1 SAMUEL 7:6 - Hawa Naga Bible 2001

⁶ Kvkhoc rvtueq tsuingshiq lotlaz Mizpa nuex rvtuimx wuez tueq. Yuix raungluingx saz tsuingshiq rueq khuz vtueq Yehowa muex shomc kuy tvraung ruiuc tueq, raungnuiyq nuiyq tuimc phuiuz svy mamc tueq. Kvkaq tsuingshiq rueq, “Yehowa muex nuiyshiq yaq gay tiq,” ngoz tueq kvjungc wuez tueq. (Vruex kuex Mizpa maq Israel miqsaz htenc muex Samuel rueq phox thamx kuq tueq lvmz rvtueq.)

ASII LAKDAP Bible (BSI)

⁶ Krai mren, tsangshiq tarü Mijpa chela na thungto. Tsangshiq raq kham wiijam do raüta Tatiwe ma honglu na nyukto. Raüta kra ranaiq ka ranaiq minru amang maq achu jaüto. Tsangshiq raq nguto, “Nashiq raq Tatiwe man na ngarai tangkai.” (Samuel raq Israilnok liipan wa kha ka Mijpa chela maq phokuqtlo.)

1 SAMUEL 7:6 Referencias Cruzadas

RAPHA HIQWA LAK 31:49

Laban rueq muinz, “Naungshiq washiz maq washiz rv-phvlc wvnc tix baunglaung Yehowa rueq naungshiq kuex mtvkhup wungx kuq phueq,” ngoz tueq. Kvkhoc rvtueq vruex hong kuex Mizpa ngoz tueq muingc tueq.

2 SAMUEL 14:14

Naungshiq lotlaz vthueyc jix jvnc rvtiq; naungshiq kuex ghaq nuex svrc kaz vtueq vtvjomx mvy muq yuix rulc dvyx rv-ngvlc vtix. Tishox rueq muinz vthueyc vruez kaz waz kuex tvyuing kuq yek muq, yuq muinz mnoz hokhvmx waz rueq vganc mungtan nuex yuz wvnc jix miq washiz kuex thuiyx vtueq tvyez shvlx wvnc lot shuiux.

1 HOKHVMX 8:47

mmiqsaz htenc rueq vjux thoz yaq kuex tay kuq shuiuz. Tsuingshiq rueq mtanc dvyx mvrax yaq vtueq layx bac wuez ruiux muinz, kvruex mungtan kvmaq tsuingshiq rueq tharc humc ruiux, mnoz kox wawc vjux thoz vtueq mvrax kvjungc ruiux yuq, O Yehowa lex, tsuingshiq vjux thoz bomc kuex tay kuq shuiuz.

1 KAÜWA WERAÜ 11:18

Shvrvyx muingc dung yaq waz thuimx kuex Philistin miqsaz jerak mungx maq nyuip yanz wvnc vtueq, yuix jumx wawc yuix khuz wvnc vtueq Dawid muex kuq waung tueq. Yuq muinz piq rueq kvruex nuingx muq; kvkhoc ruec tvraung Yehowa muex shomc kuq ruiux waz vhvlx ngoz tueq ruiuc vtueq,

2 KAÜWA WERAÜ 20:3

Jehoshaphat kuex hiz vtueq Yehowa rueq lvmx shvlc kuy tvkoc vjux thoz tueq. Kvruex yimaq wvmungx tuimx rueq phuiuz svy mamc tvkoc nvr tueq.

NEHEMIA 9:27

kvkhoc rvtueq mnoz rueq ralx nuk muex tsuingshiq kuex tvkhvt tvguimz gay toq. Tsuingshiq kuex kuilc daz rvhumc ningkhvnc nuex romc kuy tvkoc mnoz gvl wuez yaq, mnoz rueq raungx mungtan maq tay kuq vshuiux. Mmenjenc thuinz yunghvlc ningkhvnc nuex tsuingshiq kuex palc wvnc tvkoc walaungx bix kuex tvkaz toq.

YOBA 16:20

Ngvy kungjix hez rueq ngaz kuex nueykuic wuez yaq; Tishox khaungkac nuex ngvy muik phic ruk yaq.

YOBA 3:24

Phuiuz svy tvraung, ngaz vkhoarc vnyerc ruez vtaungx, ngaz rueq vkhoc vyonz yec kuex mkaq muinz tvthauk lot mauk.

YOBA 33:27

Miq ruip rawx rueq miq htumc nuex, “Ngaz mvrax yaq gay tauk. Ngaz rueq vlvmz shuimx mauk rvtauk, yuq muinz Tishox rueq ngaz kuex rullungx tvraungx kuq phuex.

