Saak 3:13 - Jola-Kasa

¹³ Mantee baje li bukuluul an ájallowe ban li atuuko? Nokoomuu loon baje, kama anawu ummu laate áhiis bújallowabu boola, li butuukowabu boola li makaanelool majake, makaani li kabeben kabilumulo li bújallo.

Saak 3:13 Referencias Cruzadas

Máciya 11:29

Jítuulom, ban li jiliikenum lí ínje. Mata likankaan an ájoobiye buyinum, an atebenoolowut. Jikaan momuu fan jibaj kayool̥o.

Máciya 21:5

«Joon kata Siyoŋ: “Jijuke, áyiiyawu ooluul ummu li ebil boot booluul, ájoobiye buyinum, malemboole li asum aale, li hulaaha hata asum, hubuk hata asum aale.”»

Máciya 5:5

Awólo, kata uyinum wájoobiye, mata Ateemit fan abil aseniil etaamayi kutowo.

Máciya 7:24

— Mó mújimuu, an ajamumuu kulimaku kúmbaam unku, ban li akaan loon ilobumuu, lanokoonokoo li an ájallowe, ateefe eluufayi yoola tin l̥aal̥e.

1 Kata Koolent 6:5

Lilollob mo boot li ñisuu ñooluul. Waa hinut baj li bukuluul an ájallowe ayilo akaan bukan li bukuluul kámuye min kujamoo?

2 Kata Koolent 10:1

Injé Fool, boot min íjowum li májoobi buyinumabu li másuumamu mata Kilisita, min il̥awuul ínje humumom an koonumuu ilakomuu li bukuluul, li ilulenoo tuy, bale íloyiyuulumuu, li ikit ílobuluul kulim kal̥aal̥e.

2 Kata Koolent 8:24

Kama jíhiisiil kaanaku jíbooliyiibooli li mal̥egen, min sijanguwasu síyinen, ban li sihaas soon min áloli jibajumuu ésuumansuum li bukuluul, jikooŋe.

Kata Galasi 5:23

kájoobi buyinum, li hujokoo. Wahawu unwu feh, eluwaayi éhilut wó.

Kata Galasi 6:1

Kutuyom, nokoomuu loon an li bukuluul kujoke akila li kakaan wah wajakut, bukuluul jan Buyinumabu bata Ateemit bucolenemuu, li jílaañenulool li bútin bacole, ban li jikaan mo li buyinum bájoobiye. Ban di úkaanum, jakum bil awu humumi foof ulo li jabuutoo.

Kata Galasi 6:4

Anoowan laate ajuke makaanelamu moola. Ajuk tomuu wah wayilo újiwool li asaloolo, kama akila humumool li asaloolo, ban jakum akittenoolum li wah wan akee akaane.

Kata Efées 4:2

Jiwalenoolo, ban li jíjoobi uyinum, ban foof li jiyili hujokoo min jinaak jímuñoo li húbooli ló.

Kata Fílib 1:27

Bale lil̥awuul min jiloŋ hákil ésukayi feh loon Hulimahu Hásuumaahu hata Kilisita hulobumuu, mantee ibilumuu bóoluuloo li íbilaatiwoo, li ijam mooluul kaanaku jítuutuk lit, ban li jibaj kayinoo kano, min jikaan uyinumuul tin tano min jitaj mantee bukanabuku kujamumuu Hulimahu Hásuumaahu li kúyinen.

Kata Kolos 3:12

Muñeˈe bukuluul bukan kata Ateemit. Ateemit lal̥usuul̥us ban li afañuul. Wahawu unwu újimuu kama joote jilako bukan káyiyene bukan, bukan kásuume, bukan kawalenoolowe, bukan kájoobiye uyinum li bukan kayilo húmuñ.

1 Tímote 4:12

Jakum ukat an min abesi mata min ommuu áfu’, bale ulako bukittenoolum boot li káyinenumuu, li malobelamu mooli, li makaanelamu mooli, li húbooliyahu hooli, li káyinenaku kooli li manabamu mooli.

1 Tímote 6:11

Bale awu, ammuu an ata Ateemit, utey wahawu unwu feh. Uŋes min ulako an acole, an átuke li Ateemit, an ata káyinen, an ata húbooli, an ayilo húmuñ li an ájoobiye buyinum.

2 Tímote 2:25

Laate abeben min aliiken bukanabuku káhoogulemuu mal̥egenamu: nakee Ateemit li aseniil bútin min kubaj kayinoo kábuto ban li kuhaas mal̥egenamu;

Eleetalayi yan Fool akiicumuu Tit 3:2

Jakum kulob majakut kuya li an. Kootut kunaak kúmuyiten bukan, ban koote kukaan bukan kásuume. Koote kulako bukan kájoobiye uyinum nanoonan hákil bukanabuku feh.

Eébulo 13:5

Jakum efañ sídalam elako li baloŋelabu booluul. Jiluuken wahawu wan jibajumuu, mata Ateemit laane: «Kaan min kaane, let ibeti búsol, let ikati bo.»

Saak 1:21

Mó mújimuu kama joote jífulen makaane manooman majakut, li búl̥afutabu basaŋomuu li bukuluul. Ban li jiwalenoolo, min jiyab hulimahu han Ateemit akaanumuu li uyinumawu wooluul, hayilimuu hufakenuul.

Saak 2:18

Bale akee fan aan: «Awu lubaje káyinen, ínje li ibaj makaane majake. Muñeˈe kama úhiisom buu luyilo ubaj káyinen ko banaboolut li makaane majake, mín ínje íhiisi káyinenaku kúmbaam li makaanelom majake.»

Saak 3:1

Kutuyom, jakum bukan kameeŋe li bukuluul kulako kuliikena kata Hulimahu. Mata jihaase joon áloli jammuu kuliikena Hulimahu, Ateemit fan bil átiiboli haŋ másengi bukan kaabuku.

Saak 3:17

Bale an abaje bújallowabu babilumulomuu haatiya lajanjand anab, ban li akaan an ata kásuumaay, li ájoobi buyinum ban li ásuum elob miñ, li ayili káyiyen an ban li anaak akaan majake bale. An abaje bújallowabu umbu ájukeleliit li buul ban abajut búhoolo banooban.

1 Fiyeel 1:15

Loon Ateemit ahooñuulumuu Anabumuu, bukuluul foof joote jilako bukan kanabe li bakaanelabu booluul feh.

1 Fiyeel 2:12

Jiloŋ buloŋ bajake hákil bukanabuku kákaanumutumuu li Ateemit balewool, mantee maayeet min kukite kúlobooluul min koon bukuluul bukan kajakut, li kujuk bakaanelabu booluul bajakaabu, min kújowum tó kusal Ateemit li hunakahu nan ammuu li abil.

1 Fiyeel 2:9

Bale bukuluul, bukuluul jommuu bukanabuku kal̥usimuu, kúlambaaku kata Ayíiyawu, ésukayi yanabaayi, bukanabuku kata Ateemit. Lí élimayi láhooñumuluul jibil jilako li mawuŋaamu moola máyiineniyaamu, boot kayiiŋen wahawu wan akaanumuu wajakumuu majak.

1 Fiyeel 3:4

bale moote mulako majak mata káta láala buyinumabu booluul, mammuu majak mayilaat mukajen, mata buyinum bájoobiye li básuume. Majakamu ummu mubajumuu jáliŋ ŋáa’ hákil Ateemit.