DANIEL 7:18 - Hawa Naga Bible 2001

¹⁸ Johvlc Tishox miqsaz htenc kuex hokhvmx luimc vkawc lvp wvnc vtueq, kvruex kuex pattup lvp wvnc shuex,” ngoz tueq jungx tueq.

ASII LAKDAP Bible (BSI)

¹⁸ Kiimaq, Ajong Thaq Na Ajong Shiikeawe sengi raq, hokham jaqsham ningkun milap wan. Raüta mung ka pattup pat-sa misiq wan.”

DANIEL 7:18 Referencias Cruzadas

Tvtsvmc 45:16

Ngvy hokhvmx waz lex, mjix m-waz hokhvmx marc kuex tv-httoarc lvp wvnc tvkoc mnoz nuex miqwaz sahez paung -hvlc pux paung wvnc tuex, mnoz rueq tsuingshiq kuex ghaq wvtaungx nuex guimz lawc jix muex tvyaungc shuiux.

Tvtsvmc 49:14

Tsuingshiq kuex khelbuenx htenc ikhoc vthueyc tvkoc mvn-httonc lvp tueq, vthueyc kuex tsuingshiq remc jix khelbuenx remc jix waz rvtuex. Tsuingshiq gvnngvmx htenc kuex tsuingshiq yuimx htenc maq yal yaq wulumx mungx nuex yauk lox nvmx wvnc ruiux yuq, tsuingrux miqsaz htenc rueq tsuingshiq kuex taungx wvnc shuex!

ISAIA 14:2

Miq phvnx htenc paunghvlc rueq Israel miqsaz htenc kuex Yehowa rueq tsuingshiq muex vkuq ghaq vraungx nuex yek waungc tvkoc romc kuq wuez shuex, kvwawc miqphvnx htenc kuex dax ikhoc Israel muex shuimx kuq wuez shuex. Israel miqsaz lvp jix hez kuex Israel miqsaz ningkhvnc nuex vlvp rvhumc yek tuex, Israel miqsaz htenc kuex laukshiz tuinghtuing wvnc tueq jix hez kuex Israel miqsaz htenc rueq guimz wvnc shuex.

DANIEL 7:14

Vpiq kuex vrangx vpangx, tvtsanc nganc, hokhvmx luimc vkawc kuy rvhumc jix waz rvtueq, miqphvnx htenc wawc miq lotlaz muinz, vphvnx htenc, nuiyc phvnx ruip kvjaz htenc rueq muinz piq muex shuimx kuq wuez shuex. Vpiq vrangx vpangx kuex pattup phaungx ngaungx yaq, vpiq mungtan mkaq muinz maq kaz muq.

DANIEL 7:17

Piq rueq, “Vruex yunghvlc vsvl kuiux bvlic kuex ghaq htauk nuex dung wvnc tuex honoc mungtan bvlic rvtueq.

DANIEL 7:22

Kvruex yimaq pattup tvraungx httaz yoalx shex waz svt kaz vtueq, Johvlc Tishox miqsaz htumc nuex khac phoc juing lvmx htvp htaz tueq. Tishox miqsaz rueq hokhvmx luimc vkawc lvp wvnc vkhing kuex httuiuc wvnc yaq shex.

DANIEL 7:25

Piq rueq Johvlc Tishox kuex khawx lvlx vtueq, Tishox miqsaz kuex tuinghtuing shuex. Piq rueq tsuingshiq kvmluimx tvrac htenc nuiyc phuiuz vsvy moalx htenc kuex layc gay roc yaq, Tishox miqsaz htenc muinz piq luimc vkawc khung nuex wawc thuimx jvnc httax tuex.

DANIEL 7:27

Ghaq htauk wawc mungtan lotlaz luimc vkawc nuiyc yungx luz yaq htenc kuex Johvlc Tishox miqsaz htenc muex kuq gay shuex. Tsuingshiq hokhvmx luimc vkawc kuex mkaq muinz htumx wvnc tuex rvmuq, ghaq htauk wawc guimz lawc jix vyungx vlaungx bix lotlaz rueq muinz vpiq muex shuimx kuq ruiux vpiq kvjaz kuex phvnx wuez shuex,” ngoz tueq jungx tueq.