YOBA 42:6

Kvkhoc rvtueq ngaz rueq jungx wvnc tauk kvjaz htenc muex yvlc sac vtueq bokkhuyx nuiyc tvp nuex ngaungc ruiux rvwvlc khiz vshaungx.

Tvtsvmc 106:6

Nuiyshiq kuex nuiyshiq jix vwaz tamx rueq shuimx wvnc tueq ikhoc mvrax shuimx wvnc tiq; nuiyshiq kuex layx bac jix htenc nuiyc honc vbac yaungx vtix.

Tvtsvmc 119:136

Miq htenc rueq mtvrac kuex phvnx muq ningkhvnc nuex ngvy muik phic kuex yuix ruilx ikhoc kaz yaq.

Tvtsvmc 42:3

Ngaz kuex raungnuiyq raungwvrx khoarc htuez rueq muik phic kuex phuiuz vsvy juing muex yaungx wvnc vtuex; ralx htenc rueq, “M-Tishox kuex m-yuq lac?” ngoz tueq vkhing ruip rawx ngaz muex wisoz yaq.

Tvtsvmc 6:6

Ngaz kuex yonzyex vtueq hunnyex vtaungx; ngaz khoar vtaungx wawc svrc yaq muik phic rueq ngvy chuing hemc vtueq; ngvy khudaung muinz muik phic rueq hemc gay tueq.

Tvtsvmc 62:8

Ngvy miqsaz htenc lex, vkhing ruip rawx Tishox muex tvluimc wuez shuinz. Vpiq kuex naungshiq kvwungx juing baung rvtueq, nuimshiq kuilc daz vtuinx lotlaz kuex vpiq muex jungx tvtay shuinz.

JEREMIA 31:19

Nuiyshiq kuex mnoz kox maq kvroz wvnc vtix, yuq muinz mtanc httax muq nuex yek waungc tvkoc roc vshix. Mnoz rueq nuiyshiq muex murx tvgurc lot yix, nuiyshiq khux htenc kuex vyonz vyex nuex rvhtuy wuez vtix. Nuiyshiq kuex yalxrox yac nuex vshuimx gay mvrax ningkhvnc nuex yvlc svy nuiyc vshummarc rvhumc wuez vtix,’ ngoz tueq.

JEREMIA 36:9

Yuda hokhvmx Jehoiakim hokhvmx yaungc wawc bv-ngac rac yapix lex tvkuiuz nuex, Yehowa rueq menjenc rvhumc tvkoc miq htenc rueq phuiuz svy mamc wuez tueq. Kvruex phuiuz svy mamc kuex Yerusalem nuex httax jix lotlaz nuiyc Yuda mungx miqghaq htenc wawc vkaz jix htenc rueq thoz wuez tueq.

JEREMIA 9:1

Ngvy khux poz kuex yuix tumz yuix, ngvy muik htenc kuex muik phic ruilx yaungc tvkoc ngaz rueq raungc raq vshaungx, kvkaq ngaz kuex vthvy gay rvhumc tueq ngvy miqsaz htenc tvkoc raungnuiyq raungwvrx khoar lot taungx rvtueq.

AJONJÜ 2:11

Ngvy muik htenc kuex vkhoarc htuiz rueq htvl yaq; ngvy siyac kuex pinhtumc thuiuz sac yaq. Ngaz kuex ngvy miqsaz htenc bac wvnc ningkhvnc nuex yonz yex vtueq nulx wvnc vtaungx. Nosaz rulx nuiyc noshawx sahez kuex ghaqyungx lvmx htenc nuex maungc kaz wuez tueq.

AJONJÜ 3:49

“Ngvy muik phic kuex yuix saz ruilx ikhoc thauk muq maq kaz yaq kuex

AJONJÜ 5:16

Nuiyshiq kvsomc parc juing yvmx muinz vguez shex. Nuiyshiq rueq mvrax yaq ning- khvnc nuex, majuiuc vkhoc rvhumc vtix.

EJEKIEL 20:4

“Vthueyc rvyaq miq lex, mnoz kuex tsuinghez htauk nuex wisoz htvp htaz tvkoc tvyoalc toq haz? ngoz ruiux wisoz shuiuz. Tsuingshiq jix vwaz tamx rueq shuimx wvnc tueq miqsuirc vsac htenc kuex tsuinghez muex tvkhic shuiuz.

