Saak 1:17 - Jola-Kasa

¹⁷ Mata busuuhen bajake li káji kanabe li emitayi ubilumule. Bata Ateemit Atuubaawu úwalowumulo, an emmuu mawuŋe manooman li akila mubilumulo. Ateemit akila anolawu boot nanoonan, ban élim elet li akila mata ábutooleliit.

Saak 1:17 Referencias Cruzadas

Máciya 7:11

Fan bukuluul jajakutumuu jihaase kasen wah wajake kuñooluul, kama háŋum Atuubawuul ammuu haatiya. Fan asen wah wajake bukanabuku kammuu kul̥awool wo!

Hulimahu Hásuumaahu loon Lík akiic homuu 11:13

Fan bukuluul jajakut muñowu, jiyilo jisen wah wajake bañooluul, kama háŋum Atuubawuul ata haatiya? Okila fan asen Buyinumabu Banabaabu bukanabuku kammuu li kul̥awool bo!»

Hulimahu Hásuumaahu loon Saŋ akiic homuu 1:9

Mawuŋaamu ummu, mo bale mommuu mawuŋe mata mal̥egen, mabilumuu li adunaayi min muwuŋen bukanabuku feh.

Hulimahu Hásuumaahu loon Saŋ akiic homuu 3:27

Saŋ li aaniil: — An ayilaat abaj wah Ateemit basenutool wo.

Hulimahu Hásuumaahu loon Saŋ akiic homuu 3:3

Yéesu li aanool: — Li mal̥egenamu fan ilobi: an ayilaat ajuk Jáyiiyaju jata Ateemit, akila balaañenut abuki.

Hulimahu Hásuumaahu loon Saŋ akiic homuu 8:12

Yéesu li alaañen alob li búsukabu aaniil: — Injé emmuu mawuŋaamu mata adunaayi. An anabumuu lí ínje fan abaj mawuŋaamu mata buloŋabu, ban let ájowum li élim maayeet.

Bakaanelabu 11:18

Muñeˈe nan kujamumuu kulimaku unku, li kulu min kukit kusal Ateemit koon: «Kama mal̥egen, Ateemit lakankaan bukanabuku kákaanumutumuu li akila balewool, min kubet búsol baloŋelabu booliil buhaanabu, min kútiiwo kuŋa’ buloŋabu bata mal̥egen.»

Bakaanelabu 5:31

Ateemit li ateben Yéesu, ban li aŋalool akaan kaŋen kúli. Li akaanool alako Anahaan áamak li Afakena, bájum kata Isilayeel li kuyili kútiiwo kuŋa’ buloŋ bawunkul, min uhoofoolawu wooliil ubonketi.

Kata Lom 6:23

Li mal̥egenamu, bacaamabu bata kahoofoolaku bo bommuu eketayi, bale kájiyaku kan Ateemit asenumuu montoŋ ko kommuu buloŋabu bábaneliitumuu li Yéesu Kilisita ammuu Amaaŋenawu oololaal.

1 Kata Koolent 4:7

Kama ayimaa akaani uhaŋ kaabuku? Waa lubaje wan Ateemit asenuti? Ban nokoomuu loon wahawu wan ubajumuu kusenisen wo, wáa lí úji lí óoti uteben ubandi loon eenimuu wah wan kusenuti?

2 Kata Koolent 4:6

Li mal̥egenamu, Ateemit aanumuu: «Mawuŋaamu mujow muwuŋen li élimayi!», okila humumool ahiitenumuu uyinumawu wóololi, min ákaanoli jihaas kaleñaku kata máyiineniyamu moola li buulabu bata Kilisita.

Kata Efées 1:18

Lil̥awe mantee Ateemit li ahiiten uyinumawu wooluul, min jínaanum húkangumahu han asenuulumuu nan ahooñuulumuu, ban li jíhaasum tó foof buu wahawu wan Ateemit alobumuu kasen bukanabuku koola, utiinenimuu eeno.

Kata Efées 2:8

Li mal̥egenamu, másuumamu mata Ateemit mújiwuul li jifak, jówum li káyinenaku kooluul li Kilisita. Bilumut li bukuluul, laalu búsenum bata Ateemit.

Kata Fílib 1:29

Li mal̥egenamu, Ateemit lasenuusen káji kata min jíyinen li Kilisita, bale foof min jílaam boot li akila.

1 Tímote 6:16

Akila bale ayilaatumuu aket, akinumuu li mawuŋe dán an ayilaat ajow. Bajut an abile ajukool, ban an ayilaatool ajuk. Kábinkenaku li sembaasu sijow silako soola boot nanoonan! Aameen.

Eébulo 13:8

Yéesu Kilisita, okila anolawu huken, síyaat ban boot nanoonan.

Saak 1:5

Bale nokoomuu loon, akee li bukuluul abajut bújallo, laate al̥aw Ateemit min asenool bo. Ban al̥awoolumuu bújallowabu, fan asenool bo li buyinum básuume, mata Ateemit átaleneliit an átowum asenool wah.

Saak 3:15

Bújallo loon umbu inti li emitayi bubilumulo. Laalu bújallo bata adunaaye, bata hin bóono bata an, babilimulo li Sayitaane.

Saak 3:17

Bale an abaje bújallowabu babilumulomuu haatiya lajanjand anab, ban li akaan an ata kásuumaay, li ájoobi buyinum ban li ásuum elob miñ, li ayili káyiyen an ban li anaak akaan majake bale. An abaje bújallowabu umbu ájukeleliit li buul ban abajut búhoolo banooban.

1 Saŋ 1:5

Ateemit mawuŋe. Bajut élim yanooyan li akila. Hulimahu unhu áloli jíjamummuu li Yéesu Kilisita, han jóomimuu li elobuul.

1 Saŋ 4:10

Húbooliyahu ho hommuu unhe: inti ololaal úbooliyaale Ateemit, bale akila humumool ábooliwolaal, ban li áboñul Añoolool abil asen buloŋool bulako kasila min uhoofoolawu woololaal ubonketi.

Búhiisenumabu 21:23

Esúkayi inyu esohulawut min banak buwuŋen yo, mantee foof min hul̥eeñahu huwuŋen yo, mata máyiineniyamu mata Ateemit muhiitene yo, ban Agálalaanawu li alako ehiitumayi yata yo.

Búhiisenumabu 22:5

Ehuka let elaañ ebaj ló. Let kulaañen kusohula mawuŋe mata ehiitum li mata banakabu, mata Amaaŋenawu Ateemit fan awuŋeniil, ban li kulako kúyii boot nanoonan.