Saak 1:14 - Jola-Kasa

¹⁴ Bale an, kásiibowool wah kajakut kújiyewoolumuu li alo li jabunt.

Saak 1:14 Referencias Cruzadas

Máciya 15:18

Bale wah wáfulumulo li butum li buyinumabu ubilume, ban wahawu unwu ukaanemuu an min eeni lasikosiko hákil Ateemit.

Máciya 15:20

Wahawu unwu ukaanemuu an min eeni lasikosiko hákil Ateemit, bale inti hutiñ bafosut kuŋen.

Máciya 4:1

Muñeˈe Buyinumabu Banabaabu li bújowetum Yéesu boot li kayiinaayaku, bájum Sayitaane li abuntoolool bo.

Máciya 5:28

Bale ínje boot min eenuul, ánayine ajukelumuu anaale ban li ásiibowool, layaane ahinten anaalaawu ummu aban li buyinumool.

Kata Lom 7:11

Li mal̥egenamu, kahoofoolaku li kújowum li eluwaayi min kubuntom ban li kumukumom li yo.

Kata Lom 7:13

Kama wahawu wajakumuu ulanlaañ wóoti újiwom li iket? Maayeet! Kahoofoolaku kújiwommuu li éeti iket. Kahoofoolaku kújowunjowum li wahawu wajakumuu, min kújiwom li iket. Kuhoofoolaaku kukankaan mo min bóonowabu bata ko bata mal̥egen buyili buhaasi. Muñowu kahoofoolaku kújowummuu li eluwaayi min kuhaŋ májakaati feh.

Kata Efées 4:22

Joote kama jikat baloŋelabu booluul buhaanabu bakajenemuu uyinumawu wooluul, ban li jífu’ li kásiibowaku kajakutumuu kanaake kubuntuulumuu.

Eébulo 3:13

Joote kama jinaak jiwankulenoo nanoonan nan uyiliyaale oonaal «síyaat» yan Bakiicelabu bulobemuu mata yo, bájum jakum an li bukuluul ahoy bánaanum, min akat kahoofoolaku min kubuntool.

Saak 1:13

Jakum an alo li jabunt li aan: «Ateemit abuntom.» Mata an ayilaat abunt Ateemit min akaan majakut. Ban Ateemit humumool, let abunt an min akaan majakut.

Saak 1:15

Ban an ajowumuu akat kásiibo kajakut kata wah min kuhaŋool sembe, fan kújiwool li alo li kahoofoo. Ban nan kahoofoolaku kommuu kujow kank, li kúji anawu ummu li aket.