DANIEL 4:34 - Hawa Naga Bible 2001

³⁴ Hokhvmx waz rueq jungx tueq, “Wawc mvshix yix maq ngaz rueq raungx nuex kac lawc koq tueq, miqsaz thuinz vtharc kvyez yek tauk. Ngaz rueq Johvlc Tishox muex tvtsvmc kvmc ruiux pattup httax yaq waz kuex tvtsanc nganc vtueq ngauz ngax kuex tvtsvmc tauk. “Vpiq rueq pattup guimz lawc shuex, vpiq mungtan kuex patshiz maq patshiz phaungx ngaungx wvnc tuex.

ASII LAKDAP Bible (BSI)

³⁴ “Rawii wiimiishi thumjai niishe,” nguta hokhamwe raq nguto, “Ngi raq ra nü na liikang. Kiimaq isung itsii ka atsangshe riiwan nongto. Krai mren, ngi raq Ningkun Ajong Shiikeawe ka tiitsamkam kang. Kiimaq ngi raq pattup pat-sa atra siti Shiikeawe ma akha shreng manto kiimaq khushü tiijong kuqkang: “Apaiq raq mangjong maiqse, pattup pat-sa milang wan, kiimaq apaiq hokham jaqsham, ümtiikiimin thummak phan.

DANIEL 4:34 Referencias Cruzadas

2 SAMUEL 22:31

Tishox vpiq rueq shuimx kaz yaq kuex hunghtaungx mvrc yaq, vpiq rueq jungx yaq kvjaz htenc kuex vkvmx juing doc ix! Vpiq rueq tvkhup wungx yaq kuex thuiyc jix miq lotlaz tvkoc vpiq kuex lak vshiz ikhoc rvtueq.

1 KAÜWA WERAÜ 29:10

Hokhvmx Dawid rueq mungx rvtuimx yaq wvtaungx khaungkac nuex Yehowa muex tvtsvmc tueq. Piq rueq, “Yehowa naungshiq jix vwaz Yaku Tishox lex, mnoz kuex pattup tvtsvmc aungx yaq waz rvtoq!

1 KAÜWA WERAÜ 29:13

Majuiuc nuiyshiq Tishox lex, nuiyshiq rueq mnoz muex kejux vyungx ngoz kuq vphix, mnoz ngauz vngax muingc kuex nuiyshiq rueq tvtsvmc vshix.

YOBA 1:21

Piq rueq, “Ngaz kuex sawkumx vjawx kaz ningkhvnc nuex, sawkumx maq dvyx thueyc wvnc taungx. Yehowa rueq kuq phuex, majuiuc kuex Yehowa rueq lvmz wvnc vshuex. Vpiq muingc kuex tvtsvmc kvmc mrvhumc kueq!” ngoz tueq jungx tueq.

Tvtsvmc 10:16

Yehowa kuex pattup pat-sac hokhvmx rvtueq. Vganc tishox htenc muex nawk palx jix htenc kuex vpiq ghaq vraungx wawc moz wvnc wuez tuex.

Tvtsvmc 102:24

O Tishox lex, ngaz max kuiux kawx wvnc shauk nuex ngvy rullungx kuex nauk lvmz wvnc kaz. O Yehowa lex, mnoz kuex pattup tvraungx httax vtuiux;

Tvtsvmc 107:15

Tsuingshiq tvkoc vpiq rueq shuimx wvnc tueq vwangc juing yauk shuimc htenc nuiyc, vpiq phaungx ngaungx yaq lungwawc thuinz ningkhvnc nuex Yehowa muex kejux vyungx ngoz wuez shuex.

Tvtsvmc 107:22

Tsuingshiq rueq shomc nawk kuy juing htenc maq vpiq muex kejux vyungx ngoz wuez shuex, vkoz vkez shic vngoyc maq vpiq rueq shuimx wvnc tueq lotlaz kuex jungphvnx wuez shuex.

Tvtsvmc 107:31

Tsuingshiq tvkoc vpiq rueq shuimx wvnc tueq vwangc juing yauk shuimc htenc nuiyc vpiq phaungx ngaungx yaq lungwawc thuinz ningkhvnc nuex Yehowa muex kejux vyungx ngoz wuez shuex.

Tvtsvmc 107:8

Tsuingshiq rueq tvkoc vpiq rueq shuimx wvnc tueq vwangc juing yauk shuimc htenc nuiyc vpiq phaungx ngaungx yaq lungwawc thuinz ningkhvnc nuex tsuingshiq rueq Yehowa muex kejux vyungx ngoz wuez tueq.

Tvtsvmc 111:7

Vpiq rueq shuimx wvnc tueq yauk shuimc lotlaz nuex vpiq kuex tvmtuing nuiyc tvrac vlvmz waz rvtueq; vpiq rueq nvrc bomc lotlaz kuex vkvmx juing rvtueq.

