DANIEL 2:30 - Hawa Naga Bible 2001

³⁰ Majuiuc vruex vhttuiyq vpuiuc vruez kuex ngaz muex tvkhic kuq yaq, ngaz kuex vganc jix htauk nuex jvnc vtueq tuiuz thenc ningkhvnc nuex rvmuq, yuq muinz Taungjix hokhvmx waz mmaung vlvmz htenc kuex tuiuz lvp vtueq, mnoz nuex httax yaq kvmungx htenc kuex tuiuz tvkoc m-yaungx kueq.

ASII LAKDAP Bible (BSI)

³⁰ Riita, ara amao chang bomtsi ngi ma tiichhikuqtaq arka, ngi ka nanok thaq na asap atsin riilatiika riimak. Shatmaq Chaü lei, ümniiraq ümma liichum kra mitak laq, laüta ümtsan mong na jamlai tiima wa saütaq thun kra misap laq nguta tiichhikuqto.

DANIEL 2:30 Referencias Cruzadas

RAPHA HIQWA LAK 41:16

Yosep rueq, “Taungjix hokhvmx waz lex, ngaz rueq kvtanc khvnc kuex jalc lot mauk, yuq muinz Tishox rueq raungc raq yaq bomc jalc vshiz kuq kv-phux,” ngoz tueq tvralc tueq.

Tvtsvmc 139:2

Ngaz rueq shuimx vshaungx phvnx ruip saz kuex mnoz rueq tuiuz yaq; ngvy rueq tvmaung vshaungx lvmx lotlaz kuex vluz maq dvyx mnoz rueq tuiuz tay vshuiux.

ISAIA 45:4

Ngaz rueq vhttauk miq, ngvy nvrc waz Israel muex romc kuy tvkoc ngaz rueq mnoz kuex tvyaungc phaungx. Mnoz rueq ngaz tuiuz muq yuq muinz ngaz rueq mnoz muex tvtsanc nganc yunghvlc kuq phaungx.

DANIEL 1:17

Tishox rueq yalxrox waz bvlic kvmac phaqjic nuiyc luik vlvyx thenc tuiuz wvnc juing tharc kuq tueq. Kvdvyx muinz rvmuq, vpiq rueq Daniel muex maung nuiyc romzyac tvkhic htenc kuex jalc jungc lot juing tharc muinz kuq tueq.

DANIEL 2:47

Hokhvmx waz rueq jungx tueq, “M-Tishox kuex tishox lotlaz htauk nuex vyungx pinhtumc, hokhvmx bix htenc kuex guimz jix Taungjix rvtueq, vhttuiyq vpuiuc vruez kuex tvkhic jix waz rvtueq. Vruex vhttuiyq vpuiuc vruez kuex mnoz rueq jalc jungc kuy lot ningkhvnc nuex ngaz rueq tuiuz lvp tauk,” ngoz tueq.

DANIEL 2:49

Daniel rueq thoz tueq rulc rv-ngvlc hokhvmx waz rueq Babelon mungx wawc yauk shuimc htenc kuex lawc tvkoc Shadrak, Meshak, Abetnego hez kuex thvl taq tueq. Daniel piq kuex hokhvmx hoc nuex dvyx httax tueq.

AMO LUIK DVP (AMOS) 4:13

Tishox kuex kanx htenc tvhungx jix waz ningkhvnc nuex raungguil kuex tvdung sung tueq. Vpiq rueq vpiq kvmungx kuex miq htenc muex tvtuiuz yaq; vpiq rueq raungnuiyq kuex raungwvrx nuex layc gay tueq. Vpiq kuex ghaq htauk vjoz nuex khuemx yaq. Vruex kuex vpiq muingc rvtueq: Tvphaungc Tvsuip Yehowa Tishox rvtueq!

Matthew 24:22

Tishox rueq kvruex raungnuiyq htenc kuex tvtut gay muq ngoz ruiux yuq, ukhaq muinz rullungx tvraungx wvnc lvp tix rvmuq. Yuq muinz vpiq rueq vthvl taq miqsaz htenc tvkoc kuex Tishox rueq raungnuiyq htenc kuex tvtut rvgay shuex.

Mark 13:20

Taungjix rueq kvkhoc raungnuiyq htenc kuex tvtut tvkomc gay tueq; vpiq rueq kvkhoc ruez muq ngoz ruiux washiz muinz rullungx lot tuex rvmuq. Yuq muinz vpiq rueq vthvl shec hez tvkoc kvruex raungnuiyq kuex tvtut tvkomc gay tueq.

Acts 3:12

Peter rueq miq htenc kuex khiz vtueq, “Israel miqsaz htenc lex, yvmx ngoz tueq lac nvnueyc kuex lawc tvtsuingc laq phuinx? Nvnueyc luimc vkawc, nvnueyc honc vyaungc vhvlx maq vruex waz kuex tvkhuemc lot yaq ngoz tueq haz tvmaung vshuinx?

Romans 8:28

Tishox muex lungwawx vtueq vpiq rueq dvnc dawc yaq rulc rv-ngvlc vgvlc rvhumc jix htenc tvkoc lotlaz muex vhvlx lvmz m-yaungx wvnc kueq, Tishox kuex tsuingshiq rulc vdvmz nuex yauk shuimc yaq kuex naungshiq rueq tuiuz vshix.

2 Corinthians 4:15

Vruex lvmx lotlaz kuex nuimshiq muex vjux httaz wvnc tvkoc dvyx rvtueq; Tishox kejux lvp wvnc jix miq paung wvnc tueq rulc rv-ngvlc Tishox ngauz vngax kuex tvkhic tvkoc tvtsvmc yaq vjux thoz bomc htenc muinz pinhtumc paung wvnc tuex.