Acts 10:4 - Hawa Naga Bible 2001

⁴ Piq kuex kawc yawc hvlc maq raungkamx waz kuex tvtsuingc lawc vtueq, “Taungjix lex, yvmx phvnx lac?” ngoz tueq wiz tueq. Raungkamx waz rueq muinz, “Mnoz rueq vjux thoz toq kvjaz nuiyc yauk noalc kuq noalx vshuiux htenc kuex Tishox rueq raungc raq yaq ningkhvnc nuex mnoz muex tvtay vphaungx.

ASII LAKDAP Bible (BSI)

⁴ Apaiq raq rase ka ahai lam maq liito. Raüta, “Chaü lei, jamlai wa?” nguta treto. Kiijiishe rase raq apaiq ma, “Shiikeawe ka ümniima tsanhea sitlo. Ümniiraq achu jaü tlaü kra taito she. Kiimaq ümniiraq miitsan maiqse khrum kuq tlaü kriimin chhito she. Riita, Shiikeawe raq ümchaü ka ümbom tre miitu tiijeje she.

Muklom

⁴ Piq aa ethi rangkamwa tha siingsin ta etho cho eq batta, “Tatalteywa, chamli aa?” Rangkamwa thawel batta, “Shkewa ba romtam shima etho tangshit miqtang ma nong u shima sungrang angta etho Shkewa nangma thawel ma kacha ang aa.

Acts 10:4 Referencias Cruzadas

2 KAÜWA WERAÜ 32:24

Kvtanc jauz Hokhvmx Hezekia kuex thueyc khvmkhvmz thuiuz tueq. Piq rueq vjux thoz koq tueq Yehowa rueq piq hvlx kay yek tvkoc tvkhic tueq.

2 KAÜWA WERAÜ 6:33

tsuingshiq vjux thoz bomc kuex tay kuq shuiuz. Mnoz httax vtuiux raungmungx kvmaq tsuingshiq tvruingc kuex tay kuq ruiux, tsuingshiq rueq mnoz muex tvshuimc yaq kuex shuimx kuq shuiuz, kvkhoc ngoz ruiux jix mungkawx miqsaz lotlaz kuex mmiqsaz Israel htenc rueq shuimx yaq ikhoc mnoz kuex tuiuz wvnc vtueq mkvjaz kuex phvnx wuez shuex. Mnoz muex nawk palx kuy tvkoc ngaz rueq guirx shec tauk vruex Shomc Yuimx kuex tsuingshiq rueq tuiuz wvnc wuez shuex.

Tvtsvmc 141:2

Ngvy vjux thoz bomc kuex homc hvlc phvnx loban ikhoc, ngvy yauk tenz vshaungx kuex raungyac wawc shomc nawk kuy juing ikhoc lvp wvnc koq.

Tvtsvmc 20:3

Mnoz rueq shomc kuq vshuiux lotlaz kuex vpiq rueq mlvp wvnc shueq, mnoz rueq shomc nawk kuq vshuiux lotlaz kvmuinz mraungc raq wvnc shueq.

ISAIA 43:26

“Tvrac rungx nuex kaz ix; mnoz muex mvrax nyvnc yaq kuex tvtay shuiuz! Mnoz vlvmx kuex hakhix tvkhic tvkoc mkhac kuex tvtay shuiuz!

ISAIA 45:19

Ngaz rueq vyumx maq jungx mauk ngaz rueq kvmungx shaungx kvmuinz httuiyq puiuc mauk. Kuiyqshuik kuiyqkhvmx baung nuex ngvy thuiyc tvkoc, Israel miqsaz htenc kuex ngaz rueq tvyoalc wvnc tauk. Ngaz kuex Yehowa rvtueq, ngaz kuex vlvmx dvyx kvjak vtaungx; tsuingrux yauk shuimc kuex ngaz rueq tvtuiuz vshaungx.”

DANIEL 10:11

Raungkamx waz rueq ngaz muex jungx phuex, “Daniel lex, Tishox rueq mnoz lungwawx yaq. Kvtenc vtueq ngaz rueq jungx phaungx kvjaz kuex vhvlx maq tay tvtsuingc shuiuz. Ngaz kuex mnoz kox nuex tvkaz phuex,” ngoz tueq jungx tueq. Piq rueq kvruex jungx thvt yaq nuex, ngaz kvtenc tauk rvhvt maq kvkhuirc hvt dvyx rvtauk.

LEWI 2:2

Arun sahez shomc waz bix kox kvyuq lvmc lvy rax. Yauk shuimc aungx yaq shomc waz rueq wungwanx yaukkhunc shiz, vpuiz nuiyc vhomc phvnx httax yaq lotlaz kuex lvmz vtueq shomrawx htauk nuex jauk ruiux shomc kuy rax, kvkhoc shomc kuy lvmz kuex Yehowa muex vruiy vwungx lotlaz maq shomc kuy muex yaungx yaq. Vkhoc phuiuz vsvy maq shomc kuq shix homc tumc kuex Yehowa rueq raungc raq yaq.

