Máciya 6:31 - Jola-Kasa

³¹ Mo emmuu jakum jiyina min jinaak joon: “Waa lootaale utiñaal? Waa lootaale uhobaal? Waa lootaale ukokowaal?”

Máciya 6:31 Referencias Cruzadas

Máciya 15:33

Kúgoomaku koola li kugel̥l̥enool koonool: — Bay luyilowaale úŋalumulaal kúmbuulu kafame kayilo kúkuumen búsuk báamak loon umbu, baabe ban wayito muñeˈe?

Máciya 4:4

Bale Yéesu li aanool: — Hulimahu hata Ateemit hoone: «An ayilaat áloŋum kúmbuulu bale. Bale fan áloŋum foof hulim hanoohan háfummulo li butum bata Ateemit.»

Máciya 6:25

— Mó mújimuu li eenuul: Jakum jiyinoo ŋáa’ mata buloŋabu booluul. Jakum jiyinoo ŋáa’ waa jóomi li jitiñ, li waa jommuu li jihob. Jakum foof jiyinoo mata eniilaayi yooluul, min joon waa jóomi li jikoko. Inti buloŋ lahaŋe hutiñ? Eñiil, inti lahaŋe búkoko?

Máciya 6:27

Ayi li bukuluul buyinawool boote búji li afamen buloŋool jatit?

Hulimahu Hásuumaahu loon Lík akiic homuu 10:41

Amaaŋenawu li aanool: — Maaluta, Maaluta luyinooyinoo ban li oono li kalilliwoo mata wah wameeŋe.

Hulimahu Hásuumaahu loon Lík akiic homuu 12:11

«Nan kommuu kújowetumuul boot batiib li siluufasu sata kal̥awaku, mantee bata kuseefaku, mantee bata kunahaanaku kata ésukayi, jakum jiyinoo min jóotimuu jijow jicahenoolo. Jakum jiyinoo foof wáa jóomi li jilob.

Hulimahu Hásuumaahu loon Lík akiic homuu 12:22

Fúlum tó, Yéesu li aan kúgoomaku koola: — Wahawu unwu újimuu li eenuul: Jakum jiyinoo mata buloŋuul, min joon waa jóomi li jitiñ. Jakum foof jiyinoo mata eniiluul min joon waa jóomi li jikoko.

Hulimahu Hásuumaahu loon Lík akiic homuu 12:29

Bukuluul kama, jakum jiyok li huŋes wahawu wan jommuu li jitiñ, li wahawu wan jommuu li jihob, ban jakum buyina bujokuul.

Kata Fílib 4:6

Jakum jiyina wahoowah, bale li wahoowah feh, jíjowum li kal̥aw, li kayaakoo li kasal ló, min jíhiis Ateemit wahawu wan jokuulumuu li wo.

1 Fiyeel 5:7

Jiŋa’ buyinaabu booluul feh jiwalen li Ateemit, mata fan alambenuul.