Máciya 9:13 - Jola-Kasa

¹³ Jijow jiŋes min jihaas waa Ateemit afañe alob li hulimahu unhe: «Inti usila sínuukuleŋ lifañe, bale lifañe min jinaak jíyiyen bukanabuku.» Ibilut kahooñ bukan kayinoole li koon buko bukan kacole koom, bale kuhoofoola libile kahooñ.

Máciya 9:13 Referencias Cruzadas

Máciya 12:3

Yéesu li aaniil: — Kama jijangawut min jihaas waa áyiiyawu Dayit akaanumuu nan akila humumool acaaletumuu, li kanabumuu li okila?

Máciya 12:5

Kama jijangawut foof li Eluwaayi, ékaaneliit loon Eluwaayi yata húyiiyaayahu hata Kusuwifaku elobumuu, ban let kulo li butila banooban?

Máciya 12:7

Jihaaseeneenumuu waa Ateemit afañe alob li hulimahu unhe: «Inti usila sínuukuleŋ lifañe, bale lifañe min jinaak jíyiyen bukanabuku,» leteen jihoofoo bukan kakaanut wahoowah.

Máciya 19:4

Yéesu li aaniil: — Kama jijangawut Hulimahu hata Ateemit haanumuu «Li húkitumahu, Ateemit láwuwenwuwen ánayine li anaale?»

Máciya 21:42

Yéesu li aaniil: — Kama jímusut jijanga li Hulimahu hata Ateemit haanumuu: «Huyitikahu humum ho han kuteefaabuku koonumuu hujakut, ho hubile huhaŋumuu májaliŋ kaaku feh.» Laalu búkaanum bata Amaaŋenawu, wah wásuume ŋáa’ bajuk li kúkilolaal!

Máciya 3:2

— Jikat kahoofoo, min jítiiwo jiŋa’ buloŋ buwunkul, mata Jáyiiyaju jata Ateemit jíkoojulo!

Máciya 3:8

Muñeˈe kama jikaan majake, min jíhiis kaanaku jibabbaj buloŋ buwunkul.

Máciya 4:17

Yan no unnu, Yéesu li átoŋ awaale aan: — Jikat uhoofoolawu wooluul, min jiŋa’ buloŋ buwunkul; mata Jáyiiyaju jata Ateemit jíkoojulo!

Maak 12:26

Muñeˈe mata kaketumuu, li mata kayitowulaku kooliil li eketayi, kama jijangawut li éliibalayi yata Móyiis tan alobumuu mata huñobahu hátifumuu? To untu kikkiic kaanaku, Ateemit lansaan Móyiis: «Injé emmuu Ateemitawu ata Abulaham, Ateemitawu ata Isaak, li Ateemitawu ata Sakob.»

Maak 12:33

Ban hufañool li buyinumi feh, li kayinooli feh, li sembeyi feh, li hufañ afaali an loon awu humumi ufañoolomuu,» wahawu unwu feh uhaŋe ŋáa’ sínuukuleŋasu sasilayeyimuu, li ujuuñakawu wásuleyimuu boot li Ateemit.

Maak 2:17

Muñeˈe nan Yéesu ajamiilumuu li kulob loon muñaˈa, li aaniil: — Inti bukan kásomutut joke li abuntena, bale kásomutumuu joke li abuntena. Ibilut kahooñ bukan kayinoole li koon buko bukan kacole koom, bale kuhoofoola libile kahooñ.

Hulimahu Hásuumaahu loon Lík akiic homuu 10:26

Yéesu li aanool: — Waa ukiici li eluwaayi? Buu lúnaanum wo eeno?

Hulimahu Hásuumaahu loon Lík akiic homuu 19:10

Mata Añool-An labiibil huŋes li kafaken bukanabuku kájimumuu.

Hulimahu Hásuumaahu loon Lík akiic homuu 24:47

Ban kúgoomaku koola koote kúwaalewum li kajawaku koola hákil bukanabuku feh, kítum Yeelusalem, kooniil kukat kahoofoo min kútiiwo kuŋa’ buloŋ buwunkul, min Ateemit abonket uhoofoolawu wooliil.

Hulimahu Hásuumaahu loon Lík akiic homuu 5:31

Yéesu li aaniil: — Inti bukan kásomutut joke li abuntena, bale kásomutumuu joke li abuntena.

Hulimahu Hásuumaahu loon Lík akiic homuu 5:32

Ibilut kahooñ bukan kayinoole li koon buko bukan kacole koom, bale kuhoofoola libile kahooñ, mantee li kútiiwo kuŋa’ buloŋ buwunkul.

Hulimahu Hásuumaahu loon Saŋ akiic homuu 10:34

Yéesu li aaniil: — Inti kikkiic li Eluwaayi yooluul kaanaku: «Injé Amaaŋenawu leene: “Bukuluul kuteemit joom.”»

Bakaanelabu 11:18

Muñeˈe nan kujamumuu kulimaku unku, li kulu min kukit kusal Ateemit koon: «Kama mal̥egen, Ateemit lakankaan bukanabuku kákaanumutumuu li akila balewool, min kubet búsol baloŋelabu booliil buhaanabu, min kútiiwo kuŋa’ buloŋabu bata mal̥egen.»

Bakaanelabu 2:38

Fiyeel li aaniil: — Jibet búsol buloŋabu booluul buhaanabu, min jítiiwo jiŋa’ buloŋ buwunkul. Banumuu, anoowan li bukuluul li ajow kúbatiisewool li kajaw kata Yéesu Kilisita, boot kabonket kata uhoofoolawu wooluul. Jikaan momuu, Ateemit fan asenuul kájiyaku kata Buyinumabu Banabaabu.

Bakaanelabu 20:21

Lilollob li mal̥egen Kusuwifaku li kata Gilees min kútiiwowul kunab li Ateemit, ban li kúyinen li Amaaŋenawu oololaal Yéesu.

Bakaanelabu 3:19

Muñeˈe kama jibet búsol baloŋelabu booluul buhaanabu, min jílaañul boot bata Ateemit, bájum li abonket uhoofoolawu wooluul.

Bakaanelabu 5:31

Ateemit li ateben Yéesu, ban li aŋalool akaan kaŋen kúli. Li akaanool alako Anahaan áamak li Afakena, bájum kata Isilayeel li kuyili kútiiwo kuŋa’ buloŋ bawunkul, min uhoofoolawu wooliil ubonketi.

2 Fiyeel 3:9

Amaaŋenawu let fiyo ákaanum wahawu wan alobumuu kakaan, maayeet min kukee kuyinoomuu li koon láyoocenyoocen. Labebembeben li bukuluul, mata afañut min an ájim, bale lafañe min bukanabuku feh kuyili kubet búsol buloŋabu booliil bajakutumuu.