Saak 1:6 - Jola-Kasa

⁶ Bale anawu ummu laate al̥aw Ateemit bújallowabu umbu, ban li áyinen kaanaku fan abaj bo, akila báwettoolut. Mata an al̥awumuu wah Ateemit li káwettoo ló, anawu ummu lanokoonokoo li hulambaj hata husamu, han élusayi étekewulumuu, li etuuñen ho hulaañ baabe li hulaañ baaba.

Saak 1:6 Referencias Cruzadas

Máciya 14:28

Muñeˈe Fiyeel li aanool: — Amaaŋen, nokoomuu loon mal̥egen awu, kama ulobom min ibilum li malamu li koot boot buya.

Bakaanelabu 10:20

Uyito uwalo min ujow jinaboo, ban jakum úwettoo, mata ínje íboñuliil.

Kata Efées 4:14

Muñeˈe let ulaañaal ulakowaal bañiil batit, let unokoolaal loon busaana ban búlus bútekewulumuu, kuyammalaku kata halahu li kutuuñen bo bulaañ baabe li baaba. Bukanabuku katuukomuu ban li kunaak kaliiken bukan wah wata émalimiñ, let kuyili kubuntolaal min kukaanolaal úyinenaal wah walet mal̥egen.

1 Tímote 2:8

Lifañe kama tanootan feh, kánayinaabuku li kuteb kuŋeniil kanabe min kul̥aw, ban jakum kukaan mo li etindihuuñ ló mantee foof li búñakoo kulim ló.

Eébulo 10:23

Utúkaal lit kákangumaku kan ulobaalemuu mata ko, ban jakum úyekowaal, mata Ateemit aanumuu fan akaan wah, luyilo úwooluwaalool.

Eébulo 11:6

An ayilaat ásuum Ateemit okila babajut káyinen. Li mal̥egenamu, an afañumuu min aloh Ateemit, laate áyinen kaanaku Ateemit lababbaj, ban li ahaas aan lasuuhenesuuhen bukanabuku kammuu li huŋesahu hoola.

Eébulo 13:9

Jakum jikat baliikene banooban babilumulo tíyaŋ, min bújimenuul. Jaajak min kájiyaku kata Ateemit kuliten buyinumabu booluul, bale let uŋoon wata mata mutiñaay, wabajutumuu jáliŋ yanooyan boot li bukanabuku kanabemuu li wo.

Saak 1:7

An loon muñaˈa jakum ayinoo li aan, fan al̥aw wah Amaaŋenawu, li abaj wo.

Saak 5:15

Kunahaanaku kata ejanguwayi kúyinenumuu kaanaku anawu ummu ásomutumuu fan afak, mal̥egen fan afak. Ban Amaaŋenawu fan asenool kásuumaay. Ban foof nokoomuu loon lakankaan kahoofoo, Ateemit fan abonketool ko.

2 Fiyeel 2:17

Bukanabuku umbu kunokoonokoo loon úbulen wasaye, li kunokoo foof loon ufaal wan búlus báamak butuuñene buwujetum. Ateemit lakatiikat to boot min abil akaaniil li élimayi yahaŋumuu malako tifij.