DUNGWVNC 24:3 - Hawa Naga Bible 2001

³ Moshe kuex Israel miqsaz kox nuex yek kaz vtueq, Yehowa rueq nvr tueq lotlaz nuiyc kvjaz htenc kuex jungx kuq koq tueq, miq htenc lotlaz rueq vdvmz nuex tvralc tueq kuex, “Yehowa rueq jungx tueq lotlaz kuex nuiyshiq rueq phvnx shix,” ngoz tueq.

ASII LAKDAP Bible (BSI)

³ Kiimaq Mosheq ka mungmaiqse phana kito. Raüta Tatiwe raq aming thun kuqtaq kra tri raütu akuq thun kra tlotli chongkuqto. Kiimaq mungmaiqse kunli raq adam maq treto, “Tatiwe raq jamlai wa chongtaq kra wiita naishiq raq miklohai.”

DUNGWVNC 24:3 Referencias Cruzadas

2 KAÜWA WERAÜ 15:14

Bomkhvrc kvruex phvnx shix ngoz tueq tsuingshiq kuex guyc tvruingx wuez ruiux bolic tuimz vtueq Yehowa muingc maq daungdaungx guyc ramc wuez vtueq kvtuemc wuez tueq.

2 KAÜWA WERAÜ 15:15

Vruex bomkhvrc kuex tsuingshiq thuinz vmungx lotlaz maq tvtsuir tv-phaungx tvy ningkhvnc nuex Yuda miqsaz lotlaz thuinhvlx kokez wuez tueq. Yehowa muex nawk palx lvmz nuex tsuingshiq rueq raungc raq wuez tueq, vpiq rueq tsuingshiq kuex lvp wvnc vtueq baung ruip saz nuex nomic mungx piauc kuq tueq.

Tvtsvmc 50:5

Vpiq rueq, “Shomc nawk kuy shomc kuq vtueq ngaz rulc bom-khvrc tvy jix htenc, ngaz muex tvmtuing httax yaq miqsaz htenc kuex ngaz kox nuex tvtuimx shuiuz,” ngoz tueq jungx tueq.

DUNGWVNC 19:8

Kvkaq miq lotlaz rueq vrungx vraz maq tvralc tueq kuex, “Yehowa rueq jungx tueq phvnx ruip htenc kuex nuiyshiq rueq phvnx shix,” ngoz tueq tvralc wuez tueq. Moshe rueq muinz miq htenc rueq tvralc tueq kvjaz kuex Yehowa muex tvtay jungx tueq.

DUNGWVNC 24:2

Mnoz dvyx ngvy hep nuex woz loq, vganc jix htenc kuex ngvy hep nuex nauk m-waung ngueq. Mungx miqsaz htenc kuex kanx nuex duic waungc mvy muq,” ngoz tueq jungx tueq.

DUNGWVNC 24:7

Kvruex yimaq Yehowa rueq nvr tueq htenc vwuiyq taq shec bomkhvrc luik dvp kuex lvmz vtueq, miq htenc rueq tay laz juing wvl kuq tueq. Tsuingshiq rueq, “Yehowa kvjaz kuex nuiyshiq rueq tay wuez shix nuiyc piq rueq nvr tueq phvnx ruip saz htenc kuex nuiyshiq rueq phvnx shix,” ngoz tueq jungx tueq.

JEREMIA 11:4

Vruex kuex tsuingshiq tvkoc luic thuiyc yaq wvr htung ikhoc yaungx yaq Ejip mungx wawc tsuingshiq kuex ngaz rueq tvdung shvlx wvnc tauk nuex, tsuingshiq jix vwaz tamx rulc ngaz rueq vtvhungx bomkhvrc rvtueq. Ngaz rueq tsuingshiq kuex ngvy kvjaz phvnx vtueq ngaz rueq nvr shaungx phvnx ruip saz kuex shuimc lvmc tvkoc jungx tauk. Tsuingshiq rueq ngvy kvjaz tay ruiux yuq, tsuingshiq kuex ngvy miqsaz yaungx vtueq, ngaz kuex tsuingshiq Tishox muex yaungx taungx lvmz ngaz rueq tsuingshiq muex jungx tauk.

JEREMIA 34:13

Israel Tishox rueq, miq htenc muex jungc kuy tvkoc ngaz muex vkhoc jungx phuex: “Ngaz rueq tsuingshiq kuex Ejip mungx wawc daungc wvnc tauk nuiyc dax muex yaungx yaq wawc tsuingshiq tvdung wvnc tauk nuex, mjix m-waz tamx rulc ngaz rueq bomkhvrc taq tauk. Ngaz rueq tsuingshiq muex

HAGAI 2:5

Nuimshiq Ejip mungx maq dung kaz wvnc tuit nuex, ngaz kuex nuimshiq rulc mkaq muinz vdvmz httax taungx ngoz tueq bomkhvmc taq tauk. Ngaz kuex nuimshiq rulc vdvmz httax hvt dvyx, kvkhoc rvtueq nauk hiz kaz.

