Acts 13:50 - Hawa Naga Bible 2001

⁵⁰ Yuq muinz Yuda miqsaz htenc rueq Tishox muex nawk palx jix muingc jungc vhttax Pungnuk miqsaz yalxjuik rulx nuiyc kez walaungx bix htenc muex htuiuz shuiuz vtueq Polu nuiyc Barnaba kuex mulx tsvlx tvyurc gay tueq.

ASII LAKDAP Bible (BSI)

⁵⁰ Shatmaq, Jehudinok raq kra chela na siti shiilangbi nai Pongnok phan maiqse wa maiq wiijamti jechakre ajong alabi nyungre, Shiikeawe shomnoq wantibi thun kriima raikao tatto. Raüta, tsangshiq raq Paul nai Barnabas kriishe tiichamchao wanto. Raüta, tsangnai ka kra chela wa maiqhiq ahin niishe jobaiqto.

Muklom

⁵⁰ Etharin Jehudi miqtang aa eshi ajong samhaq solwa tang etho tanglom asing miqnu tang tha dipkup ta. Etho Paul nia Barnabas tha tahikham eq eshiwang phanchak ta.

Acts 13:50 Referencias Cruzadas

1 HOKHVMX 21:25

(Vtaungx nyuiuz Jezebel rueq nvr yaq yauk shuimc lotlaz shuimc jix Ahab ikhoc Yehowa htumc nuex vbac yauk shuimc kuex piq shauk pumz maq raungc raq vtueq tvhtumx laz shuimc gay jix ukhaq yuq muinz httax luc tuex rvmuq.

ISAIA 66:5

Vpiq muex hiyaz vtueq vpiq kvjaz tay jix hez lex, Yehowa rueq jungx yaq kuex tay shuinz: “Nuimshiq kuex ngaz muex tvmtuing httaz ningkhvnc nuex nuimshiq miq wvyvmc rueq nuimshiq kuex shuiuc vtueq tvdux gay wuez shuex. Tsuingshiq rueq nuimshiq muex shummarc ngoz ngax vtueq, ‘Nuiyshiq rueq nuimshiq kokez tuinx kuex khiz roc vshix, kvkhoc rvtueq Yehowa vpiq ngauz vngax yunghvlc maq nuimshiq kuex mpalc wvnc shueq,’ ngoz tueq ngoz yaq. Yuq muinz tsuingshiq kuex yvlc svy rvhumc wuez tuex!

AMO LUIK DVP (AMOS) 7:12

Kvruex yimaq Amazia rueq Amo muex, “Shvmmax waz lex, hungx tueq shex! Yuda mungx nuex yek waung vtueq kvyuq bomjungc jungphvnx kuq shuiuz. Kvruex yauk shuimc tvkoc nuex tsuingshiq rueq mnoz muex vmauk mkuq kv-phux.

Matthew 10:23

Miqghaq ghaqshiz maq nuimhez kuex wvlc guez waqguez guirguenz ruiux yuq, vganc nuex kvyenc wvnc kuinz. Nuimhez muex ngaz rueq vsuing jungx kuq ix, Israel miqghaq htenc lotlaz nuex nuimhez rueq shuimc juing yauk shuimc max lot shauk nuex dvyx Miq Saz vruex httuiuc kaz tuex.

Mark 15:43

Majuiuc Vguilc Raungnuiyq maq kvkhux raungnuiyq ngoz yaq, tvyoalc moalc raungnuiyq ningkhvnc nuex Yosep kuex Pilat htumc nuex khvmc thuinz maq nyuip woz vtueq Yesu maungx kuex thoz tueq.

Mark 5:17

Kvkhoc rvtueq tsuingshiq hong wawc kay wvnc tvkoc Yesu muex jungx wuez tueq.

