Acts 1:8 - Hawa Naga Bible 2001

⁸ Yuq muinz Vsawc Siyac nuimshiq htauk nuex httuiuc kaz tuex nuex, nuimshiq rueq luimc vkawc lvp wvnc shuinx, kvruex kaq nuimshiq rueq Yerusalem, Yuda mungx lotlaz, Samaria mungx nuiyc ghaq ruiykhuix tvsuip laz ngvy hakhix htenc muex yaungx wuez tuinx,” ngoz tueq jungx tueq.

ASII LAKDAP Bible (BSI)

⁸ Shatmaq, ümtiikiiwa Asii Wenyi ka namshiq khum niishe saüki tlaq, kra akhing na, namshiq ka Asii Wenyi raq kunli arom mir wan. Krai mren, namshiq raq ningkun jonghea milap han. Kiimaq, kra ningkun lü miishetiq, namshiq ka i hakhi ma mija lot han. Lanta, namshiq raq Jerusalem na, Judia wang tlotli na, kiimaq Samaria wang na, kiimaq ra takiq na mangjong hiq sitlaq kriithun tlotli na, namshiq raq ngi rai jamkho mang riisap wan lan, kra hakhi she michong kuq han.”

Muklom

⁸ Asang Tsija sha nim khom o thupha jo, nim aa tarong kap nin, etho nim aa Jerusalem, thaji Judea mung, Samaria mung etho iri mingkang thaji haq shi náng ka eq imikkhi kot nin.”

Acts 1:8 Referencias Cruzadas

Tvtsvmc 22:27

Miq phvnx lotlaz rueq Yehowa kuex rvwvl wuez shuex. Mungkawx baung ruip saz wawc miq htenc kuex vpiq kox nuex kvroz wvnc yek tuex, lotlaz rueq vpiq muex nawk palx wvnc wuez shuex.

Tvtsvmc 98:3

Vpiq rueq Israel miqsaz htenc tsuingshiq tvkoc vpiq phaungx ngaungx yaq lungwawc nuiyc tvmtuing maq vpiq bomkhvmc kuex tvtsuir taq tueq. Baung ruip saz wawc miq lotlaz kuex naungshiq Tishox rueq taungx wvnc tueq lvmx kuex khiz wvnc wuez tueq.

ISAIA 42:10

Vshic vngoyc vnyalx maq Yehowa muex shix kuq shuinz; mungkawx lotlaz nuex vpiq muex tvtsvmc bomc maq shix kuinz! Svmuktvrax yanc jix hez lex, vpiq muex tvtsvmc shuinz; svmuktvrax yungsuiuz yawxsaz lotlaz lex, vpiq muex tvtsvmc shuinz! Lvmx luz mungx htenc nuiyc kvyuq httax vtuinx lotlaz lex, shix wuez kuinz!

ISAIA 49:6

Yehowa rueq ngaz muex, “Ngvy nvrc waz lex, ngaz rueq mnoz tvkoc yauk shuimc yunghvlc vshiz lvp tauk. Kvjungx yaq Israel miqsaz muex yungc loayc wvnc lvmz kuy tvkoc dvyx rvmuq, yuq muinz ngaz rueq mnoz kuex miqphvnx htenc tvkoc vwuic tvyaungc phaungx, kvkaq mungkawx lotlaz kuex palx daungc wvnc rvhumc tueq,” ngoz tueq.

ISAIA 52:10

Yehowa rueq vpiq vsawc vpiq luimc vkawc maq; vpiq miqsaz htenc kuex palc wvnc shuex, mungkawx lotlaz rueq kvruex khiz wuez shuex.

ISAIA 66:19

tsuingshiq muex murx tvgurc jix kuex ngaz rvtauk lvmz tuiuz wuez shuex. “Yuq muinz tsuingshiq wawc wvyvmc kuex ngaz rueq tvjungx taq ruiux, ngvy muingc jungc max tay shauk jix, ngaz yungx luz vtaungx nuiyc ngvy luimc vkawc max khiz jix, laq gap shvrvyx bix httax yaq Spain, Libya, Lidia, Tubal nuiyc Greek mungx htenc nuex httax yaq miqphvnx htenc nuiyc lvmx luz mungx miq htenc kox nuex muinz, tsuingshiq kuex ngaz rueq tvkaz shaungx. Tsuingshiq rueq kvruex mungx htenc kvyuq ngaz yungx luz vtaungx lvmz kuex jungphvnx kuq shuex.

