Saak 4:1 - Jola-Kasa

¹ Kama wáa újimuu kutiikaku li úmuyawu li ubaj li bukuluul? Inti efammiñayi yooluul yakatutumuu katiikenuul éjimuu?

Saak 4:1 Referencias Cruzadas

Máciya 15:19

Mata li buyinumabu uyinoolawu wajakutaawu úfulumulemuu: jamuk bukan, kahinten anaale alet ooli, húfulo an an jiyabowut, ékuwet, émalimiñ, li kúloboo.

Hulimahu Hásuumaahu loon Saŋ akiic homuu 8:44

Atuubawuul akila ammuu Sayitaane, ban wahawu wan atuubawuul afañumuu, wo jifañumuu min jikaan. Okila yaan no li húkitumahu lafin láami amukabukan. Alakowut li mal̥egenamu, mata mal̥egen mulet li akila. Alakomuu émalamiñ, lalollob loon afinumuu min aano, mata okila ámalamiñ laam, ban okila ammuu atuubaawu ata émalimiñ.

Kata Lom 7:23

Bale lijuke kaanaku baje lí ínje eluwa yakee yatiiken eluwaayi yan buyinumabu búmbaam bufañumuu. Eluwaayi inyu ekaanonkaan ilako an an eluwaayi yata kahoofoolaku yammuu lí ínje, ejoke yooken.

Kata Lom 7:5

Li mal̥egenamu, nan unaake uloŋaalumuu loon ufañaalumuu, eluwaayi enaanaak eyitenul kásiibowaku kajakutumuu kata eniilayi yoololaal. Kásiibowaku unku li kújiwolaal li ukaanaal wah wáŋalewul eket.

Kata Lom 8:7

Wahawu unwu újimuu, bukanabuku kan kásiibowaku kata eniilayi kuhaŋumuu sembe kulatoola kata Ateemit koom. Kúkaaneliit loon eluwaayi yata Ateemit elobumuu, ban kufinut min kuyilo kukaan mo.

Kata Galasi 5:17

Li mal̥egenamu, wahawu wan eniilayi ésiibowemuu, úbute li wata Buyinumabu. Buyinumabu wahawu wan búsiibowemuu úbute li wata eniilayi. Buyinumabu búbutoobutoo ŋáa’ li eniilayi. Wahawu unwu újimuu, jiyilaat jinaak jikaan loon súumuulumuu.

Kata Kolos 3:5

Kama muñeˈe jífulen wahawu wáamimuu li buloŋuul wata etaamaye loon: kahinto li aletalet, kákaanikoo, kamelo wah kajakut, kásiibo wah kajakut, li efañ sídalam yammuu kamanen ateemit alet mal̥egen.

2 Tímote 2:23

Utey búwonnoolabu babajutumuu jáliŋ ban li busoŋet. Luhaase oon búŋaluleŋalul úmuy.

Eleetalayi yan Fool akiicumuu Tit 3:3

Li mal̥egenamu, alolaal foof lulakowaalako no bukan kahaasut wahoowah, kátuulut Ateemit, li bukan kájime. Lulakowaalako no emiikeel yata kásiibo li kásuum kanookan, ban li uloŋaal no buloŋ bata búl̥afut li kásiibo, min ukaanoolowaal no bukan kajakut majak, ban li uhoyoolaal.

Eleetalayi yan Fool akiicumuu Tit 3:9

Bale awu utey búwonnoolabu basoŋetaabu li elob mata uland, búceeŋoo li búwonnoo mata eluwaayi: wahawu unwu ubajut jáliŋ, ban bul̥uuhoo.

Saak 1:14

Bale an, kásiibowool wah kajakut kújiyewoolumuu li alo li jabunt.

Saak 4:3

Li jibil jil̥aw wah let jibaj wo, mata jíl̥aweliit li kayinoo kajake, ban wahawu wan jil̥awemuu fan jiŋa’ wo min jibaj wahawu wásuumuulumuu.

1 Fiyeel 1:14

Joote jítuul Ateemit loon bañiil batit, ban jakum jinab li kásiibowaku kooluul kata naanaŋ, nan jihaasut nomuu wahoowah.

1 Fiyeel 2:11

Kutuyom kan iboolaat, ínje ummu li kawunkulenuul bukuluul janokoomuu loon kuñaahoola li ejawoola li etaamaye, min jitey kásiibowaku kata siniilasu sooluul kammuu li katiiken saalasu sooluul.

2 Fiyeel 2:18

Fan kunaak kulob kulim káamak kata bul̥uuhoo bale, ban li kunaak kuŋa’ kásiibowaku kooliil kajakutumuu li bakaanelabu booliil basuunenimuu, min kubuut bukanabuku kakitemuu li kúfakumul li tut bukanabuku kammuu li buloŋ balet li mal̥egen.

2 Fiyeel 3:3

Joote jijand jihaas kaanaku, li kunakaku kúbanumaku fan baj bukan káami li kúfulul ban fan kunaak kuloŋ naboo li kásiibowaku kooliil. Fan kunaak kujakakaayuul,