MALAKI 3:16

Kvruex yimaq Yehowa muex hiyaz jix htenc tsuingshiq vdvmz dvmz rvjungc phvnc wuez tueq kuex Yehowa rueq tay tvtsuingc vtueq tay tueq. Yehowa muex hiyaz vtueq tvtsanc nganc jix htenc muingc wvlc kuex vpiq khaungkac nuex luik dvp vshiz kvyuq wuiyq tvtsuingc taq tueq.

Matthew 26:13

Nuimshiq muex ngaz rueq vsuing jungx kuq ix, vruex kokez bomc poz kuex mungkawx lotlaz nuex jungx tvtay shuex yuq, yalxjuik nyuiuz vruex rvwvl lvp tvkoc piq rueq shuimx wvnc tueq vhvlx yauk shuimc kuex jungphvnx wuez shuex,” ngoz tueq jungx tueq.

Luke 1:29

Kvruex bomjungc kuex tay vtueq Mary thuinz phez hvlc maq vruex bomc poz kuex yvmx khoc ngoc lac tax, ngoz tueq rvwvl httax tueq.

Luke 24:5

Yalxjuik rulx kuex hiyaz vtueq vbumc rvwuez tueq, tsuingnueyc rueq, “Vtvraungx waz kuex vmaungx jix httax yaq nuex yvmx ruemc lac thuiyx vshuinx?

Acts 10:31

‘Korneliu lex, mnoz rueq vjux thoz vshuiux kvjaz kuex Tishox rueq tay tueq, mnoz rueq kuq toq menjenc yauk noalc htenc muinz Tishox rueq tvtsuingc taq tueq.

Acts 14:9

Piq muinz kvyuq ngaungc vtueq Polu rueq jungphvnx yaq kvjaz kuex tay tvtsuingc tueq. Polu rueq piq kuex lawc tvtsuingc koq tueq, vthuiuz vsac hvlc laz tanc khvnc piq kvmluimx thuinz httax yaq kuex tuiuz vtueq,

Acts 22:10

Ngaz rueq, ‘Taungjix lex, ngaz rueq yvmx shuimc juing lac?’ ngoz tauk, Taungjix rueq ngaz muex, ‘Kvtenc kuiux, Damasku nuex kaz kuiuz, mnoz rueq shuimc juing yauk shuimc lotlaz kuex kvruex maq jix mnoz muex jungx kuq phaungx,’ ngoz tueq jungx phuex.

Acts 3:4

Tsuingnueyc rueq piq kuex tvtsuingc lawc vtueq, Peter rueq, “Nvnueyc vruex lawc koq!” ngoz tueq.

Philippians 4:18

Nuimshiq rueq vtvgurc kuq wvnc yauk noalc hup vsvmx phvnx ruip saz lvp tauk kuex vruex yuq tvtsuingc taq shec tauk, kvruex yauk noalc hup vsvmx kuex Epaphoditu rueq lvmc kuy wvnc ningkhvnc nuex ngaz muex rax yaq htenc kuex lvp wvnc tauk. Kvruex kuex Tishox muex shomc kuy vhomc vtumc ikhoc muinz, Tishox rueq raungc raq yaq shomc nawk kuy juing ikhoc muinz rvtueq.

Philippians 4:6

Yvmx lvmz nuex ngoz ruiux muinz nauk rvwvl japa kaz, yuq muinz lvmx ruip saz nuex vjux thoz vtueq kvjungc ruiux kejux rvwvlc thuinz vmungx maq tvtsvmc vtueq, nuimshiq muex rax yaq lvmx kuex Tishox muex tvtay shuinz.

Hebrews 13:16

Vhvlx yauk shuimc laung nuex nuimshiq vdvmz dvmz rvromc rvshix lvmz kuex nauk lauk wuez kaz, yvmx khoc lac ngoz ruiux lec kvkhoc shomc nawk kuy juing htenc kuex Tishox rueq raungc raq yaq.

Hebrews 6:10

Tishox kuex tvrac vlvmz vguez waz rvmuq. Vpiq kuex nuimshiq rueq shuimx wvnc tuit yauk shuimc htenc muinz, vpiq muex lungwawx lvmx nuimshiq rueq tvkhic kuy tvkoc mvnnuex maq raz tueq majuiuc nuex httuiuc laz, Christan miqsaz vdvmz dvmz rvromc lawc yaq kvmuinz Tishox rueq lauk gay muq.

Revelation 8:4

Vhomc phvnx wawc dung yaq wvr kuiuq kuex Tishox khaungkac nuex jvp yaq raungkamx waz yauk maq, Tishox miqsaz vjux thoz bomc rulc vdvmz raungx nuex duiz wvnc tueq.

1 SAMUEL 3:10

Yehowa kuex kaz vtueq kvyuq jvp ruiux kungkhux nuex ikhoc, “Samuel! Samuel!” ngoz tueq gvl tueq. Samuel rueq, “Jungx koq, mnvrc waz rueq tay yaq,” ngoz tueq tvralc tueq.