Saak 3:9 - Jola-Kasa

⁹ Húlellufahu luŋalaalemuu min usalaal Ateemit ammuu Amaaŋenawu oololaal, li Atuubawoolaal. Ho foof luŋalaalemuu min ulobaal majakut uyawaal li bukanabuku, kan Ateemit áwuwenumuu kunokoo li akila humumool.

Saak 3:9 Referencias Cruzadas

Máciya 26:74

Muñeˈe Fiyeel li anuu wah wajakut aya li akila humumool aan: — Ihaasut ánayinaawu ummu! Muñeˈe nan alobumuu loon muñowu, káyin li kuyaan kul̥ok.

Máciya 5:44

Bale ínje li eenuul, jifañ kulatoolawuul, ban li jil̥aw boot li kálaatenewuulumuu.

Bakaanelabu 2:26

Wahawu unwu újimuu ésuumahukow li yoono li buyinumom. Ban kulim kata ésuumansuum li kúfulumul li butumom. Ban muñeˈe, maayeet eniilayi yúmbaam yammuu li eket, fan eyool̥o li kákangum ló.

Kata Lom 3:14

Utumawu wooliil li umeeŋ kulim kajakut, kulim kásuumut bajam maayeet.

1 Kata Koolent 11:7

Anáyine áatut ásoolo, mata akila ammuu kambuwaku kata Ateemit li máyiineniyamu moola. Bale anaalaawu akila ammuu máyiineniyamu mata ánayinaawu.

Kata Efées 1:3

Usalaal Ateemit! Okila ammuu Atuubaawu ata Amaaŋenawu. Lakaanolaakaan min ubajaal kásooniyen kanookan feh kata Buyinumabu haatiya li emitayi, humum hata hujokoolahu hoololaal li Kilisita.

Saak 1:27

Buloŋabu ban Ateemit Atuubaawu afañumuu, boote bulako li mal̥egen buloŋ banabe. Bo bommuu: kalamben bañiil búkat, li kanaalaabuku kahokumuu kúyiniil ban li kóomi li sílaam, kahoy wahawu wajakutumuu wata adunaayi.

Saak 3:10

Li butumabu banolabu, kulim kata kásooniyen li kulim kajakut kúfulumule ló. Kutuyom, wahawu unwu wootut ubaj.

1 Fiyeel 1:3

Kasal kujow kulako li Ateemit ammuu Atuubaawu ata Amaaŋenawu kata mal̥egen,