Hosea 5:1

“Nuimshiq shomc waz bix lex, vruex tay shuinz! Israel miqsaz lex, tay shuinz! Hokhvmx yuimx taungx nuex seng yaq hez lex, tay shuinz! Nuimshiq kuex tvrac vlvmz maq phoc kuy rvhumc tuinx ikhoc haz tvmaung vshuinx; kvkhoc rvtueq khac phoc kuex nuimshiq htauk nuex httuiuc tuex! Nuimhez kuex Mizpa ghaq nuex bix muex yaungx vtueq, Tabor Kanx htauk nuex jak tvparc shec ruiux,

Yoel 2:12

Yehowa rueq, “Majuiuc yuq muinz rvkhauk laz tharc humc yek vtueq, phuiuz vsvy mamc ruiux khoarsez yonzyex wuez vtueq ngvy kox nuex yek waung luit.

LEWI 16:29

Vruex kuex pattup phvnc juing lvmz htenc rvtueq. Lex mvshix yac raungx rokshiz raungnuiyq Israel miqsaz htenc nuiyc tsuingshiq rulc httaz jix pungnuk miqsaz htenc kuex, yvmx yauk shuimc muinz shuimx lvmz muq maq phuiuz vsvy mamc rax tuex.

LEWI 26:40

“Yuq muinz nuimshiq suiuz vsaz htenc rueq tsuingshiq mvrax nuiyc jix vwaz mvrax htenc ngoz yaq ngaz muex khawx lvlx vtueq tvdux gay ruiux,

Luke 15:18

Ngaz kvtenc vtueq iwaz kox nuex waung vtueq, iwaz lex, Tishox muex muinz, mnoz nuex muinz ngaz yaq tauk.

JOSHUA 18:26

Mizpa, Kephira, Moza,

PHOWEBI 10:10

Kvkaq Israel miqsaz rueq Yehowa muex ngoc, “Nuiyshiq Tishox kuex tuip gay ruiux Bala tishox htenc muex nawk palx gay tix ningkhvnc nuex mnoz muex mvrax yaq gay tiq,” ngoz tueq guyc wuez tueq.

PHOWEBI 10:15

Yuq muinz Israel miqsaz rueq Yehowa muex ngoc, “Nuiyshiq rueq mvrax yaq gay tiq. Mnoz thuinroc ruez koq, yuq muinz majuiuc kejux maq nuiyshiq kuex palc wvnc loq,” ngoz tueq jungx tueq.

PHOWEBI 2:4

Raungkamx waz rueq kvkhoc jungx tueq nuex Israel miqsaz htenc kuex guyc sez khoar wuez vtueq,

PHOWEBI 20:26

Kvruex yimaq Israel miqsaz lotlaz kuex Bethel nuex duiz waung vtueq khoarnyerx wuez tueq. Tsuinghez kuex Yehowa httax yaq nuex ngaungc kaz vtueq raungx tvyac laz phuiuz svy mamc wuez tueq. Tsuinghez rueq Yehowa httax yaq baung kvyuq lux rvyaungc shomc kuy nuiyc wvr maq jauk shomc kuy kuex shomc nawk kuq tueq.

PHOWEBI 3:10

Yehowa siyac kuex piq htauk nuex httuiuc kaz vtueq, piq kuex Israel miqsaz shunshvlc jix vyungx muex yaungx wvnc tueq. Othniel rueq ralx khvt kaz koq tueq Yehowa rueq piq muex Mesopotamia hokhvmx waz kuex tvtaungx gay tueq.

1 SAMUEL 1:15

Piq rueq, “Rvmuq, jiyungx waz lex, ngaz kuex joal pawc jix rvmauk, ngaz rueq joal kuex nuingx ruiux mauk! Ngvy thuinz htumx yaq ningkhvnc nuex Yehowa kox nuex ngaz kuilc daz jamjaux vtaungx kuex jungc tvtay muex ngoz tueq vjux thoz vshaungx.

1 SAMUEL 10:17

Samuel rueq Mizpa nuex nawk palx htungx vlayx nuex seng vtueq rvtuimx tvkoc miq htenc kuex tvtuimx tueq,

1 SAMUEL 12:10

Kvkaq tsuingshiq muex romc kuy tvkoc Yehowa kox wawc vjux thoz guyc sez vtueq, ‘Yehowa lex nuiyshiq kuex mnoz kox wawc kvroz wvnc vtueq Bala yac nuiyc Astarte yac htenc kuex nawk palx vshix ningkhvnc nuex nuiyshiq mvrax yaq gay tiq. Nuiyshiq kuex nuiyshiq ralx hez yauk wawc palc wvnc koq, nuiyshiq rueq mnoz muex dvyx nawk palx kuq phix!’ ngoz tueq jungx wuez tueq.

1 SAMUEL 7:15

Samuel rueq piq tvraungx wawwawx Israel mungx kuex guimz lawc tueq.