ngi ma tsan tiiheali miraq.

DUNGWVNC 29:25 Referencias Cruzadas

RAPHA HIQWA LAK 8:20

Noa rueq Yehowa muex shomc kuy juing shomrawx kuex tvhungx vtueq; vsawc ngvmx saz nuiyc wushawx phvnx ruip saz htenc wawc kuiux phuq lvmz vtueq, shomrawx htauk nuex wvpumz tuimx jauk shomc kuq tueq.

RAPHA HIQWA LAK 8:21

Yehowa rueq vhomc vtumc thuingc kuex raungc raq yaq rvtueq, “Ngaz rueq miq honc vyaungc ningkhvnc nuex yix maq mkaq muinz ghaq muex tuemc kuq shaungx rvmuq; miq kuex nosaz maq phuex honc vyaungc vbac kuex ngaz rueq tuiuz yaq. Ngaz rueq vtvraungx yungsuiuz yawxsaz htenc kuex majuiuc lauk vkhoc mkaq muinz laukshiz tvbac gay yek shaungx rvmuq.

Tvtsvmc 99:6

Moshe nuiyc Arun kuex vpiq shomc waz nueyc rvtueq, Samuel muinz vpiq kox wawc vjux thoz jix waz rvtueq; tsuinghez rueq Yehowa kuex gvl wuez koq tueq vpiq rueq muinz tsuinghez muex tvralc kuq tueq.

DUNGWVNC 29:18

Khelbuenx wvpumz tuimx kuex shomrawx htauk nuex wvr maq jauk shomc kuy rax. Vruex kuex Yehowa muex jauk vtueq shomc kuy rvtueq, vkhoc vhomc vtumc maq shomc kuy kuex ngaz rueq raungc raq shaungx.

DUNGWVNC 29:24

Phuiuz vsvy lotlaz kuex Arun nac sahez yauk kvyuq kuq vtueq, ngvy tvkoc yauk noalc htep ikhoc maq kvruex mkuq phueq, tsuinghez muex jungx shuiuz.

DUNGWVNC 29:41

Raungyac kox nuex vnueyc ngoc yaungc khelbuenx kuex shomc nawk kuq shuiuz, raungnvp kox nuex shomc kuq toq kvrulc rv-ngvlc khaqmvnc wanx, olip puiz nuiyc svpiq tix kvmaq muinz shomc kuq shuiuz. Kvruex kuex Ngaz, Yehowa tvkoc phuiuz vsvy shomc kuy yaungx vtueq vhomc vtumc kuex ngaz rueq raungc raq vshaungx.

LEWI 1:13

Shomc waz rueq Yehowa muex shomc nawk kuy juing lotlaz kuex shomrawx nuex wvr maq lotlaz juiuz gay rax. Vkhoc phuiuz vsvy maq shomc kuq shix homc tumc kuex Yehowa rueq raungc raq yaq.

LEWI 1:9

Vpuk vyiz nuiyc vhuk htenc kuex yuix maq hoalc rax. Kvruex yimaq yauk shuimc aungx yaq shomc waz rueq shomc nawk kuy juing lotlaz kuex shomrawx nuex tvdaungc vtueq, wvr maq jauk shomc kuy rax. Vkhoc phuiuz vsvy maq shomc kuq shix homc tumc kuex Yehowa rueq raungc raq yaq.

LEWI 10:13

Vsawc baung maq kvruex phuiuz svy rax; kvruex kuex Yehowa muex phuiuz vsvy shomc kuq shuinx wawc mnoz nuiyc msaz hez laung mvnjuz rvtueq. Kvruex kuex ngaz muex Yehowa rueq vnvr rvtueq.

LEWI 2:11

Yehowa muex nuimshiq rueq shomc kuq shuinx ruiy vwungx vngoz htenc nuex wisiz tvlomx mvy muq; Yehowa muex phuiuz vsvy shomc kuy juing maq muinz wisiz, rvmuq ngoz ruiux nyaq ngurx kuex tvlomx mvy muq.

LEWI 2:16

Shomc waz rueq wungx nuiyc vpuiz tix tvtsuingc mvhttarc vshiz ikhoc wungwanx nuiyc vpuiz raungluingx lvmz vtueq vhomc vtumc lotlaz vroc nuex wvr maq jauk shomc muex lvmc lvy rax, kvruex kuex Yehowa muex phuiuz vsvy maq shomc kuy rvtueq.

