Saak 3:6 - Jola-Kasa

⁶ Húlelluf foof sambun. Li ho majakutamu múfulumulemuu. Ban li húginnoo li wah waawu feh wammuu li eniilayi, min hunaak husik eniilayi feh. Húlellufahu fan huyaben sambun li buloŋabu boololaal foof bo feh, nan ommuu ubukaali boot yok nan ommuu uketaal. Sambunasu unsu, li sambunasu humum so sáhokoweliitumuu sata sílaamasu sibilumulo.

Saak 3:6 Referencias Cruzadas

Máciya 12:24

Bale nan Kufaaliisiyeŋaku kujamumuu loon muñaˈa li koon: — Anáyinaawu ummu li búkaanum bata Bélusebul, ammuu anahaanawu ata uyinumawu wajakutaawu, lákesoolumemuu uyinumawu wajakutaawu úfu’ li bukanabuku kan újufomuu.

Máciya 5:22

Bale ínje fan eenuul, an awuñetumuu atuyool, fan atiibi. An aanumuu atuyool «esoŋaye,» fan ájowetumi bata Huhaanaahu hata kutiibaaku. Ban an aanumuu foof atuyool, «buwelabe!», latooke min abeteni li sambun.

Maak 7:15

Inti wah wan an atiñe, wo woote úji li eeni lasikosiko hákil Ateemit. Bale wahawu wan an alobemuu li wan akaanemuu, wo újiyemuu li eeni lasikosiko. [

Hulimahu Hásuumaahu loon Lík akiic homuu 16:24

Muñeˈe ánayinaawu abajaawu li alob butiya aan: «Faafa Abulaham, úyiyenom! Uboñ Laasaal ajow aŋa’ élawulayi yata husiikool ágolul mal, abil asenom íbuken húlellufom, mata ínje umme li sílaam sáamak li sambunasu unse.»

Bakaanelabu 20:30

Fan baj maayeet li bukuluul bukan káami li kunaak kúmal, min kuñak kúgoomaku kunab li buko.

Bakaanelabu 5:3

Bale Fiyeel li aanool: — Ananiyaas, kama wáa újiye Sayitaane li anokeni li buyinum, min úmal usen Buyinumabu Banabaabu? Luŋaŋŋa’ bugeb bakee bata sídalamasu sata etaamayi yan újulamuu.

Bakaanelabu 6:13

Li kulaañen foof kúŋalul bukan, kanaake kúmal kuya li Ecen koon: — Anáyinaawu ummu akatut elob kulim kajakut aya li eluufayi yata Ateemit yanabaayi, li eluwaayi yata Móyiis!

Eleetalayi yan Fool akiicumuu Tit 1:11

Jakum ukatiil min kúlobul. Mata kumbuku min kúguul̥emuu utoŋ feh, li baliikene ban kooteenut kuliiken bukanabuku. Ban kukankaan mo mantee li kúbajum tó wah suuneni loon makee.

Saak 2:7

Inti buko kugelemuu Kajawaku kajakaaku kan Ateemit asenuumuu?

Saak 3:7

An layilo ajok bánuukuleŋabu feh aku’, bata li bujal, basuuwabu, sinuukayilaasu, li siwolasu. Ban li mal̥egenamu, lafinfin min ajok so feh aku’.

2 Fiyeel 3:3

Joote jijand jihaas kaanaku, li kunakaku kúbanumaku fan baj bukan káami li kúfulul ban fan kunaak kuloŋ naboo li kásiibowaku kooliil. Fan kunaak kujakakaayuul,

3 Saŋ 1:10

Mó mújimuu nan emmuu li ibil, fan ilobuul majakutamu feh man akaanumuu, li kulimaku kajakutumuu kan alobumuu aya li alolaal. Bale wahawu unwu feh ufitutool: li ahoy bayab kutuyolaal kabilumuu, ban kafañeenumuu kuyabiil li amit áhiliil kúyabumiil, min akesooliil kúfu’ li ejanguwayi.

Búhiisenumabu 12:9

Li kúbetenul hújunfuulahu unhu háamakahu tíyaŋ. Yo yommuu enuukayilaayi ehaanayi yan koonemuu foof Ammalawu mantee foof Sayitaane, abuntemuu adunaayi feh. Li kúbetenulool li etaamayi boot li kumalakaaku koola ló.

Búhiisenumabu 13:14

Li enaak eŋa’ búhiisenumabu bájaahaleniyaabu ban eyilimuu ekaan hákil énuukuleŋayi yátinaalayi, min éjimen bukanabuku kakinumuu li etaamayi. Li yoon bukanabuku kukaan ebaaŋoot yata énuukuleŋayi yátinaalayi, yan ékunduwayi ecokumuu ban lí yóomi li buloŋ.

Búhiisenumabu 18:23

Ehiitum let elaañen ewuŋen booli. An foof let alaañen ajam booli hulim hata bukan kakite li kuyabo. Mata kújulawaabuku kooli kulakomuu bukanabuku káamakabuku kata etaamayi, ban li unaak ukaan jángafayinde, min ubunt bukanabuku kata sihetasu feh.

Búhiisenumabu 19:20

Muñeˈe li kujok énuukuleŋayi yákoyileniyaayi li anawu ámalumuu aan afulofet laam, anaake akaanumuu wah wájaahaleniye hákil énuukuleŋayi, min abunt bukanabuku kabajumuu húlangumaasowahu hata énuukuleŋayi, ban li kunaak kumanen kambuwaku kata yo. Li kubeten li buwokaay bata sambunasu li bata batolokabu básoyimuu ŋáa’, énuukuleŋayi li anawu ámalumuu aan afulofet laam, maloŋe.