Saak 2:25 - Jola-Kasa

²⁵ Manolamu foof li Lahab, anaake ahintomuu li kánayinaaku min kucaamool. Makaanelool majake mújimuu Ateemit li ajokool an acole, mata min ayabumuu jak bukanabuku kata Isilayeel kan kuboñumuu, ban li akaaniil kújowum li bútin bukee.

Saak 2:25 Referencias Cruzadas

Máciya 1:5

Salimoŋ li abuk Bóos. Jaaw ata Bóos kajawool Lahab. Bóos li abuk Obed. Jaaw ata Obed kajawool Lút. Obed li abuk Isay (Jes).

Máciya 21:31

Muñowu ayi li buko kúl̥uba akaanumuu wahawu wan atuubawool afañumuu? Li koonool: — Atínaalawu. Yéesu li aaniil: — Li mal̥egenamu fan ilobuul, bukanabuku kayabemuu búhal li bukanabuku káfulowe bomuu muñaˈa fan kujanduul kunoken li Jáyiiyaju jata Ateemit.

Bakaanelabu 17:7

Saasoŋ li ayabiil boola! Bukanabuku umbuku feh kúhooguuhoogul siluwaasu sata áyiiyawu áamakawu, mata konsoon baje áyii akee an koone Yéesu.

Eébulo 11:31

Káyinen kújimuu Lahab, anaake áfulomuu li aletalet, aketoolut li bukanabuku kátuulutumuu Ateemit, mata layayyab li kásuumaay bukanabuku kajowumuu kujukul etaamayi.

Saak 2:18

Bale akee fan aan: «Awu lubaje káyinen, ínje li ibaj makaane majake. Muñeˈe kama úhiisom buu luyilo ubaj káyinen ko banaboolut li makaane majake, mín ínje íhiisi káyinenaku kúmbaam li makaanelom majake.»

Saak 2:22

Inti lujuke? Káyinenaku koola kunaboonaboo li makaanelool majake. Ban makaanelool majake mújimuu káyinenaku koola li kunab.

Saak 2:24

Muñeˈe jijuke, an li makaanelool majake láanumi lacoccol, inti li káyinenool bale.