Biblia Todo Logo
La Biblia Online
- Anuncios -




1 Peter 4:7 - Hawa Naga Bible 2001

7 Phvnx ruip saz lotlaz vtvsuip gay kuex httuiuc wvnc yaq shex. Kvkhoc rvtueq nuimshiq rueq vjux thoz lot tvkoc miqmac shauk gvnz kuex tvsuingx khvrc vtueq hotlez hamlez maq httax kuinz.

Ver Capítulo Copiar

ASII LAKDAP Bible (BSI)

7 Phangthum akhing ka saü wanto she. Namshiq tarü mit asii maq sirong laq. Kiimaq honkam shat maq sirong laq. Achu jaü shatmaq sirong laq.

Ver Capítulo Copiar

Muklom

7 Thaji uthun sey angma ta, eshirangma romtam chuk rangma nim tin kacha eq rangtun eq tong inn.

Ver Capítulo Copiar




1 Peter 4:7
34 Referencias Cruzadas  

Kvruex raungyac tsuingnueyc rueq vwaz muex svpiq tix tvnuingc tvpawc ruiux raz tueq vnox nyuiuz jix kuex woalc waung naungx tueq. Laukshiz hulawx vwaz kuex pawc hvlc rvtueq piq rueq yvmx wuez ruez tvnx, piq rueq tuiuz muq.


Tishox rueq Noa muex ngoc, “Ngaz rueq miqsaz lotlaz kuex tvhtumx gay tvkoc htvp htaz lot tauk shex. Ngaz rueq tsuingshiq lotlaz tvbac gay shaungx, yvmx khoc lac ngoz ruiux lec tsuingshiq rueq yauk laungc yalawx yauk shuimc mungkawx nuex mvrc yaq ningkhvnc nuex tsuingshiq kuex tvsawc ruiyc tvbac gay shaungx.


Phuiuz svy moalx nuex lomx kay htauk nuex maungx jix yuimx nuex kay kuex vhvlx pinhtumc rvtueq, yvmx khoc lac ngoz ruiux lec tvraungx httax jix rueq miqmac kuex vthueyc vmvy rueq bvmc thvt yaq kuex mkaq muinz honc tvsvmc juing rvtueq.


shvmmax bix kuex vrot vkaq kvjaz maq lvy vtueq yvmx muinz jungx muq; shomc waz bix rueq muinz shvmmax bix rueq nvr yaq rulc rv-ngvlc guimz lawc yaq, ngvy miqsaz htenc rueq tvwanc juing lvmz yvmx muinz vguez. Yuq muinz vtvsuip nuex vruex lvmz htenc lotlaz yaungx wvnc tuex nuex tsuingshiq rueq yvmx lac shuimx shvnx?” ngoz tueq jungx tueq.


Kvruex lotlaz kuex vlvy shex. Vruex kuex vtvsuip shex. Mnoz kuex vlot gay wuez shex.


“Kvkhoc rvtueq honc lvmz hvt maq bvmc wuez shuinz, nuimshiq Taungjix waz kuex mruex kaq wuez httuiuc kaz yaq nguinx nuimshiq rueq tuiuz muit.


Kvkhoc rvtueq Yesu rueq, “Vraungx nuiyq nuiyc vkhing kuex nuimshiq rueq tuiuz muit ningkhvnc nuex honc lvmz hvt maq httax kuinz, ngoz tueq tvsuip tueq.


“Nuimshiq kuex phuiuz bac, svytac, joal juk pawc vtueq rullungx tvraungx lvmx tvkoc rvwvlc tvmaung lvmx htenc rueq nuimshiq kuex puingc taungx wvnc muq mruez shueq, honc lvmz hvt rvshuinz, rvmuq ngoz ruiux khac phox shuex Raungnuiyq kuex bix juimz yaq ikhoc nuimshiq htauk nuex huingc rvhet laz httuiuc wvnc tuex.


Nuimshiq rueq kvruex yaungx wvnc yaq lvmz lotlaz kuex lvy wvnc lot tvkoc hungc vlaungc lvp wvnc wuez shuinz, Miq Saz vruex htumc nuex khac phoc khvmc tvkoc jvp lot aungx yaq jix htenc yaungc wuez kuinz vjux thoz vtueq honc lvmz hvt rvshuinz,” ngoz tueq.


Vpiq rueq, “Yvmx ngoz tueq lac kvtsoalx kaz wuez tuinx? Kvtenc kuinz, mvyx tvy yaq kvyuq lomx muit tvkoc vjux thoz wuez shuinz,” ngoz tueq jungx tueq.


Nuimshiq nuex thuinz tvluimc juing httax yaq ningkhvnc nuex kokez wuez kuinz, kuilc daz rvhumc ruiux muinz nanx wvnc wuez shuinz, vjux thoz lvmz nuex mkaq muinz thauk muit maq thoz shuinz.


Kvruex yimaq kuex vtvsuip vkhing httuiuc wvnc tuex; kvkaq Christu rueq guimz lawc yaq siyac htenc, vrangx vpangx vhttax jix htenc nuiyc luimc vkawc vhttax jix htenc lotlaz kuex taungx gay ruiux, Mungtan kuex Vwaz Tishox yauk nuex lekuq gay shuex.


