Biblia Todo Logo
La Biblia Online
- Anuncios -




Acts 12:23 - Hawa Naga Bible 2001

23 Kvkaq dvyx Herod rueq Tishox muex tvtsanc nganc muq ningkhvnc nuex, Taungjix raungkamx waz rueq piq kuex tvrul gay ruiux vyung rueq phauk vtueq thueyc wvnc tueq.

Ver Capítulo Copiar

ASII LAKDAP Bible (BSI)

23 Kiijiishe tiihanghiiq miili, Tatiwe rase raq apaiq ka tiikhiqlaq tsat baiqto. Apaiq ka Shiikeawe raq jamkhano tsatbaiqtaq ngukla apaiq kra khoti Shiikeawe ikha tiishom ra wanto. Kriikha na tsatbaiqto. Apaiq ka ajong ajii raq phaq raüta tsaito.

Ver Capítulo Copiar

Muklom

23 Photla o Teyhungwa ashey rangkamwa piq tha watta, chammatakoi piq aa Shkewa tha rangka moq angta. Jongbal tang aa piq tha phakta etho piq tha tita.

Ver Capítulo Copiar




Acts 12:23
30 Referencias Cruzadas  

Yehowa raungkamx waz kuex kvruex raungwvrx dvyx Asiria nolaungx bix jerak kvyuq kaz vtueq, nolaungx bix 185,000 kuex thvt gay tueq. Raungnvp kvyix raungwuix wvnc yaq nuex tsuingshiq lotlaz thueyc kaz tueq.


Yehowa rueq raungkamx washiz tvkaz vtueq Asiria nolaungx bix nuiyc vyungx vlaungx bix kuex thvt gay tueq. Kvkhoc rvtueq Asiria honoc waz kuex yvlc svy rvhumc vtueq yek wvnc tueq. Raungnuiyq shiz piq tishox shomc yuimx nuex httax yaq baunglaung vsaz hez wvyvmc rueq tsuingshiq yaung htenc maq piq kuex soalc thvt gay tueq.


Ngvy gvnngvmx kuex vmac vtsac rueq phauk gay ruiux muinz, ngaz kuex gvnngvmx pumz httax yaq nuex Tishox kuex ngaz rueq khiz shaungx.


Ngvy gvnz nuex vyung htenc mvrc yaq; kvruex kuex vmac khuix kuex yop yaq; vmac htenc maq tvjuiuz yvlx yaq.


O Yehowa lex, mnoz phaungx ngaungx yaq lungwawc nuiyc tvmtuing ningkhvnc nuex, mnoz ngauz vngax kuex mnoz nuex dvyx, mnoz nuex dvyx mhttax kueq, nuiyshiq nuex kvruex ngauz vngax kuex httax muq.


Moshe nuiyc Arun kuex hokhvmx waz kox nuex kaz vtueq piq muex jungx tueq, “Hebre miqsaz htenc Yehowa Tishox rueq ngoc, ‘Mnoz rueq ngvy kvjaz kuex mtanc nuex httuiuc laz lac tvlvlc phux? Ngaz muex nawk palx kuy kay tvkoc ngvy miqsaz htenc kuex tvkaz shuiuz.


“Kvruex raungwvrx ngaz kuex Ejip mungx kvmaq lvy wvnc vtueq, pekhux miqwaz sahez nuiyc nyvmx saz jawc khux vlaz htenc kuex thvt gay ruiux, Ejip mungx wawc tishox lotlaz muex murx tvgurc shaungx, ngaz kuex Yehowa rvtauk.


Yehowa kuex Ejip miqsaz thvy gay tvkoc Ejip mungx maq lvy wvnc vtueq, kaluix daungx khux nuex nuiyc kaluix daungx htung nuex tvguiy kuex khiz ruiux yuq, Tvthueyc jix Kamx waz rueq nuimshiq yuimx htenc kuex lvy gay shec ruiux, nuimshiq kuex thvt gay muq.


Raungwvrx htungx nuex Yehowa rueq Ejip mungx wawc miqwaz saz pekhux lotlaz maq phaungc vtueq hokhvmx hoc nuex duic jix hokhvmx waz saz pekhux waz maq, khoktep nuex httaz yaq jix saz pekhux waz nuex httuiuc laz muinz, nyvmx saz kungkhux vnyuiuz lotlaz muinz thvt gay tueq.


