Máciya 6:28 - Jola-Kasa

²⁸ «Waa li úji li jiyinoo ŋáa’ mata búkoko? Fan jilaso élunfenayi yata mahosamu mata siŋamasu buu el̥iilemuu eeno. Elókeliit, éheceliit.

Máciya 6:28 Referencias Cruzadas

Máciya 10:10

Jakum foof jiŋa’ kaboote kata kañaahoo. Jakum jiŋa’ wañ úl̥uba, mantee foof sidalla. Jakum jooken hunuk, mata aloka laate ayab hutiñool.

Máciya 6:25

— Mó mújimuu li eenuul: Jakum jiyinoo ŋáa’ mata buloŋabu booluul. Jakum jiyinoo ŋáa’ waa jóomi li jitiñ, li waa jommuu li jihob. Jakum foof jiyinoo mata eniilaayi yooluul, min joon waa jóomi li jikoko. Inti buloŋ lahaŋe hutiñ? Eñiil, inti lahaŋe búkoko?

Máciya 6:27

Ayi li bukuluul buyinawool boote búji li afamen buloŋool jatit?

Máciya 6:31

Mo emmuu jakum jiyina min jinaak joon: “Waa lootaale utiñaal? Waa lootaale uhobaal? Waa lootaale ukokowaal?”

Hulimahu Hásuumaahu loon Lík akiic homuu 10:41

Amaaŋenawu li aanool: — Maaluta, Maaluta luyinooyinoo ban li oono li kalilliwoo mata wah wameeŋe.

Hulimahu Hásuumaahu loon Lík akiic homuu 12:11

«Nan kommuu kújowetumuul boot batiib li siluufasu sata kal̥awaku, mantee bata kuseefaku, mantee bata kunahaanaku kata ésukayi, jakum jiyinoo min jóotimuu jijow jicahenoolo. Jakum jiyinoo foof wáa jóomi li jilob.

Hulimahu Hásuumaahu loon Lík akiic homuu 12:22

Fúlum tó, Yéesu li aan kúgoomaku koola: — Wahawu unwu újimuu li eenuul: Jakum jiyinoo mata buloŋuul, min joon waa jóomi li jitiñ. Jakum foof jiyinoo mata eniiluul min joon waa jóomi li jikoko.

Hulimahu Hásuumaahu loon Lík akiic homuu 12:27

Jilaso buu élunfenayi yata mahosamu mata siŋamasu el̥iilemuu eeno. Elókeliit, eheceliit. Bale fan eenuul, maayeet áyiiyawu Salomoŋ humumool, li máyiineniyamu moola feh, akokowut wañ wajake loon yano li élunfenayi inyu.

Hulimahu Hásuumaahu loon Lík akiic homuu 3:11

Saŋ li aaniil: — An abajumuu újufo úl̥uba li asen kaaku an abajut kájufo. An foof abajumuu atiñ, li asen an abajut atiñ.

Kata Fílib 4:6

Jakum jiyina wahoowah, bale li wahoowah feh, jíjowum li kal̥aw, li kayaakoo li kasal ló, min jíhiis Ateemit wahawu wan jokuulumuu li wo.

1 Fiyeel 5:7

Jiŋa’ buyinaabu booluul feh jiwalen li Ateemit, mata fan alambenuul.