Saak 1:22 - Jola-Kasa

²² Bale jakum jibuntoolo, li kajanten hulimahu hata Ateemit bale, ban let jikaan loon hulobumuu.

Saak 1:22 Referencias Cruzadas

Máciya 12:50

Mata an akaanumuu loon Atuubawom ammuu haatiya afañumuu, anawu ummu ammuu atuyom, áliinom, li jaawom.

Máciya 28:20

Jiliikeniil kátuul kulimaku feh kan ilobuulumuu. Jihaas joon ínje humumom ummu li bukuluul nanoonan boot yok nan adunaayi yommuu li eban.

Hulimahu Hásuumaahu loon Lík akiic homuu 11:28

Yéesu li aanool: — Oon maa, áwolo bukanabuku kajantenemuu Hulimahu hata Ateemit ban li kukaan loon hulobumuu.

Hulimahu Hásuumaahu loon Saŋ akiic homuu 13:17

Muñeˈe emmuu jihaase wahawu unwu, áwolowuul bukuluul bakaane wo loon íhiisuul womuu.

Kata Lom 2:13

Let bukanabuku kajantenemuu bale waa eluwaayi elobe kommuu bukan kacole hákil Ateemit, bale bukanabuku kajantene yomuu ban li kukaan loon elobumuu, buko kommuu bukan kacole hákilool.

1 Kata Koolent 15:33

Jakum jibuntoolo: «Kanaboo li bukan kajakut, lakajenekajen an ajake.»

1 Kata Koolent 3:18

Jakum an li bukuluul abuntoolo. An li bukuluul ayinoomuu li aan lababbaj bújallowabu bata adunaayi inye, laate kama alaañenoolo an awele, bánum li alako li mal̥egen an ájallowe,

1 Kata Koolent 6:9

Kama jihaasut joon bukanabuku kakaanemuu majakut let kunoken li Jáyiiyaju jata Ateemit? Jakum jibuntoolo: káfulowemuu li aletalet, kamanenemuu kuteemit kalet mal̥egen, kahintowemuu li bukan kan kuyabowut, kánayinaabuku kahintenemuu kufaaliil kánayine,

Kata Galasi 6:3

An ayinoomuu li aan akila an áamak laam, ban kama alet wahoowah, anawu ummu okila abuntoolowe.

Kata Galasi 6:7

Jakum jibuntoolo, Ateemit let akat an min ajokool loon esoŋ. Li mal̥egenamu, wah wan an awañe, wo foof láamimuu li acac.

Kata Fílib 4:8

Kutuyom, hulimom húbanum ho hommuu jiŋa’ uyinumuul feh jikaan li wahoowah feh wajake li watooke kasal: li wahoowah feh wata mal̥egen, li wahoowah feh waluukeni, li wahoowah feh wacole, li wahoowah feh wanabe, li wahoowah feh wásuume li wáyiineniye.

Kata Kolos 3:17

Wahoowah feh wan jikaane, lako li malobe mantee foof li makaane, jikaan wo li kajaw kata Amaaŋenawu Yéesu, min jísalum li akila Ateemit Atuubaawu.

2 Tímote 3:13

Bukanabuku kál̥afutumuu li kagisaaneyemuu fan kunaak kuhaŋ makaan nanoonan majakut. Fan kunaak kubunt kaabuku, ban buko humumiil bukanabuku li kunaak kubuntiil.

Eleetalayi yan Fool akiicumuu Tit 3:3

Li mal̥egenamu, alolaal foof lulakowaalako no bukan kahaasut wahoowah, kátuulut Ateemit, li bukan kájime. Lulakowaalako no emiikeel yata kásiibo li kásuum kanookan, ban li uloŋaal no buloŋ bata búl̥afut li kásiibo, min ukaanoolowaal no bukan kajakut majak, ban li uhoyoolaal.

Saak 1:26

An ayinoomuu li aan ummu li bulok li mal̥egen boot li Ateemit, ban ayilaat ákaanum buu lalobemuu, wahoowah wan anawu ummu akaane hin kakaal̥o.

Saak 4:11

Kutuyom, jakum an alob majakut aya li afaalool. An alobumuu majakut aya li afaalool mantee foof li atiibool, anawu ummu majakut lalobe aya li eluwaayi, ban yo foof latiibe. Imban utiibumuu eluwaayi, ulet an akaane loon eluwaayi elobumuu, bale atiiba ata yo loom.

Saak 4:17

Mó mújimuu, an ahaasumuu kakaan majake, ban akaanut mo, anawu ummu lakaane kahoofoo.

2 Fiyeel 2:13

Wahawu wan kukaanumuu wajakutumuu, fan kubaj bacaamabu bata wo. Fan súumiil ŋáa’ min kukaan wahawu wan kúsiibomuu wajakutumuu, tihunak jay. Suunenisuuneni ŋáa’ ban li kaan búyiik, buko babile kutiñ dín dáno li bukuluul li búhoolowabu booliil ló.

1 Saŋ 1:8

Oonaamuu ubajutaal kahoofoo, lubuntoolowaale ololaal humumolaal, ban mal̥egenamu mulet li alolaal.

1 Saŋ 2:3

Ukaanumuu loon siluwaasu soola silobumuu, tó lóotumaalumuu uhaasaal kaanaku luhaasaaloohaas.

1 Saŋ 3:7

Kuñoolom, jíkaanum, jakum an abuntuul. An akaane wah wacole, lakankaan an acole loon Kilisita humumool akaanumuu an acole.

3 Saŋ 1:11

Atuyom an iboolaat, jakum uliikoo li wah wajakut, bale uliikoo li wah wajake. An akaane majake, Ateemit akilool, bale an akaane majakut, ahaasut Ateemit.

Búhiisenumabu 12:9

Li kúbetenul hújunfuulahu unhu háamakahu tíyaŋ. Yo yommuu enuukayilaayi ehaanayi yan koonemuu foof Ammalawu mantee foof Sayitaane, abuntemuu adunaayi feh. Li kúbetenulool li etaamayi boot li kumalakaaku koola ló.

Búhiisenumabu 22:7

Yéesu li aan: — Ujanten, muñeˈe li ibil! Awólo anawu ammuu li átuk jak kulimaku kabilummuu li Ateemit, kammuu li éliibalayi inyu.