AJONJÜ 5:17 - Hawa Naga Bible 2001

¹⁷ Nuiyshiq thuinz vmungx bac rvhumc vtix muik phic kvjumx ningkhvnc nuex sawc riric kvkhic lot muq,

ASII LAKDAP Bible (BSI)

¹⁷ Naishiq tsan nai mongjii bunchacha atsi, makphai rokwa rajun tang wa, mak min liilot mai she.

AJONJÜ 5:17 Referencias Cruzadas

YOBA 17:7

Ngaz kuex vyonz vyec thuiuz rueq ngvy muik doc muinz mawz kaz khvmz khvmz shex; ngvy yauk vyaz muinz yac khawx ikhoc rex kop dvyx shex.

Tvtsvmc 31:9

Ngaz kuilc daz rvhumc vtaungx ningkhvnc nuex Yehowa lex, ngaz muex menjenc kuq koq; vkhoarc htuiz rueq ngvy muik phuingx kaz, ngaz kuex vsuing pinhtumc hunnyex tauk.

Tvtsvmc 38:8

Bunluik kvluik rvyuiuq yulx wvnc vtaungx; ngvy thuinz vmungx kuilc daz rvhumc vtueq, huinsez thuiuz sac vtaungx.

Tvtsvmc 6:7

Ngvy ralx hez rueq ningkhvnc nuex muik tv-phuingc laz khoar vtueq, ngvy muik maq muinz buirruimz buirraq dvyx shex khiz vshaungx.

Tvtsvmc 69:3

Ngaz kuex romc kuy tvkoc guyc sez htuiz rueq nyex vtaungx, ngvy rawt muinz thuiuz wvnc vtuex. Mnoz rueq romc kuy tvkoc lawc htuiz rueq ngvy muik htenc htvl wvnc vtuex.

ISAIA 1:5

Nuimshiq rueq yvmx ngoz tueq lac khawx lvlx wuez vshuinx? Nuimshiq rueq murx kuex janc vtueq gurc roc haz? Israel lex, mkhux nuex vmac htenc mvrc yaq, mthuinz vmungx nuiyc mthuinz nuex vthuiuz rvyaq.

ISAIA 38:14

Ngvy tvruingc kuex vruinx saz rvyuiuq rvbvt wvnc tueq, Ngaz kuex hituiuc ikhoc gulx vtaungx. Ngvy muik htenc raungmungx nuex lawc htuiz rueq htvrz wvnc vtuex. Yehowa rueq ngaz kuex vruex kuilc daz lotlaz wawc palc wvnc phuex.

JEREMIA 46:5

Yuq muinz Yehowa rueq, “Ngaz rueq yvmx lac khiz vshaungx?” ngoz tueq wiz tueq. “Tsuingshiq kuex kawc yawc vtueq yek waung wuez tueq. Tsuingshiq nolaungx bix kuex tvyez wungc thvy rvhumc tueq; vhiz sungx rueq tsuingshiq kuex puingc wvnc vtueq, tsuingshiq phaq lot tuex tanc khvnc yix kox nuex lawc muq yuz wvnc tueq.

JEREMIA 8:18

Ngvy thuinbac yaq kuex tvhvlc mvy muq; ngvy thuinz vmungx nuex thuiuz yaq.

AJONJÜ 1:13

“Vpiq rueq ngvy gvnz mungx tvkhamc juing wvr kuex raungx maq tvkaz tueq. Vpiq rueq ngvy tvkoc bix tsvnc taq ruiux ngaz kuex ghaq nuex tvdvy gay phuex. Vpiq rueq ngaz kuex tuip gay shec ruiux htumx muq vthuiuz vsac nuex taq gay shec phuex.

AJONJÜ 1:22

“Tsuingshiq honc vbac yauk shuimc lotlaz tvkoc tsuingshiq muex htvp htaz shuiuz; Ngvy mvrax htenc ningkhvnc nuex mnoz rueq ngaz muex murx tvgurc phux rulc rv-ngvlc tsuingshiq muex murx tvgurc shuiuz. Ngaz kuex kuilc daz rvhumc vtueq kvbot nyvnx vtaungx, ngvy thuinz vmungx thuiuz yaq.”

AJONJÜ 2:11

Ngvy muik htenc kuex vkhoarc htuiz rueq htvl yaq; ngvy siyac kuex pinhtumc thuiuz sac yaq. Ngaz kuex ngvy miqsaz htenc bac wvnc ningkhvnc nuex yonz yex vtueq nulx wvnc vtaungx. Nosaz rulx nuiyc noshawx sahez kuex ghaqyungx lvmx htenc nuex maungc kaz wuez tueq.

EJEKIEL 21:15

Kvruex kuex ngvy miqsaz htenc khvmc thuinz kuex tvsumx gay ruiux tvhtuip tvrul gay shaungx. Ngaz rueq tsuingshiq ghaqyungx kuex raunglep ikhoc lep yaq yaung maq tvhiz sungx vtueq thvy gay tvkoc tvyoalc yoalx shex.

EJEKIEL 21:7

Tsuingshiq rueq mnoz yvmx ngoz tueq lac kvbot nyvnx kaz tuiux, ngoz tueq mnoz muex wiz ruiux yuq, kvruex kuex httuiuc wvnc yaq wawc thuix thaungx ningkhvnc nuex rvtueq ngoz tueq tsuingshiq muex jungx shuiuz. Kvruex thaungc kuex httuiuc wvnc ruiux yuq, tsuingshiq thuinz vmungx nuex vhiz yaz thuinz mvrc wvnc vtueq, tsuingshiq yauk htenc nulx wvnc ruiux tsuingshiq nuex httax yaq khvmc thuinz kuex yomx wvnc vtueq tsuingshiq laungkuix htenc kuex kv-khuirc wvnc tuex. Kvruex yaungx wvnc tuex vkhing kuex vyuq httuiuc waung shex.” Johvlc Yehowa rueq jungx tueq.

LEWI 26:36

“Nuimshiq kuex mungganc nuex httuiuc kaz tuinx kvkaq raungguil koq yuq tvruingx yaq pulx yauk tvruingc kuex tay ruiux doc muinz kawc yawc vtueq yuz wvnc tuinx. Nuimshiq kuex ralx rulc rvlungc vtueq ralx rueq yurc ruiux yuz tuinx ikhoc yuz wuez tuinx, nuimshiq hep nuex ralx waz vguez ngoz ruiux muinz rul wvnc tuinx.

Mikha 6:13

Kvkhoc rvtueq nuimshiq mvrax htenc ningkhvnc nuex nuimshiq kuex tvbac phaungc wvnc muex ngaz rueq tvyoalc lot tauk shex.

TRI CHONGKE 28:65

Nuimshiq httuiuc wvnc tuinx baung kvmaq nomic lvmx kuex lvp lot muit, baungshiz nuex rvkhauk laz httaz ngaungc ngoz tueq vguez; Yehowa rueq nuimshiq muex thuinz phec juing lvmz, htvlx phawc ruinc juing lvmz, siyac ruinc juing lvmz htenc tvrvhumc kv-phuinx.