DUNGWVNC 29:13 - Hawa Naga Bible 200113 Kvruex yimaq vwuk mungx wawc vpuiz htenc, vthuinz wawc vyox, vkvl poz nueyc rulc nongx vpuiz kuex shomrawx htauk nuex wvr maq jauk vtueq ngaz muex shomc kuq koq. Ver CapítuloASII LAKDAP Bible (BSI)13 Kra laütiishe atsan among thun na ngampü thun ka wiita lamlaq. Kiimaq atsan wa ahea pinthum ba kra lamlaq. Kiimaq akeapo wiinai kriimin apü thun kra nong nong lamlaq. Kra laütiishe arthun ka berong-wacha na Ngi miitu honglu na wa na chaqlaq. Ver Capítulo |
Vpiq rueq, “Mnoz rueq ngaz muex shomc nawk kuy shomc kuq vphux lotlaz kuex ngaz rueq raungc raq yaq ngoz tueq haz tvmaung vshuinx? Shomc nawk kuy juing ikhoc mnoz rueq wvr maq jauk vshuiux khelbuenx pung htenc nuiyc vpuiz waq ngvmx saz htenc htauk nuex jvnc vtueq ngaz rueq lvp vshaungx. Ngaz rueq khelbuenx pung htenc, khelbuenx htenc nuiyc khelkhix htenc tvguiy kuex raungc raq mauk.
Kvruex yimaq piq rueq vpuiz lotlaz kuex lvmz vtueq shomrawx htauk nuex wvr maq juiuz rax, lux rvyaungc shomc kuy tvkoc nyvmx saz vpuiz kuex thvt vtueq piq rueq wvr maq juiuz rax. Vkhoc htungx vlayx maq shomc waz rueq guimz lawc jix waz mvrax tvkoc nuex shomc kuy ningkhvnc nuex, kvruex waz mvrax kuex dawc kuq shuex.
Kvruex yimaq luz rvyaungc shomc kuy juing wawc vpuiz lvmz shix ikhoc, khelkhix kuiux puiz lotlaz kuex lvmz vtueq shomrawx htauk nuex wvr maq jauk shomc kuy rax, kvkhoc shomc kuq yaq vhomc vtumc kuex Yehowa rueq raungc raq yaq. Ekvkhoc maq shomc waz rueq kez miqsaz washiz mvrax tvkoc nuex shomc nawk kuy ningkhvnc nuex, kvruex waz mvrax kuex dawc kuq shuex.
Kvruex yimaq luz rvyaungc shomc kuy juing wawc vpuiz lvmz shix ikhoc, khelbuenx puiz lotlaz kuex lvmz vtueq, shomc kuy juing rulc roc nuex shomrawx htauk kvyuq wvr maq jauk shomc kuy rax. Ekvkhoc maq shomc waz rueq miq washiz mvrax tvkoc nuex shomc nawk kuy ningkhvnc nuex, kvruex waz mvrax kuex dawc kuq shuex.
Yuq muinz khelx vmanx nuiyc khelbuenx nyuiuz phaungc sahez htenc kuex tvyez rez wvnc yek mvy muq; kvruex kuex ngaz muex lekuy tvlanc shomc kuy rax. Kvruex nyvmx saz tvguiy kuex shomrawx htauk nuex buit wuinc vtueq, vpuiz kuex phuiuz vsvy shomc kuy tvyaungc muex wvr maq juiuz rax, kvruex homc tumc kuex ngaz rueq raungc raq vshaungx.
Mkhoc shoc maq miqwaz kvraq, “Vphaungc nuex vpuiz jauk vtueq vlvmz rvkhauk maq shuimx kaz phix; kvruex yimaq jix mnoz rueq roc shuiux tanc khvnc lvmz wvnc shuiuz,” ngoz tueq jungx ruiux muinz shomc waz nvrc waz rueq, “Rvmuq! Ngaz muex majuiuc kuq koq! Mnoz rueq kuq muq ngoz ruiux yauk laungc maq lvmz wvnc shaungx!” ngoz tueq ngoz ruiux shuex.