Kvkhoc rvtueq phunox bix lex, ngaz rueq vkhoc jungx kuq ix. Htvp htaz shec tueq vkhing kuex vyoalx dvyx shex, kvkhoc rvtueq miq lvmc yoalx waz muinz lvmc guez waz ikhoc dvyx mhttax kueq.


Tishox kox wawc romc kuy lvp wvnc shuinz, vjux thoz vtueq vruex lvmz lotlaz kuex shuimx wuez shuinz. Siyac rueq shunshvlx yaq rulc rv-ngvlc mkaq muinz vjux thoz shuinz. Kvkhoc rvtueq honc lvmx hvt httax kuinz, kvmc thuinz httax wuez kuinz, mkaq muinz Tishox miqsaz tvkoc vjux thoz wuez shuinz.


Nuimshiq thuinz vnyenz kuex miq lotlaz muex tvkhic shuinz. Taungjix httuiuc kaz yaq shex.


Thuinz luimx lilix maq vjux thoz wuez shuinz, vjux thoz shuinx nuex honc lvmz tharc svmz hvt maq Tishox muex kejux vyungx ngoz wuez shuinz.


Mnoz kuex yvmx khoc yaungc wvnc juing lvmx htenc rvhumc ruiux muinz mshauk pumz maq khvmc vtueq vkuilc vdaz kuex nanx shuiuz; Thuix Thaungx Vhvlx jungphvnc kuy yauk shuimc kuex shuimx shuiuz, Tishox nvrc waz vshiz ikhoc mnoz rueq gurc pic juing httax yaq lotlaz kuex shuimx kaz shuiuz.


Naungshiq kuex naungshiq muex yunghvlc Tishox nuiyc Palc Taungjix Yesu Christu ngauz vngax dungc wvnc tuex kejux Raungwuic kuex tvluimc bvmc vtueq, tvrac tvtsanc muq thuinz nuiyc mungkawx rvnphvnx thuinz kuex gay shec tvkoc muinz,


Vdvmz dvmz htunghtez rvtuimx htungx vlayx kuex wvyvmc rueq httvr gay yaq, naungshiq rueq kvkhoc kuex httvr gay miq maq httax wuez ix. Taungjix httuiuc kay yek Raungnuiyq vnyek shex kuex nuimshiq rueq tuiuz vshuinx ningkhvnc nuex, vdvmz dvmz pinhtumc hungc vlaungc rvkuy wuez ix.


kvkhoc shomc kuq tueq ngoz ruiux kuex, mungkawx tvdung phaungc tueq maq paunghvlc lauk thueyc khvmc juing rvkhvmz tueq. Kvkhoc tvraung, majuiuc kuex mungkawx htumx wvnc khvmkhvmz nuex laukshiz dvyx httuiuc kaz vtueq, vpiq thuiuzthuic kuex shomc kuq gay ruiux mvrax kuex tvsawc nawc hoal gay tueq.


Kvkhoc rvtueq nuimshiq rueq shuimc lvmc wvnc tvkoc nuimshiq thuinz vmungx htenc kuex tvyoalc wuez shuinz. Yesu Christu httuiuc kaz tuex nuex nuimshiq muex kuq shuex kejux kuex vruing raung thuinz vguez maq honc svmz hvt maq tvsawc ric thuinz tvluimc bvmc shuinz.


Kvrulc rv-ngvlc vtaungx waz rulx lex, miqmac taungnyuiuz tamx kuex hungc vlaungc vyomx rvtueq kuex tuiuz tay kuq vtueq nuimshiq taungnyuiuz tamx rulc httax ngaungc wuez kuinz. Tsuingshiq kuex tvtsanc nganc shuinz, yvmx khoc lac ngoz ruiux lec tsuingshiq muinz nuimshiq rulc rv-ngvlc Tishox kox wawc rullungx tsak vnyvmx yauk noalc lvp wvnc jix hez rvtueq. Vkhoc shuimx kaz shuinz, kvkhoc ngoz ruiux jix nuimshiq rueq vjux thoz shuinx kuex yvmx rueq muinz vtuing vshaung tvyaungc muq.


Nuimshiq honc svmz tharc lvmz hvt maq httax kuinz! Nuimshiq ralx waz ngoz yaq Htaungc waz kuex ukhaq lac yuk phauk gay lvp shaungx ngoz tueq huk hez yaq hangsic ikhoc kvroz khuemx yaq.


“Tay shuinz! Ngaz kuex vguiuq ikhoc httuiuc kaz taungx! Kvkhoc rvtueq sawkumx maq khuemshamx vtueq, miq htumc nuex yvlc svy rvhumc muq mruez kueq, kvtsaq hvt maq miqmac khoz vkhvy bvmc jix waz kuex thuinhvlx yaq.”


Síguenos en:

Anuncios


Anuncios


¡Síguenos en WhatsApp! Síguenos