MALAKI 2:10

Naungshiq lotlaz nuex vwaz vshiz dvyx httax yaq rvmuq haz? Naungshiq lotlaz tvdungc sungc jix Tishox muinz vshiz dvyx rvmuq haz? Kvkhoc rvyruiux vdvmz nuex taq vshix bomkhvmc htenc kuex naungshiq rueq yvmx ngoz tueq tvbac gay lac, naungshiq jix vwaz tamx rulc Tishox rueq vtaq bomkhvrc kuex yvmx ngoz tueq lac wvlc guez waqguez tvyaungc vshuinx?

TRI CHONGKE 11:1

“Yehowa nuimshiq Tishox kuex lungwawx vtueq vpiq tvrac htenc kuex phvnx wuez shuinz.

TRI CHONGKE 4:1

Kvruex yimaq Moshe rueq miq htenc muex ngoc, “Nuimshiq muex ngaz rueq tvluing kuq vphaungx tvrac htenc kuex phvnx ruiux yuq, nuimshiq rullungx tvraungx httax vtueq Yehowa nuimshiq jix vwaz tamx Tishox rueq kuq shuex mungx kuex lvp wvnc wuez shuinx.

TRI CHONGKE 4:45

Tsuingshiq kuex Ejip mungx maq kaz wvnc tueq yix maq, Heshbon ghaqyungx nuex httax yaq Amori hokhvmx Sihon ghaq, Yodan Ruilx maq shaldungc kox Betpeor ghaq ral wawc warc tvnx maq tsuingshiq muex vkuq tvrac htenc rvtueq. Tsuingshiq kuex Ejip mungx maq dung kaz wvnc tueq nuex, Moshe nuiyc Israel miqsaz rueq piq kuex khvt taungx gay tueq.

TRI CHONGKE 4:5

“Yehowa ngvy Tishox rueq jungx kuq wvnc phuex rulc rv-ngvlc ngaz rueq tvrac lotlaz kuex nuimshiq muex tvluing kuq wvnc phaungx shex. Nuimshiq rueq khvt lvp wvnc vtueq httax kaz tuinx mungx kvmaq, kvruex tvrac kuex phvnx wuez shuinz.

TRI CHONGKE 5:1

Moshe rueq Israel miqsaz htenc kuex gvl vtueq tsuingshiq muex vkhoc jungx kuq tueq, “Israel miqsaz htenc lex, majuiuc raungnuiyq nuimshiq muex ngaz rueq kuq phaungx tvrac lotlaz kuex tay wuez shuinz. Kvruex tvrac htenc kuex tvluing vtueq phvnc tvkoc honc lvmz wuez shuinz.

TRI CHONGKE 5:31

Yuq muinz mnoz kuex ngaz rulc lawx httax kuiuz, ngaz rueq kuq phaungx mungtan kvmaq nuimshiq rueq phvnc tvkoc ngvy tvrac htenc nuiyc ngaz rueq nvr phaungx htenc kuex tsuingshiq muex tvluing jungx kuq shuiuz,’ ngoz tueq jungx phuex.

TRI CHONGKE 6:1

“Vruex htenc kuex nuimshiq muex tvluingc kuy tvkoc Yehowa nuimshiq Tishox rueq ngaz muex nvr phuex tvrac lotlaz rvtueq. Nuimshiq nyuip vtueq lvp khvt wvnc shuinx mungtan maq vruex tvrac htenc kuex phvnx wuez shuinz.

JOSHUA 24:21

Miq htenc rueq Yoshua muex ngoc, “Rvmuq luez! Nuiyshiq rueq Yehowa muex dvyx nawk palx wuez shix,” ngoz tueq tvralc tueq.

JOSHUA 24:22

Yoshua rueq tsuinghez muex ngoc, “Yehowa muex dvyx nawk palx wuez shix ngoz tueq nuimshiq rueq thvl wvnc tuit ningkhvnc nuex, nuimshiq miqmac dvyx hakhix yaungx vtuinx,” ngoz tueq. Tsuingshiq rueq, “Rvtueq, nuiyshiq miqmac nuiyc miqmac dvyx hakhix muex yaungx wuez vtix,” ngoz tueq tvralc tueq.

JOSHUA 24:24

Miq htenc rueq Yoshua muex ngoc, “Yehowa naungshiq Tishox muex nawk palx wuez shix. Vpiq rueq nvrc kvjaz kuex phvnx shix,” ngoz tueq jungx wuez tueq.