Obadia 1:17

“Yuq muinz Zion Kankhux nuex wvyvmc yuz lvp vtueq, kvruex baung kuex vsawc baung muex yaungx tuex. Yaku miqsaz htenc kuex tsuingshiq rueq lvp aungx yaq rulc rv-ngvlc ghaq vraungx kuex lvp wvnc wuez shuex.

Luke 1:33

Vpiq rueq Yaku suiuz vsaz htenc htauk nuex pattup guimz lawc shuex; vpiq mungtan kuex mkaq muinz htumx wvnc tuex rvmuq!” ngoz tueq.

1 Corinthians 6:2

Tishox miqsaz htenc rueq mungkawx kuex phox shuex lvmz nuimshiq rueq tuiuz muit haz? Mungkawx phoc gay jix nuimshiq kuex khuec vkhac raungluingx saz kvdoc muinz phox kuq lot muit haz?

Ephesians 1:3

Naungshiq Taungjix Yesu Christu Waz Tishox muex kejux vyungx ngoz kuq ix! Yvmx khoc lac ngoz ruiux lec naungshiq kuex Christu rulc vshiz dvyx yaungc ningkhvnc nuex vpiq rueq raungmungx htauk wawc siyac nuex seng yaq ruimrix kejux phvnx ruip kuex kuq phuex.

Ephesians 6:12

Yvmx khoc lac ngoz ruiux lec naungshiq kuex miqsaz gvnngvmx vhttax rulc rvkhvt vtix rvmuq, raunghtauk mungx nuex httax yaq layx bac siyac htenc rulc muinz, vruex mut wvnc tueq mungkawx kuex guimz lawc jix luimc vkawc htenc, vrangx vpangx vhttax jix htenc rulc rvlongx rvkhvt vtix rvtueq.

Revelation 20:4

Kvruex yimaq ngaz rueq hoc daungraungc htenc kuex khiz tauk, kvruex hoc daungraungc nuex ngaungc jix htenc kuex khac phoc tvkoc vrangx vpangx lvp jix htenc rvtueq. Ekvmaq Taungjix Yesu tvkhic wvnc tueq tsuingrux lvmx muinz, Tishox bomjungc muinz jungphvnx hakhix khvmc kuy ningkhvnc nuex vthvy gay rvhumc tueq jix nuiyc svl vwvl kuiux muex muinz piq yac yuimx muex muinz nawk muq, miqmac khaungkuimx nuex nuiyc yauk nuex muinz svl vwvl kuiux lombot kuex tvkop muq jix siyac htenc muinz ngaz rueq khiz tauk. Tsuingshiq kuex thuiuzthuic tvraungx wvnc yek vtueq Christu rulc vdvmz nuex wawc hingshiz guimz lawc wuez shuex.

Revelation 22:5

Kvruex ghaqyungx kvyuq raungnyauk ngoz tueq muinz vguez shex, wvrkok luic muinz, shalx kawc muinz tsuingshiq muex rax muq shex, yvmx khoc lac ngoz ruiux lec Taungjix Tishox rueq tsuingshiq muex tvwuic kuq shuex, kvdvyx muinz rvmuq, tsuingshiq kuex hokhvmx yaungx vtueq pattup guimz wuez shuex.

Revelation 3:21

Ngaz rueq taungx wvnc vtueq Iwaz hoc daungraungc hep nuex vpiq rulc vdvmz ngaungc taungx ikhoc, taungx wvnc jix waz ukhaq yuq muinz ngvy hoc daungraungc hep nuex ngaz rulc vdvmz ngaungc lvp vkhangx ngaz rueq kuq shaungx.

Revelation 5:10

Mnoz rueq tsuingshiq kuex naung- shiq Tishox muex shuimc lvmc kuy tvkoc hokhvmx mungtan shomc waz phvnx muex tvyaungc vtueq, tsuingshiq rueq ghaq htauk vyuq guimz lawc muex vkhangx lvp wvnc wuez shuex,” ngoz tueq shix tueq.