DUNGWVNC 28:12 - Hawa Naga Bible 2001

¹² Israel miqsaz phvnx rokshiz rac vnueyc rueq rvwvl tvmaung yek tvkoc, lung ponueyc kuex hungtuingx phauk luimx ruiuz kvyuq tvkop shuinz. Ekvkhoc raz tueq Arun rueq tsuingshiq muingc htenc kuex phauk luimx nuex gurx vtueq, Ngaz, Yehowa rueq ngvy miq htenc kuex mkaq muinz rvwvl tvmaung lvp shaungx.

ASII LAKDAP Bible (BSI)

¹² Laüta arka ramwe rohun asii kheaphu kra phaqlam na batsaq samchang kheaphu wiinai thaq kriijaq tiikoplaq. Arka Israilnok maiq phan phan roqshi ri phan nai kra mangchong la na misilaq. Akha Aron raq tsangshiq maiq phan phan roqshi ri phan nai kra apaiq phaq lam na hoshat miraq. Kra raütiq Ngi, Tatiwe raq, isenginok ka wranaiqshe itsan na tiitsang ruq mithüha.

DUNGWVNC 28:12 Referencias Cruzadas

YOBA 31:36

ngaz kuex kvsomc parc vtueq kvruex luik kuex miqmac phauk luimx nuex tvkop taq shaungx, miqmac khux nuex khushec ikhoc taq khvmz tauk.

Tvtsvmc 89:19

Laukshiz romzyac tvkhic vshiz nuex mnoz muex tvmtuing nvrc waz vhvlx htenc muex mnoz rueq jungx toq kuex, “Muingjungc vhttax shvrvyx waz muex ngaz rueq romc kuq tauk; miq htenc phungc wawc vshiz kuex ngaz rueq vthvl vtueq mnoz hoc daungraungc kuex lekuq gay tauk.

DUNGWVNC 12:14

Ngaz Yehowa rueq shuimx wvnc tauk kuex tharc tvsvmz tvkoc vruex raungnuiyq kuex nawk palx kuiuq vmoalx raungnuiyq muex tvyaungc rax. Moalx vruex kuex httuiuc wvnc yaq ruip rawx nuex muinz moalx wuez shuinz,” ngoz tueq jungx tueq.

DUNGWVNC 13:9

Yehowa vpiq luimc vkawc yunghvlc maq nuimshiq kuex Ejip mungx wawc tvdung wvnc phuinx ningkhvnc nuex, nuimshiq rueq Yehowa Tvrac kuex mkaq muinz wvlc lawc tvkoc, moalx vruex kuex nuimshiq yauk nuex, rvmuq ngoz ruiux khaungkuimx nuex menc taq vshuinx tvtsuingc juing hakhix ikhoc nuimshiq muex honc tvsvmz kuq kv-phuinx.

DUNGWVNC 28:11

Lung nuex wvt wuiyq thenc jix miq muex lung ponueyc kvyuq Yaku sahez muingc htenc kuex wvt wuiyq ruiux, lung kvruex kuimshawx maq khop taq shuinz.

DUNGWVNC 28:29

“Arun kuex Vsawc Baung nuex nyuip ruiux yuq, khuiuq puingc kuex svmc rax, khuiuq puingc nuex Israel miqsaz phvnx muingc htenc lomx yaq ningkhvnc nuex, Ngaz, Yehowa rueq ngvy miq htenc kuex mkaq muinz rvwvl lvp shaungx.

DUNGWVNC 28:7

Hungluz kamtuingx httoarx nueyc kuex tvjuy tvkoc phauk luimx nuex bvt juing ruiuz vnueyc httaz rax.

ISAIA 12:2

Tishox kuex ngvy palc jix waz rvtueq; Ngaz vpiq muex tvluimc ningkhvnc nuex hiyaz mauk. Yehowa rueq ngaz muex luimc vkawc nuiyc hungc vlaungc kuq phuex; vpiq kuex ngvy palc jix waz rvtueq.

