DANIEL 2:28 - Hawa Naga Bible 200128 Yuq muinz vhttuiyq vpuiuc vruez kuex tvkhic lot jix Tishox kuex raungmungx nuex httax yaq. Vpiq rueq max kox nuex yvmx lac yaungx wvnc tvnx lvmz Taungjix hokhvmx waz muex tvkhic yaq. Majuiuc mnoz kvtsoalx nuex khiz toq maung romzyac kuex ngaz rueq mnoz muex jungx kuq phaungx. Ver CapítuloASII LAKDAP Bible (BSI)28 Shatmaq ramungtan na siti Shiikeawe asi. Apaiq riili amao chang hupsam thun kra tiichhi kuqtlo. Apaiq raq, Chaü lei, rawiishiqwii pat achat na, jamlai phan hongtha wan chang wa kra ümniima tiichhi kuqto. Riita ümchaü ngi raq ümniima ümma maq, riisham makchhi maq jamlai wa chhilaü kriishe chongkuq pha. Ver Capítulo |
Mnoz rueq ngvy miqsaz Israel kuex raungguil rueq pvnc wvnc yaq ikhoc khvt gay shuiux. Ngaz kuex ukhaq lac rvtauk nguinx miqphvnx htenc rueq tuiuz wvnc tvkoc muinz, mnoz ningkhvnc nuex ngaz rueq shuimx shaungx ngvy vsawc yauk shuimc kuex tvkhic tvkoc muinz, kvkaq vkhing httuiuc wvnc ruiux yuq, ngvy mungtan kuex khvt tvkoc ngaz rueq mnoz kuex tvkaz phaungx.
Raungwawc loayc hvlc lvy wvnc yix maq, ngaz rueq piq muex koz vlaq htenc tvhungx ruiux mungtan vshiz nuex nyuip tvkhvt shaungx, kvruex mungtan kvyuq miq htenc kuex mungx ruip saz maq ngaz rueq tvtuimx gvl wvnc shaungx maq phaungc vtueq, ralx rvkhvt muex hiyaz juing vguez httax yaq. Piq rueq Israel kanx kuex khvt shuex, kvruex kanx kuex raungwawc loayc hvlc kuiyqshuik kuiyq khvmx baung muex yaungx tuex, yuq muinz majuiuc kuex miq lotlaz kox wawc tvdung shvlx wvnc vtueq suinglix lix kvwungx httax wuez yaq.
Mnoz rueq uraq muinz tuingc muq lung poz shiz rauk khux maq kuix wvnc vtueq yanx, nvyrvyx, gvmlawx, kuimphox nuiyc kuimshawx htenc maq vtvhungx miq yac tuip tvbunx gay tueq kuex khiz toq. Yunghvlc Tishox rueq max kox nuex yvmx yaungc wvnc juing lac lvmz Taungjix hokhvmx waz muex jungx yaq. Ngaz rueq mmaung kuex rvkhauk laz jungx kuq vtueq, mmaung vlvmz rvkhauk laz kuex mnoz muex kuq vphaungx,” ngoz tueq.
Hokhvmx waz rueq jungx tueq, “M-Tishox kuex tishox lotlaz htauk nuex vyungx pinhtumc, hokhvmx bix htenc kuex guimz jix Taungjix rvtueq, vhttuiyq vpuiuc vruez kuex tvkhic jix waz rvtueq. Vruex vhttuiyq vpuiuc vruez kuex mnoz rueq jalc jungc kuy lot ningkhvnc nuex ngaz rueq tuiuz lvp tauk,” ngoz tueq.
Tishox kuex kanx htenc tvhungx jix waz ningkhvnc nuex raungguil kuex tvdung sung tueq. Vpiq rueq vpiq kvmungx kuex miq htenc muex tvtuiuz yaq; vpiq rueq raungnuiyq kuex raungwvrx nuex layc gay tueq. Vpiq kuex ghaq htauk vjoz nuex khuemx yaq. Vruex kuex vpiq muingc rvtueq: Tvphaungc Tvsuip Yehowa Tishox rvtueq!
Vruex luik dvp kuex Yesu Christu muex Tishox rueq vkuq tvkhic romzyac lvmz tvtsuingc wuiyq shec tueq. Christu muex vruex tvkhic romzyac kuq tueq lvmz kuex, mtanc httax muq nuex yaungc wvnc juing htenc kuex vpiq nvrc waz hez muex tvtuiuz kuy tvkoc rvtueq. Christu rueq vpiq nvrc waz Yohan kox nuex raungkamx waz tvkaz vtueq, vruex tvkhic romzyac bomc jungx tvtay kuq kaz tueq,