Acts 13:43

Vjux thoz yuimx maq dung wvnc tueq nuex Yuda miqsaz htenc nuiyc Yuda phungc nuex kvwek wvnc jix htenc rueq Polu nuiyc Barnaba yix nuex phvnx wvnc wuez tueq. Kamx waz hez rueq tsuingshiq kuex Tishox kejux lvmx nuex tvhttoarc vtueq rullungx tvraungx wvnc tvkoc jungphvnx kuq tueq.

Acts 13:45

Yuda miqsaz htenc kuex nuk miqsaz paunghvlc khiz vtueq, khunnyerc svy thuinz maq Polu rueq tvluing wvnc tueq bomjungc kuex khawx lvlx ngoz ngax wuez tueq.

Acts 14:19

Yuda miqsaz wvyvmc kuex Antiok ghaq nuiyc Ikonium ghaq maq httuiuc kaz vtueq, nuk miqsaz htenc kuex miqmac kox nuex lomx laz juing tvshonx ronx tueq. Kvruex yimaq Polu kuex lung maq tuip gay ruiux thueyc kaz shex shvmx ngoz tueq ke-phic nuex het taq gay kaz tueq.

Acts 14:2

Yuq muinz kvmluimx muq jix Yuda miqsaz rueq phungc miqsaz htenc muex khelric svy thuinz httaz tvkoc Pungnuk miqsaz muex htuiuz shuiuz kuq tueq.

Acts 14:4

Ghaqyungx wawc miq htenc kuex phungc nueyc muex rv-phvlc wvnc tueq, wvyvmc kuex Yuda miqsaz rulc, wvyvmc kuex kamx waz bix rulc lomx tueq.

Acts 14:5

Yuda miqsaz htenc nuiyc Pungnuk miqsaz htenc rueq kamx waz hez kuex yurc gay tvkoc nuiyc lung maq tuip gay tvkoc tsuingshiq walaungx bix rulc roc nuex tvnkhvnz hunglaungx wuez tueq.

Acts 16:14

Kvkaq Tishox muex hiyaz nawk palx tvtsvmc kvmc jix Thiatira ghaq wawc khvyshawx mvnz shaungc jix vmuingc Lidia ngoz yaq yalxjuik nyuiuz shiz lomx tueq, piq kuex Tishox muex nawk palx jix miq rvtueq, Polu rueq tvluing yaq kvjaz kuex vhvlx waq tay tvtsuingc tvkoc Taungjix rueq piq thuinz daz kuq tueq.

Acts 17:12

Kvkhoc rvtueq tsuingshiq paunghvlc kvmluimx wvnc tueq, kvkhoc kvmluimx jix phungc kvyuq muingc jungc vhttax Greek nyuiuz rulx nuiyc miqwaz rulx muinz paunghvlc lomx tueq.

Acts 17:13

Yuq muinz Berea ghaq nuex Polu rueq Tishox bomjungc kuex jungphvnx tvluing kuq yaq lvmz kuex Thesaloni ghaq jix Yuda miqsaz rueq tay vtueq, kvruex ghaq kvyuq tsuingshiq kaz vtueq miq htenc kuex puingpenx laz juing tvshonx wvnc tueq.

Acts 17:17

Kvkhoc rvtueq vjux thoz yuimx nuex Yuda miqsaz nuiyc Tishox muex nawk palx jix Pungnuk miqsaz htenc rulc muinz, wvraungx nuiyq tek ghaqyungx wawc ghaq sawc htungx nuex kaz yaq jix htenc rulc muinz rvjungc phvnc tueq.

Acts 17:4

Tsuingshiq wawc wvyvmc kuex kvmluimx vtueq Polu nuiyc Sila rulc guilc ngaungc wuez tueq; Kvruex hez wawc Tishox muex nawk palx jix Greek miqsaz paunghvlc nuiyc muingc jungc vhttax yalxjuik rulx muinz paunghvlc lomx tueq.

Acts 18:7

Kvruex yimaq tsuingshiq phungc wawc dung wvnc vtueq, Tishox muex nawk palx jix Titiu Justu ngoz yaq Yuda miqsaz rvmuq waz yuimx nuex duiz kaz tueq. Kvruex yuimx kuex vjux thoz yuimx hep nuex rvtueq.