Tvtsvmc 121:1

Ngaz rueq kuz vkanx htenc kuex lawc vshaungx; ngvy romc kuy jix kuex yvmx wawc lac kaz rvnx?

Tvtsvmc 123:1

Yehowa lex, mnoz guimz vshuiux raungmungx nuex ngaz rueq lawc vshaungx.

Tvtsvmc 145:13

Mnoz rueq guimz lawc lvmx kuex pattup phaungx ngaungx vtueq, mnoz kuex pattup phaungx duingduing hokhvmx waz rvtoq. Yehowa kuex vpiq bomkhvmc nuex tvmtuing httax ruiux, yauk shuimc kay waungc lotlaz nuex lungwawc jix waz rvtueq.

Tvtsvmc 146:10

Yehowa kuex pattup hokhvmx waz rvtueq. O Zion lex, m-Tishox rueq patshiz maq patshiz guimz wvnc tuex. Yehowa muex tvtsvmc shuinz!

Tvtsvmc 50:14

Kejux tvtsvmc shuiux kuex Tishox muex mnoz rueq shomc nawk kuy kuq shuiux kvruex m-yaungx kueq, Tvphaungc Tvsuip waz muex mbomc khvmc lotlaz kuex kuq shuiuz.

Tvtsvmc 66:7

Vpiq hungc vlaungc maq pattup guimz lawc vtueq miqphvnx htenc htauk nuex vpiq rueq lawc tvtsuingc yaq. Vpiq kuex uraq muinz khawx lvlx muq mruez shueq.

Tvtsvmc 7:17

Vpiq tvrac vlvmz ningkhvnc nuex Yehowa muex ngaz rueq kejux vyungx ngoz vshaungx, ngaz rueq Johvlc Pinhtumc Yehowa muex tvtsvmc shix vtaungx.

Tvtsvmc 9:2

Mnoz ningkhvnc nuex kokez thuinz maq ngaz shix taungx. Tvphaungc Tvsuip Tishox lex, ngaz rueq mnoz muex tvtsvmc shix taungx.

Tvtsvmc 92:1

O Yehowa muex kejux vyungx ngoz ruiux, O Johvlc Pinhtumc Tishox muex tvtsanc nganc shix ngoyx vtueq,

ISAIA 13:11

Yehowa rueq, “Ngaz rueq ghaq nuex thuimkux tvhttuiuc vtueq miqyaq jix lotlaz tsuingshiq mvrax htenc kvruex laung nuex murx tvgurc shaungx. Ngaz rueq ngamc boq jix miq ruip rawx kuex tvyomx gay ruiux thuinz tvyungc vtueq batac yaq jix htenc muex murx tvgurc shaungx.

ISAIA 2:11

Miqsaz laungc tsvnc yaq kuex tvnulx gay ruiux miqsaz ngamc boq yaq kuex tvbac gay rvhumc tuex raungnuiyq httuiuc wvnc yaq. Kvruex yimaq Yehowa dvyx somraungc kuy rvhumc tuex.

ISAIA 24:15

shaldungc kox nuex httax jix rueq vpiq muex tvtsvmc wuez shuex. Svmuktvrax hep nuex httax jix miq htenc rueq muinz Yehowa Israel Tishox muex tvtsvmc wuez shuex.

JEREMIA 10:10

Yuq muinz, Yehowa lex, mnoz kuex tsuingrux Tishox rvtoq, mnoz kuex tvraungx Tishox rvtoq nuiyc pattup pat-sac hokhvmx rvtoq. Mnoz khaq koq tueq, ghaq kuex kvkhuirc dvndvnz rvtueq; miqphvnx htenc kuex mthuinz khvy nanx lot muq. (

AJONJÜ 3:38

Vhvlx nuiyc vbac muinz vpiq rueq nvr shuex rulc rv-ngvlc yaungx wvnc yaq.

DANIEL 12:7

Raungkamx waz rueq vyauk nueyc kuex raungx nuex tenz vtueq Pattup Pat-sac Tishox muingc maq kvtuemc vtueq bomkhvmc taq tueq. Piq rueq jungx tueq ngaz rueq tay tauk kuex, “Kvruex kuex wawc thuimx rac wawc htaq rvtuex. Tishox miqsaz guirguenc htumx ruiux yuq, kvruex lotlaz kuex yaungx wvnc tuex,” ngoz tueq jungx yaq tay tauk.

DANIEL 2:44

Kvruex mungx walaungx bix rueq guimz yaq nuex raungmungx Tishox rueq mkaq muinz vhtumx kay ngoz tueq vguez mungtan vshiz tec taq shuex. Kvruex kuex mkaq muinz taungx shuex rvmuq, yuq muinz honoc mungtan htenc tvsawc ric tvbac gay shuex yix maq jix pattup phaungx ngaungx wvnc tuex.