JEREMIA 16:19

Yehowa lex, mnoz kuex ngvy tvkhup wungx vtueq hungc vlaungc kuy jix rvtoq; kuilc daz rvhumc vkhing nuex mnoz rueq ngaz muex romc kuq phux. Ghaq tvsuip wawc miqphvnx htenc kuex mnoz kox nuex kaz vtueq, “Nuiyshiq jix vwaz tamx kuex phara yac yuimx htenc maq lvy vtueq vganc yvmx muinz vguez, kvruex htenc kuex vjux vguez nuiyc khuec guez dvyx rvtueq.

Mikha 3:8

Yuq muinz ngvy tvkoc kuex, Yehowa rueq vpiq siyac nuiyc luimc vkawc tvmvrc kuq vtueq, tvrac vlvmz tharc nuiyc Israel miqsaz tsuingshiq mvrax htenc kuex jungc kuy lot juing khamc thuinz kuex htawc kuq yaq.

JEKERIA 4:6

Raungkamx waz rueq Yehowa kox wawc vruex bomjungc kuex Zerubabel muex kuy tvkoc ngaz muex vkhoc jungx phuex: “Mnoz kuex nolaungx bix hungc maq muinz rvmuq, mhungc vlaungc maq muinz rvmuq, yuq muinz ngvy siyac maq jix taungx wvnc shuiux.

Matthew 24:14

Mungtan nuex seng vtueq Thuix Thaungx Vhvlx lvmx kuex mungkawx lotlaz nuex httaz jix miqphvnx ruip rawx muex hakhix m-yaungx kueq, mungkawx lotlaz nuex jungphvnx kuq lvp shuex, kvruex yimaq kuex vtvsuip shex httuiuc wvnc tuex.

Matthew 28:19

Kvkhoc rvtueq nuimshiq kuex kaz wvnc vtueq miqphvnx ruip rawx kuex ngvy sangac muex tvyaungc shuinz, Vwaz, Vsaz, Vsawc Siyac muingc maq tsuingshiq muex yuix luip lvmz kuq shuinz;

Mark 16:15

Kvkaq vpiq rueq tsuinghez muex, “Nuimhez kuex mungkawx tvlot laz nuex khuemx kaz vtueq miqphvnx ruip rawx muex shuenruenc bomjungc jungx kuq shuinz.

Luke 1:35

Raungkamx waz rueq tvralc tueq, “Vsawc Siyac kuex mhtauk nuex httuiuc kaz vtueq Tishox luimc vkawc rueq mnoz kuex puingc wuingc kv-phux, kvkhoc rvtueq vsawc nox kuex Tishox Saz ngoz tueq gvlc rvhumc tuex.

Luke 10:19

Tay shuinz! Puiuc nuiyc kelthvp htenc nuiuz gay lot juing nuiyc ralx waz luimc vkawc lotlaz kuex taungx gay juing vrangx vpangx ngaz rueq nuimshiq muex kuq phaungx rvtueq, yvmx rueq muinz nuimshiq kuex heq kv-phuinx rvmuq.

Luke 24:29

kvkaq tsuingnueyc rueq vpiq muex, “Shalx vhttvmc raungnyauk shex, nvnueyc rulc lawx duiz wvnc ix,” ngoz tueq laungc maq tvwanc tueq. Kvkhoc rvtueq tsuingnueyc rulc vdvmz nuex duic wvnc naungc tvkoc kaz naungx tueq.

John 15:27

Nuimshiq muinz vphaungc maq phuex ngaz rulc vdvmz nuex httax vtuinx ningkhvnc nuex ngvy lvmz hakhix khvmc wuez shuinz, ngoz tueq.

Acts 1:5

Yohan rueq yuix maq yuix luip kuq tueq, yuq muinz nuimshiq rueq mtanc httax muit nuex Vsawc Siyac maq yuix luip lvmz wvnc wuez shuinz,” ngoz tueq jungx tueq.