ISAIA 62:6

Yerusalem lex, ngaz rueq mpalx ruk htauk nuex vbvmc jix htenc taq tauk; Tsuinghez kuex raungnuiyq raungwvrx kuiyqshuik maq httax tuex rvmuq. Tsuinghez rueq Yehowa muex vpiq bomkhvmc htenc kuex rvwvlc tvmaung tvkoc shuimx kaz shuex, mkaq muinz lauk gay muq tvkoc honc tvsvmc kuq shuex.

ISAIA 9:6

Naungshiq tvkoc nox vshiz jawx tueq shex! Naungshiq muex miqwaz saz kuq phuex! Vpiq rueq naungshiq kuex guimz phuex. Vpiq kuex, “Vwangc juing,” “Tharc jungc jix,” “Ngauz ngax Yunghvlc Tishox,” “Pattup Vwaz,” “Nomic Hokhvmx saz,” ngoz tueq muingc shuex.

LEWI 24:7

Yehowa muex phuiuz vsvy shomc kuy laung tvyaungc muex wanx poz rencshiz phok htauk kvyuq vhomc vtumc rvkhauk laz kuex tvdaungc shuinz.

WEAWEA 16:40

Arun phvnx wawc rvmuq jix miq uraq yuq muinz Yehowa muex vhomc vshot juiuz kuy tvkoc shomrawx hep nuex kay mvy muq ngoz tueq nvyrvyx guip rueq Israel miqsaz muex honc tvsvmz kuq yaq. Vruex phvnx muq jix htenc kuex Kora nuiyc vyix phvnc jix hez htenc ikhoc tvbac gay rvhumc tuex. Yehowa rueq Moshe maq raz tueq tvlvy jungx kuq tueq htenc kuex Eleazar rueq shuimx kaz tueq.

WEAWEA 31:54

Yehowa rueq Israel miqsaz kuex tvkhup wungx kuy tvkoc Moshe nuiyc Eleazar rueq kuimshawx htenc kuex Tap nuex lvmz laq tueq.

Luke 1:54

Naungshiq jix vwaz muex kuq tueq bomkhvmc rulc rv-ngvlc, vpiq nvrc waz Israel muex romc kuq tueq.

Luke 1:72

Vpiq rueq naungshiq jix vwaz tamx muex vpiq rueq menjenc lvmz tvkhic vtueq vpiq vsawc bomkhvrc kuex rvwvl hvt rvshuex.

Acts 10:4

Piq kuex kawc yawc hvlc maq raungkamx waz kuex tvtsuingc lawc vtueq, “Taungjix lex, yvmx phvnx lac?” ngoz tueq wiz tueq. Raungkamx waz rueq muinz, “Mnoz rueq vjux thoz toq kvjaz nuiyc yauk noalc kuq noalx vshuiux htenc kuex Tishox rueq raungc raq yaq ningkhvnc nuex mnoz muex tvtay vphaungx.

1 Corinthians 11:24

Tishox muex kejux vyungx ngoz ruiux, wanx kuex tv-phuinz vtueq, “Vruex kuex nuimshiq tvkoc vkuq gay ngvy shauk pumz rvtueq, ngaz kuex rvwvl hvt tvkoc nuex vkhoc shuimx shuinz,” ngoz tueq.

TRI CHONGKE 33:12

Benjamin phvnx nuex seng vtueq vkhoc jungx tueq: “Benjamin kuex Yehowa rueq lungwawx vtueq tvkhup wungx kuq yaq; Vpiq rueq tsuingshiq kuex nuiyq tuimc tvwungx kuq yaq, Vpiq kuex tsuingshiq phungc mungx nuex httax yaq.

JOSHUA 4:7

nuimshiq rueq tsuingshiq muex Yehowa Bomkhvrc Jep rueq yuix yanz wvnc yaq nuex Yodan ruilx kuex kaz yaq wawc thauk kaz tueq, ngoz tueq jungx kuq shuinx. Vruex lung htenc rueq vruex hong vyuq yvmx lac tvyaungx wvnc tvnx htenc kuex Israel miqsaz muex tvrvwvlc yek tvkoc rvtueq,” ngoz tueq jungx kuq shuinx.