Biblia Todo Logo
La Biblia Online
- Anuncios -




DANIEL 8:17 - Hawa Naga Bible 2001

17 Gabriel kuex ngvy hep nuex jvp kaz tueq, ngaz kuex pinhtumc hiyaz vtueq ghaq nuex rul kaz tauk. Piq rueq ngaz muex jungx phuex, “Vthueyc wvnc jix waz lex, vlvmz kuex tuiuz shuiuz. Kvruex romzyac kuex mungkawx htumx wvnc nuex yaungx wvnc tuex lvmz rvtueq,” ngoz tueq.

Ver Capítulo Copiar

ASII LAKDAP Bible (BSI)

17 Krai mren, Gabriel ka dongchhaq saüwato raüta itho na chapto. Kra chhilata ngi ka phiip raq tsaikang. Lata hiq na bumki tlii riikang. Apaiq raq ngi ma chongto, “Maiqse han-ngam hiqda lei. Kra liichum ka tak laq. Kra riisham makchhi ka phangthum wan akhing wa bom.”

Ver Capítulo Copiar




DANIEL 8:17
27 Referencias Cruzadas  

Abram kuex vhtvlx ghaq nuex httuiuc laz bumx yaq nuex, Tishox rueq,


kvkhoc phelez luic yaq nvm-yaz kuex mvlx thuingx rulc rv-ngvlc yaq. Vruex kuex Yehowa ngauz ngax tvdungc shvmx tvkhic phelez yaq rvtueq. Kvruex ngaz rueq khiz vtueq, ngvy htvlx kuex ghaq nuex bumx kaz tauk. Kvruex yimaq ngaz rueq tvruingc vshiz tay tauk,


“Vthueyc rvyaq miq lex, kvtenc kuiuz. Ngaz kuex mnoz rulc rvbomc roc,” ngoz tueq jungx phuex.


Kvruex yimaq miq waz kvraq Shomc Yuimx kvlc nuex ghaqkhux kox kaluix maq ngaz kuex shvlx laq phuex. Ngaz rueq lawc koq tueq, Yehowa Shomc Yuimx nuex phelez yaq vpiq ngauz vngax mvrc yaq kuex khiz tauk. Ngaz kuex ghaq nuex bumx kaz tauk,


Vpiq rueq, “Vthueyc rvyaq miq lex, Israel kanx htenc kuex lawc vtueq tsuingshiq muex ngvy bomjungc kuex kuq shuiuz.


Raungkamx waz rueq ngaz muex jungx phuex, “Daniel lex, Tishox rueq mnoz lungwawx yaq. Kvtenc vtueq ngaz rueq jungx phaungx kvjaz kuex vhvlx maq tay tvtsuingc shuiuz. Ngaz kuex mnoz kox nuex tvkaz phuex,” ngoz tueq jungx tueq. Piq rueq kvruex jungx thvt yaq nuex, ngaz kvtenc tauk rvhvt maq kvkhuirc hvt dvyx rvtauk.


Kvkaq miqsaz shvmx ikhoc raungkamx waz rueq piq yauk kuex tvlanc vtueq ngvy nuix bar nuex htuinc phuex. Ngaz rueq piq muex, “Jiyungx waz lex, vruex romzyac rueq ngaz kuex pinhtumc hungc tvnulx gay phuex ningkhvnc nuex kvkhuirc vtaungx kuex tvthauk lot mauk.


Kvruex yimaq hokhvmx waz nueyc kuex humpanx vshiz nuex ngaungc vtueq phauk saq wuez shuex, yuq muinz tsuingshiq kvmungx layx bac ningkhvnc nuex, tsuingnueyc kuex vdvmz dvmz rvyuk yul wuez tuex. Vkhing max httuiuc shauk doc ningkhvnc nuex tsuingnueyc rueq yvmx lac roc yaq nguinx kuex tsuingnueyc rueq lvp shuex rvmuq.


“Siria hokhvmx piq vtvsuip httuiuc wvnc yaq nuex, Ejip hokhvmx waz rueq piq kuex khvt shuex, kvkaq Siria hokhvmx waz rueq muinz piq luimc vkawc lotlaz maq raz tueq nolaungx renc htenc, mvre htenc, svngpholix paunghvlc maq khvt shuex. Piq rueq mungtan paunghvlc kuex yuix puingc ikhoc khvt lvp wvnc shuex.


“Daniel lex, mnoz muinz tvsuip nuex httuiuc laz tvmtuing maq httax kuiuz. Kvruex yimaq mnoz kuex thueyc wvnc tuiux, yuq muinz vtvsuip vkhing nuex mnoz yauk noalc lvp muex kvtenc yuing waung yek tuiux,” ngoz tueq.