Acts 13:31

kvmaq kungkhux nuex vpiq rulc vroc nuex Galile mungx maq Yerusalem nuex phvnc wvnc naungc jix htenc muex raungnuiyq loayc hvlc shvmx kvkhic shec tueq. Tsuingshiq rueq majuiuc Israel miqsaz muex vpiq lvmz hakhix khvmc kuq yaq.

Acts 2:32

Yesu kuex Tishox rueq tvyuing tvtenc wvnc tueq lvmz hakhix kuex naungshiq lotlaz rvtiq.

Acts 22:15

Yvmx khoc lac ngoz ruiux lec mnoz rueq khiz wvnc toq nuiyc tay wvnc toq htenc kuex miq lotlaz htumc nuex jungc tvtay tvkoc vpiq hakhix khvmc kuy jix waz mnoz yaungx tuiux.

Acts 3:15

Nuimshiq rueq rullungx kuq lot yaq waz kuex vthvy rvgay tuit, yuq muinz Tishox rueq vpiq kuex vthueyc wawc tvyuing tvtenc wvnc tueq naungshiq kuex kvruex lvmz hakhix yaungc jix hez rvtiq.

Acts 4:33

Kamx waz hez rueq Taungjix Yesu yuing kvtenc wvnc tueq lvmz kuex luimc vkawc yunghvlc maq hakhix khvmc tueq. Tishox rueq tsuingshiq lotlaz htauk nuex ruimrix ruiuc kuq tueq.

Acts 5:32

Vruex lvmx htenc vyuq seng vtueq nuiyshiq kuex hakhix muex yaungx vtix, Tishox vpiq kvjaz tay jix htenc muex vkuq kejux yauk noalc ngoz yaq, Vsawc Siyac muinz hakhix muex yaungx yaq,” ngoz tueq.

Acts 6:8

Stephen kuex Tishox kox wawc ruimrix kejux hungx htaungx laz lvp wvnc jix waz, luimc vkawc vmvrx waz ningkhvnc nuex mungx miqsaz htenc htumc nuex vwangc juing htenc nuiyc romzyac htenc kuex tvkhic kuq tueq.

Acts 8:1

Sholu muinz miq thvt gay tueq nuex raz naungx tueq. Kvruex raungnuiyq maq phaungc vtueq Yerusalem wawc phungc kuex pinhtumc guirguenc rvhumc phaungc wvnc tueq. Kvkhoc rvtueq tsuingshiq kuex Yuda mungx, Samaria mungx htenc nuex panx yanx rv-phvlc wvnc tueq, kamx waz hez dvyx shex kvjungx tueq.

Romans 10:18

Yuq muinz miq rueq kvruex bomjungc tay muq kuex vsuing doc haz? ngoz tueq ngaz rueq wiz roc vphaungx, Rumvrc luik nuex: “Bomjungc kuex jungphvnc kuy jix kvjaz kuex mungkawx nuex nyamc wvnc tueq; tsuingshiq kvjaz htenc kuex mung- kawx ghaq tvsuip htenc nuex httuiuc wvnc tueq,” ngoz tueq jungx tueq rulc rv-ngvlc yaungx wvnc tueq.

Romans 15:19

Kvkhoc rvtueq ngaz kuex Yerusalem maq phaungc vtueq, Elirikum hong tvroz tuimz nuex Christu lvmx Thuix Thaungx Vhvlx kuex jungphvnx tvtay wvnc tauk.

Colossians 1:23

Yuq muinz nuimshiq rueq miqmac kvmluimx thuinz kuex vjungx vruingx phaungx wvnc tvkoc tvhttoarc vtueq httuiyq httvmx wvnc rax tuex. Kvmaq nuimshiq rueq shuenruenc bomjungc tay wvnc tuit nuex lvp wvnc tuit thuinz tvluimc juing kvwawc nauk rul ngak kaz, mungkawx lotlaz nuex httuiuc wvnc vtuex shuenruenc bomjungc kvruex tvkoc nvrc waz kuex ngaz Polu rvtauk.