LEWI 2:2

Arun sahez shomc waz bix kox kvyuq lvmc lvy rax. Yauk shuimc aungx yaq shomc waz rueq wungwanx yaukkhunc shiz, vpuiz nuiyc vhomc phvnx httax yaq lotlaz kuex lvmz vtueq shomrawx htauk nuex jauk ruiux shomc kuy rax, kvkhoc shomc kuy lvmz kuex Yehowa muex vruiy vwungx lotlaz maq shomc kuy muex yaungx yaq. Vkhoc phuiuz vsvy maq shomc kuq shix homc tumc kuex Yehowa rueq raungc raq yaq.

LEWI 2:9

Shomc waz rueq kvruex wanx lotlaz kuex Yehowa muex shomc kuy laung nuex raungluingx lvmz vtueq, shomrawx htauk nuex jauk ruiux shomc kuy rax. Vkhoc phuiuz vsvy maq shomc kuq shix homc tumc kuex Yehowa rueq raungc raq yaq.

LEWI 3:11

Vshuimc jix shomc waz rueq kvruex lotlaz kuex shomrawx htauk nuex wvr maq jauk vtueq, Yehowa muex phuiuz vsvy maq shomc kuy rvtueq.

LEWI 3:14

kvmaq ngvmx phuinz vphux maq Yehowa muex phuiuz svy shomc kuy juing kuex: vwuk wawc vyox lotlaz,

LEWI 3:16

Shomc waz rueq kvruex htenc kuex shomrawx htauk nuex wvr maq jauk vtueq, Yehowa muex phuiuz vsvy maq shomc kuy rvtueq. Vpuiz httax yaq lotlaz kuex Yehowa laung rvtueq.

LEWI 3:3

kvmaq tsuinghez rueq Yehowa muex phuiuz vsvy shomc kuy tvyaungc muex, vpuiz kvyop yaq vwuk wawc vyox lotlaz,

LEWI 3:5

Shomc waz bix rueq kvruex htenc lotlaz kuex shomrawx htauk nuex jauk yaq wvr maq jauk shomc kuy juing htenc rulc vdvmz nuex juiuz gay rax. Vkhoc shomc kuq yaq vhomc vtumc thuingc kuex Yehowa rueq raungc raq yaq.

LEWI 3:9

kvmaq ngvmx phuinz vphux maq Yehowa muex phuiuz svy shomc kuy juing kuex: vpuiz, vpuiz waq vmiz bungc, vpuiz kvyop yaq vwuk wawc vyox lotlaz,

LEWI 7:25

Yehowa muex phuiuz vsvy shomc kuy vshomc kuq nyvmx saz puiz phuiuz svy gay jix waz kuex Tishox miqsaz wawc tvdungc gay rvhumc tuex.

LEWI 7:5

Shomc waz rueq vpuiz httax yaq lotlaz kuex Yehowa muex phuiuz vsvy maq shomc kuq yaq ikhoc shomrawx htauk nuex juiuz juing rvtueq. Kvruex kuex tvyez shomc kuy rvtueq.

LEWI 8:28

Kvruex yimaq Moshe rueq tsuinghez kox wawc kvruex phuiuz vsvy kuex lvmz vtueq, ngauz tvduic shomc kuy juing ikhoc tvyaungc ruiux wvr maq jauk shomc kuy juing htauk shomrawx nuex jauk tueq. Kvruex kuex phuiuz vsvy shomc kuy ningkhvnc nuex kvruex homc tumc kuex Yehowa rueq raungc raq yaq.

Ephesians 5:2

Christu rueq naungshiq kuex lungwawx vtueq, naungshiq tvkoc vpiq shauk pumz kuex Tishox rueq raungc raq yaq vhomc vtumc shomc nawk kuy juing tvyaungc vtueq shomc kuq gay tueq ikhoc, nuimshiq muinz lungwawc thuinz rueq shunshvlx yaq mungx nuex khuemx wuez kuinz.

1 SAMUEL 2:28

Shomrawx nuex yauk shuimc tvkoc muinz, vhomc vtumc phvnx juiuz tvkoc muinz, svmhung hungtuingx svmx vtueq ngaz rulc rvjungc phvnc tvkoc muinz, Israel phvnx lotlaz htauk wawc ngvy shomc waz yaungc tvkoc piq yuimx wuinz kuex ngaz rueq httauk wvnc tauk. Ekvmaq raz tueq shomrawx htauk nuex wvr maq jauk shomc kuq yaq htenc wawc mvnjuz lvp tvkoc muinz tsuinghez muex ngaz rueq kuq tauk.