Yuq muinz mnoz kuex mngamc boq vtueq ngvy miqsaz kuex tvkaz muq maq raz tueq tvlvlc hvt dvyx doc nyix.


Mnoz vtuiuz tharc vhttax waz ngoz ruiux kuex tvtsvmc kvmc rvhumc tuiux; mnoz miqyaq ngoz ruiux kuex miq rueq mhtauk nuex vlawc tvruinc kv-phux.


Mnoz kuex torox thuic htenc maq tvtsanc nganc kuy rvhumc wvnc toq, yuq muinz majuiuc kuex mnoz wulumx mungx nuex shex nyix. Mnoz kuex vyung vyawx khvy phawc htauk nuex woalc vtueq, kelx duingx khvy kuex svmx vshuiux,’ ngoz tueq ramc yaq.”


Ukhaq muex lac mnoz rueq shummarc vtueq ngoz ngax gay vshuiux? Mnoz rueq Israel muex vsawc Tishox ngaz kuex wvlc guez tvyaungc vphux.


tsuingshiq kuex vthvp rueq vphauk gay khvy ikhoc moz wvnc tuex! Yuq muinz ngaz rueq daungc wvnc lvmx kuex pattup httax tuex; ngaz rueq taungx wvnc lvmx mkaq muinz phaungx tuex.”


“Tsuingshiq dung kaz wvnc ruiux yuq, ngaz muex khawc lvlc jix hez maungx htenc kuex tsuingshiq rueq khiz shuex. Kvruex phuiuz jix vyung kuex mkaq muinz thueyc muq, vmaungx khamc yaq wvr muinz mkaq muinz mut muq. Miq htenc rueq kvkhoc yaungx yaq kuex khiz vtueq suirsac wuez shuex.”


Vpiq rueq, “Vthueyc rvyaq miq lex, ngaz Johvlc Yehowa rueq Tire hokhvmx muex jungx vshaungx kuex jungx kuq shuiuz: ngamc boq vtueq kvsomc parc vtuiux, tishox vshiz muex yaungx taungx ngoz tueq mnoz rueq jungx vshuiux. Mnoz kuex svmuktvrax yuix rueq tvroz tuimz komc yaq hoc daungraungc htauk nuex tishox vshiz ikhoc ngaungc taungx ngoz tueq jungx vshuiux. Mnoz kuex tishox vshiz muex yaungx lot tuiux ikhoc tvmaung vshuiux yuq muinz, rvmuq, mnoz kuex tishox rvmuq, vthueyc jix miq dvyx rvtoq.


Tsuinghez kuex mnoz thvy kay kaz tuex nuex, mnoz kuex tishox vshiz rvtauk ngoz tueq kvjungc tuiux haz? Miq thvy jix hez rulc mnoz rvhumc tuiux kvkaq, mnoz kuex tishox rvmuq, vthueyc jix miq dvyx rvtuiux.


Nuk miqsaz rueq, “Vruex kvjaz kuex miqsaz thuic bomc rvmuq tishox thuic bomc rvtueq,” ngoz tueq guyc wuez tueq.


Yuq muinz raungnyauk nuex Taungjix raungkamx waz rueq khoktep kaluix htenc kuex daz vtueq kamx waz hez kuex yuzphic nuex tvdung ruiux,


Piq rueq miq htenc rueq nawk palx yaq tishox ngoz yaq phvnx ruip saz kuex vngvr kox nuex khawx lvlx vtueq, piq shauk pumz kuex lotlaz htauk nuex muinz ngauz vngax httaz hvlc waz ngoz tueq kv-ngoc tuex. Piq kuex Tishox Shomc Yuimx nuex doc muinz nyuip vtueq ngaungc ruiux, piq kv-ngoc Tishox ngoz tueq kv-ngoc tuex.


Raungx rokshiz tanc yix maq Yehowa rueq Nabal kuex thvt gay koq tueq thueyc kaz tueq.


Síguenos en:

Anuncios


Anuncios


¡Síguenos en WhatsApp! Síguenos