Eleetalayi yan Fool akiicumuu Tit 1:12 - Jola-Kasa

¹² Akee li buko áami afulofet lahaale aan: «Kata Kilet kufinfin min kukaane kúmalamiñ, sínuukuleŋ sál̥afute, bukan káfal̥e kayinoole kameeŋen kalaku kooliil bale.»

Eleetalayi yan Fool akiicumuu Tit 1:12 Referencias Cruzadas

Bakaanelabu 17:28

mata: «Li okila lúbajumaamuu buloŋ, li unaak ugoloolaal, li óomiyaal bukan.» Mo foof kukee li kujuul̥a ukijenawu kooluul kulobumuu koon: «Olóli foof kuñoolool joom.»

Bakaanelabu 2:11

Babbaj to bukanabuku kafimmuu min kóomi Kusuwif, li bukanabuku kaŋa’muu bútinabu bata Kusuwifaku. Li baj bukan káfulumulo li etaamayi yata Kilet li yata Aalabi. Bale alolaal foofolaal feh lujamaaliijam li kulob, anoowan li elobayi yoola mata wahawu wáamakawu wan Ateemit akaanumuu.

Bakaanelabu 27:12

Kásikaku kujakut boot mata min jikaan to húl̥iyahu. Wahawu unwu újimuu bukan kameeŋe kalakomuu li ébatowayi, li koon jífu’ li kásikaku. Kufañeene min nokoo loon kayiliyeenuma, li jijow li kásikaku kata ésukayi yata Fóweniis jijow jikaan bo húl̥iyahu. Kásikaku kata Fóweniis ko kommuu kata étebelemukayi yata Kilet, ban li kujooŋoo Kúñum li Jalaŋ, li kujooŋoo foof Alool li Jalaŋ.

Bakaanelabu 27:13

Jílus jatiita lí jítoŋ jítekumul Kúñum, kafañumuu ejowayi li kuyinoo li koon fan kuyili kujow. Li kuñak hulankalahu min kujow li ébatowayi kukel̥el̥en katantaku kata Kilet.

Bakaanelabu 27:7

Muñeˈe ébatowayi li enaak etey jatiita jow baj kunak kafame. Li jinaaŋoojinaaŋoo, li jíliiŋ bújooŋoo ésukayi yata Sinid síniiloli bajame. Emmuu élusayi éhilolihi jijow haŋ máloyi jijuke ban jilakomuu ejowayi, li jíjowum Kaf Solimon jihaaŋ jilo kagebaku káfibomuu kata étebelemukayi yata Kilet.

Kata Lom 16:18

Bukan loon buko kulet li bulok boot li Kilisita ammuu Amaaŋenawu oololaal, bale boot li kalaku kooliil. Fan kunaak kuŋa’ kulim katiñowe, li balobe básuume min kubunt bukanabuku kahaasutumuu wahoowah.

Kata Fílib 3:19

Bukanabuku umbuku fan kubil kújim, mata kalaku kooliil kommuu ateemitawu ooliil. Kujoojok wahawu waateenumuu ukaaniil ñisuu loon kasal kooliil, ban li kunaak kuyinoo mata wahawu wata adunaaye bale.

1 Tímote 4:2

Fan kukat bukan kámale ban li kúhoolo min kújimeniil, bukan kan uyinumawu wooliil ukete loon eenimuu mañ máwake kuŋale min kúsu’ wó.

Eleetalayi yan Fool akiicumuu Tit 1:5

Likatikat li étebelemukayi yata Kilet, bánum li uhabel wahawu wasaŋomuu kakaan uwoogen, ban li ul̥us kunahaan kata ejangu li ésuk yanooyan. Uwayil̥o kulimaku kan ilobimuu.

2 Fiyeel 2:12

Bukanabuku umbuku kukaanekaan loon bukan kaakut uyinum, loon sínuukuleŋ sabukeyimuu boot jajok jow muk.

2 Fiyeel 2:15

Kúfuffu’ li bútinabu bacolumuu, min kujow kújim li bútinabu ban kunabumuu li bo bata Balam an Bosool abukumuu. Balam kucaamoocaam sídalam boot min akaan majakut, li aan éehe’,