DANIEL 4:2

Johvlc Tishox rueq ngaz muex tvkhic kuq phuex vtawz juing nuiyc vwangc juing htenc kuex tay shuinz.

DANIEL 4:26

Raungkamx waz rueq ghaq nuex pulx jungx khuiuq tvjungx tvy tvkoc nvr tueq. Kvruex kuex mungkawx lotlaz Tishox rueq guimz yaq ngoz tueq mnoz kvjungc tuiux kvkaq, mnoz hokhvmx muex hulawx yaungx wvnc yek tuiux ngoc rvtueq.

DANIEL 4:3

“Tishox rueq naungshiq muex tvkhic phuex vtawz juing htenc kuex vtanc khvnc yungx luz yaq nyix! Vpiq rueq shuimx wvnc tueq vwangc juing htenc kuex vtanc khvnc luimc vkawc yungx yaq nyix! Tishox kuex pattup pat-sac hokhvmx, vpiq rueq pattup guimz lawc shuex.

DANIEL 4:32

Mnoz kuex miq phungc wawc yurc gay rvhumc vtueq yaruix ngvmx saz htenc rulc vdvmz wawc mvshix tup manx rueq ikhoc renhttuingx kuex phauk shuiux. Kvkaq Johvlc Tishox rueq miqsaz mungtan htenc htauk nuex guimz yaq luimc vkawc lvp vtueq vpiq rueq vthvl ukhaq muex muinz vpiq rueq kuq lot yaq kuex mnoz kvjungc tuiux,” ngoz tueq.

DANIEL 4:36

“Ngvy tharc svmz wvnc tauk nuex, ngvy tvtsanc nganc, ngvy hungc vlaungc nuiyc ngvy mungtan ngauz vngax kuex kungkhux wawc ikhoc ngaz muex kuq yek phuex. Ngvy miq vyungx vlaungx bix nuiyc ngaz rulc rvjungc phvnc hez rueq ngaz kuex malc wvnc phuex, ngaz rueq kungkhux wawc htauk nuex muinz vjvnc tvtsanc nganc yunghvlc nuiyc ngvy hokhvmx luimc vkawc kuex lvp wvnc yek tauk.

DANIEL 5:18

“Johvlc Tishox rueq m-waz Nebukhadnezar kuex hokhvmx yunghvlc muex tvyaungc vtueq ngauz vngax nuiyc muingjungc khushec kuex kuq tueq.

DANIEL 5:21

Piq thuinz vtharc kuex ngvmx saz vshiz ikhoc yaungx wvnc vtueq, miq phungc wawc yurc gay rvhumc tueq. Piq kuex yaruix loze htenc rulc vdvmz httax vtueq, manx rueq ikhoc namx kuex phauk ruiux buing jamx nuex woalc yaq. Tvsuip nuex Johvlc Tishox vpiq rueq vthvl miq ukhaq muex muinz miqsaz mungtan lotlaz kuex guimz tvkoc kuq yaq kuex piq kvjungx yaq.

DANIEL 6:26

Ngvy mungtan nuex httax yaq miq tek rueq Daniel Tishox muex hiyaz vtueq tvtsanc nganc aungx yaq ngoz tueq nvr vphaungx. “Vpiq kuex vtvraungx Tishox, vpiq rueq pattup pat-sac guimz lawc shuex. Vpiq mungtan kuex mkaq muinz bac kaz tuex rvmuq, vpiq luimc vkawc kuex mkaq muinz htumx kaz tuex rvmuq.

DANIEL 7:14

Vpiq kuex vrangx vpangx, tvtsanc nganc, hokhvmx luimc vkawc kuy rvhumc jix waz rvtueq, miqphvnx htenc wawc miq lotlaz muinz, vphvnx htenc, nuiyc phvnx ruip kvjaz htenc rueq muinz piq muex shuimx kuq wuez shuex. Vpiq vrangx vpangx kuex pattup phaungx ngaungx yaq, vpiq mungtan mkaq muinz maq kaz muq.

DANIEL 7:27

Ghaq htauk wawc mungtan lotlaz luimc vkawc nuiyc yungx luz yaq htenc kuex Johvlc Tishox miqsaz htenc muex kuq gay shuex. Tsuingshiq hokhvmx luimc vkawc kuex mkaq muinz htumx wvnc tuex rvmuq, ghaq htauk wawc guimz lawc jix vyungx vlaungx bix lotlaz rueq muinz vpiq muex shuimx kuq ruiux vpiq kvjaz kuex phvnx wuez shuex,” ngoz tueq jungx tueq.