Acts 2:5

Kvruex baunglaung mungkawx wawc mungtan ruip rawx nuex httax yaq tvrac phvnc jix Yuda miqsaz htenc Yerusalem nuex httax yaq.

Acts 21:27

Yuq muinz raungx mvshix htumx wvnc nanac nuex Asia mungx wawc Yuda miqsaz wvyvmc rueq Polu kuex Shomc Yuimx nuex khiz vtueq, tsuingshiq rueq nuk miqsaz htenc muex tvshonx ruiux Polu kuex lvp tueq.

Acts 28:17

Raungnuiyq thuimx yix maq Polu rueq ghaqyungx kvwawc Yuda miqsaz walaungx bix kuex gvl tvrvtuimx vtueq, piq rueq tsuingshiq muex, “Phunox bix lex, ngaz rueq miqmac phvnx vmaq htauk nuex muinz, jix vwaz htungx vlayx htenc muex muinz khawc lvlc yauk shuimc yvmx muinz shuimx mauk rvhvt maq, Yuda miqsaz rueq Yerusalem ghaq wawc ngaz kuex lvp vtueq Roma miqsaz yauk nuex khoktep miq vshiz ikhoc kuq gay phuex.

Acts 6:12

Kvkhoc tsuinghez rueq miq htenc, walaungx bix htenc, Tvrac tvluingc waz hez htenc muex jungx kaz koq tueq, kvruex hez kvraq piq kuex lvp vtueq tvrac rungx nuex shvlx wvnc tueq.

Acts 8:1

Sholu muinz miq thvt gay tueq nuex raz naungx tueq. Kvruex raungnuiyq maq phaungc vtueq Yerusalem wawc phungc kuex pinhtumc guirguenc rvhumc phaungc wvnc tueq. Kvkhoc rvtueq tsuingshiq kuex Yuda mungx, Samaria mungx htenc nuex panx yanx rv-phvlc wvnc tueq, kamx waz hez dvyx shex kvjungx tueq.

Romans 10:2

Tsuingshiq kuex Tishox nuex thuinz rvwak hvlc jix hez rvtueq kuex ngaz rueq hakhix khvmc vshaungx. Yuq muinz tsuingshiq thuinz rvwak yaq kuex tsuingrux phaqjic maq rvmuq.

2 Corinthians 11:26

Ngaz miq ghaq lvmx khuemx wvnc tauk nuex, yuix rueq luimz muinz, yauk laungc yalawx jix rueq muinz, ngvy phvnx Yuda miqsaz htenc rueq guirguenc, Pungnuk miqsaz htenc rueq ruez phuex, miq ghaqyungx htenc nuex rvhumc tauk kuilc daz, rumz htenc maq rvhumc tauk kuilc daz, svmuktvrax maq rvhumc tauk kuilc daz htenc rvhumc wvnc tauk.

1 Thessalonians 2:14

Phunox bix lex, nuimshiq rvhumc wvnc tuit kuex Yuda mungx wawc phungc miqsaz yaungx yaq Tishox phungc miqsaz rvhumc wvnc tueq rulc rv-ngvlc yaq. Nuimshiq kuex miqmac phvnx vmaq yauk nuex guirguenc tvkuilc daz rvhumc vtuinx kvkhoc, tsuingshiq muinz Yuda miqsaz yauk nuex rvhumc wvnc tueq.

2 Timothy 3:11

ngaz vguirc vguenc rvhumc wvnc tauk lvmx nuiyc vkuilc vdaz rvhumc tauk lvmx htenc hanglangc tuiuz toq. Antiok ghaq, Ikoni ghaq nuiyc Listra ghaq htenc maq kuilc daz lvmx htenc ngaz rueq nanx wvnc tauk lvmx kuex mnoz rueq lotlaz laz tuiuz yaq! Yuq muinz Taungjix rueq ngaz kuex kuilc daz htenc kvwawc palc wvnc phuex.