Piq rueq ngaz muex jungx phuex, “Daniel lex, majuiuc kuex ghaq htumx wvnc nuex httuiuc laz, luik dvp kuex lvmz gay ruiux, kvruex htauk kvyuq tvtsuingc juing tvsik wung shuiuz. Kvruex baunglaung yvmx lac yaungx wvnc tvnx kuex tuiuz tay laz juing miq paunghvlc kuex tsuingshiq hunglaungx yaq yauk shuimc nuex vkhing tvhtumx gay shuex,” ngoz tueq jungx tueq.


Kvkaq Hokhvmx Nebukhadnezar kuex ghaq nuex bumx vtueq Daniel khaungkac nuex shomc nawk juing nuiyc shomc kuy juing htenc kuex tvhungx tvkoc nvr tueq.


Ngaz kuex kvruex yuq jvp yaq miq washiz kox nuex kvtenc waung vtueq, kvruex lvmz htenc lotlaz jungphvnc kuy tvkoc piq muex wiz tauk. Kvkhoc rvtueq piq rueq ngaz muex vlvmz jungx kuq phuex.


Ngaz Daniel rueq romzyac tvkhic vlvmz kuex yvmx lac rvtvnx tuiuz tay laz juing hunglaungx yaq nuex, miq vshiz huingc rvhek laz maq ngvy max nuex jvp kaz ruex.


jungx phuex, “Tishox thuinkhaq yaq vjux kuex yvmx lac rvtvnx ngaz rueq mnoz muex tvkhic vphaungx. Kvruex romzyac kuex tvsuip vkhing nuex seng yaq.


Ngaz kuex thuinbac vtueq raungnuiyq paunghvlc thuiuz tauk. Kvruex yimaq ngaz kvtenc vtueq hokhvmx waz rueq ngaz muex yauk shuimc tvhungx phuex nuex yek kaz vtueq shuimx tauk, yuq muinz kvruex romzyac ningkhvnc nuex ngaz kuex wangc langc vtueq kvruex tuiuz tay tsic mauk.


Mnoz rueq Tishox kox wawc kvmenc jenc thoz toq maq phaungc vtueq, vpiq rueq mnoz muex tvralc kv-phux. Vpiq rueq mnoz lungwawx yaq, kvkhoc rvtueq tvralc bomc kuex ngaz rueq mnoz muex jungx kaz vphaungx. Majuiuc ngaz rueq romzyac tvkhic jalc jungx yaq nuex vhvlx waq tay tvtsuingc shuiuz.


Kvruex guimz lawc jix waz rueq miq paunghvlc maq phaungc yaq vrungx vraz bomkhvmc kuex wawc mvshix taq shuex, kvruex vkhing rv-ngvlc shex lvy wvnc ruiux yuq, piq rueq shomc nawk juing htenc nuiyc shomc kuy htenc kuex tvmaq gay shuex. Vkawc Yawc Suirsac juing ikhoc waz kuex Shomc Yuimx johvlc baung nuex httax vtueq, Tishox rueq piq tvkoc vtvyoalc taq bac tac wvnc vkhing nuex httuiuc laz kvyuq dvyx httax tuex,” ngoz tueq jungx phuex.


Kvruex wuiyq taq shuiuz, yvmx khoc lac ngoz ruiux lec kvruex kuex vsuingc suing yaungx wvnc vkhing max httuiuc doc rvtueq. Yuq muinz vkhing kuex vlox dvyx httuiuc wvnc yaq, ngaz rueq mnoz muex tvkhic phaungx lvmz kuex vsuing httuiuc wvnc tuex. Kvruex httuiuc wvnc yaq vkhing kuex kvhet rut hvlc ikhoc yaungx yaq, yuq muinz kvruex bvmc shuiuz; kvruex kuex vsuingc suing yaungx wvnc tuex, kvruex httvmx tuex rvmuq.


Tsuinghez rueq kac lawc koq tueq Yesu maq lvy vtueq vganc ukhaq muinz khiz muq.


Kvruex waz kuex khiz vtueq ngaz kuex vmaungx ikhoc vpiq yaz phaungx nuex rul wvnc tauk. Vpiq rueq ngvy htauk nuex yaukkeq kox yauk kuex tvdaungc vtueq, “Nauk hiz kaz! Ngaz kuex Vphaungc nuiyc Tvsuip waz rvtauk.


Ngaz Yohan kuex vruex lvmz htenc lotlaz tay jix waz nuiyc khic jix waz rvtauk. Vtanc khvnc khiz wvnc tay wvnc lot vtueq, vruex lvmz htenc ngaz muex tvkhic kuy jix raungkamx waz yaz phaungx nuex piq kuex nawk palx tvkoc ngaz bumx tauk.


Síguenos en:

Anuncios


Anuncios


¡Síguenos en WhatsApp! Síguenos