DANIEL 9:14

Mnoz, O Yehowa nuiyshiq Tishox lex, nuiyshiq rueq mkvjaz tay miq doc rvtiq, vlvmz yauk shuimc kuex mnoz rueq mkaq muinz shuimx vshuiux ningkhvnc nuex, nuiyshiq muex murx tvgurc tvkoc mnoz rueq tvyoalc taq toq rulc rv-ngvlc murx tvgurc vshuiux.

Jona 1:14

Kvkhoc rvtueq tsuinghez rueq Yehowa muex ngoc, “O Yehowa lex, vruex waz thuiuzthuic tvpat gay ningkhvnc nuex nuiyhez muex murx nauk tvgurc vkueq! O Yehowa lex, mnoz nuex vruex yauk shuimc lotlaz tvkoc gurx pix vshuiux, kvruex kuex mnoz rueq shuimx vshuiux rvtueq,” ngoz tueq guyc sez wuez tueq.

Mikha 4:7

Tsuingshiq kuex yaz kuix kaz vtueq yuimx maq vluz nuex httuiuc kaz wuez tueq, yuq muinz ngaz rueq kvjungx yaq jix htenc kuex vnyalx tvjvp guirx yek vtueq, tsuingshiq kuex miqphvnx yunghvlc yaungx wvnc tuex. Ngaz rueq tsuingshiq kuex Zion Kanx htauk nuex kvruex vkhing maq phaungc vtueq pattup guimz lawc shaungx,” ngoz tueq jungx tueq.

Luke 1:33

Vpiq rueq Yaku suiuz vsaz htenc htauk nuex pattup guimz lawc shuex; vpiq mungtan kuex mkaq muinz htumx wvnc tuex rvmuq!” ngoz tueq.

Luke 18:13

“Yuq muinz muinghic jix waz kuex vluz maq dvyx jvp vtueq, raungkox nuex muinz lawc khvmc muq maq vkhuiuq nuex kvwungc vtueq, ‘Tishox lex, mvrax vhttax waz ngaz muex menjenc kuq koq!’ ngoz tueq thoz tueq.

John 5:26

Vwaz vpiq shauk pumz kuex rullungx pauk rvtueq rulc rv-ngvlc, vpiq rueq Vsaz kvmuinz rullungx pauk tvyaungc tueq.

TRI CHONGKE 32:4

Yehowa kuex hungc vlaungc maq mvrc yaq nuimshiq kvwungx juing rvtueq, Vpiq lvmx htenc lotlaz kuex hunghtaungx vtueq tsuingruik yaq; Nuimshiq Tishox kuex tvmtuing nuiyc tsuingrux rvtueq; Vpiq kuex vlvmx nuiyc tvrac vlvmz rvtueq.

1 Timothy 1:17

Pattup pat-sac Hokhvmx yaungx yaq, batac momaq kaz muq, muik maq khiz lot miq, vshiz dvyx httax yaq Tishox kuex pattup pat-sac rullungx wvlex tvtsanc nganc nuiyc ngauz vngax mhttax wvnc kueq! Amen.

1 Timothy 6:16

Vpiq dvyx thueyc muq maqmuq waz rvtueq; vpiq kuex ukhaq muinz kvnvp lot muq raungwuic phez nuex httax yaq. Uraq muinz vpiq kuex khiz muq doc, uraq muinz khiz lot muq. Vpiq nuex tvtsanc nganc juing nuiyc pattup ngauz vngax mhttax wvnc kueq! Amen.

Revelation 10:6

pattup pat-sac tvraungx httax vtueq raungmungx, ghaq nuiyc svmuktvrax maq phaungc vtueq httax yaq lotlaz tvdungc sungc jix waz Tishox muingc kuex ruingc vtueq tuemc tueq. Raungkamx waz rueq, “Kvyix httvmx tuex rvmuq!

Revelation 11:15

Kvruex yimaq mvshix ngoc yaungc raungkamx waz rueq piq bolic kuex tuimz tueq, kvkaq raungmungx wawc tvruingc yunghvlc guyc dung wvnc tueq kuex, “Mungkawx guimz juing luimc vkawc kuex naungshiq Taungjix Mesia yauk nuex httuiuc kaz tueq, vpiq rueq pattup pat-sac guimz wvnc shuex,” ngoz tueq jungx yaq.

Revelation 4:10

walaungx bix waz roknueyc rac waz bvlic rueq, hoc daungraungc htauk nuex ngaungc yaq pattup pat-sac rullungx tvraungx httax yaq waz khaungkac nuex bumx vtueq nawk palx wuez yaq. Tsuingshiq kuex hoc daungraungc khaungkac nuex miqmac khushec kuex buk taq ruiux,

Revelation 4:9

Ngvmx saz bvlic rueq hoc daungraungc nuex ngaungc vtueq pattup pat-sac rullungx tvraungx httax yaq waz piq ngauz vngax, tvtsanc nganc nuiyc kejux kuex shix ngoyx tuex nuex,