Máciya 5:29 - Jola-Kasa

²⁹ Nokoomuu loon jíkilaju jooli jílilaju joote jíjiyi li ulo li kahoofoo, úkool̥ul jó ubeten lóyiyi. Mata wah wano li eniili ukajenumuu, kóyume eniilayi yooli feh mabeteneli li sambun.

Máciya 5:29 Referencias Cruzadas

Máciya 10:28

Jakum jíkoli bukanabuku kayilimuu kumuk eñiilayi, ban kuyilaat kumuk yaalayi. Bale jíkoli Ateemit ayilimuu ásu’ eniilayi li yaalayi li sambunasu sáhokoweliitumuu.

Máciya 11:6

Awólo, anawu an bakaanelabu búmbaam bootutumuu búji li akat bo káyinenaku koola lí ínje.

Máciya 16:26

Jáliŋ buu yoom to, an babaje wahawu feh wata adunaayi, ban li aŋa’ yaalayi yoola min acaam? Mantee foof, waa an ayilo aŋa’ min ahal boot mata yaalayi yoola?

Máciya 17:27

Bale awu ujow ubet kabuut li húwajahu. Jiwolaju játinaalaju jan ommuu újokul, li úŋaabul butumabu bata jo. Fan ujuk ló édalam yafame boot li búhalabu boolola bata Eluufayi yata Ateemit. Uŋa’ yo useniil, lako búhalabu boolola kúl̥uba jakum bil ufetaal li buko.

Máciya 19:12

Baje wah wájiye bukan kameeŋe li kulako to muñaˈa bayabut. Kukee káwuwiil, kaabuku bukan kukaaniil mo, kaabuku buko koone let kuyab mata Jáyiiyaju jata haatiya jíji. An ayilimuu akaan loon kulimaku unku kulobumuu, li akaan.

Máciya 23:15

«Katek kujow kulako li bukuluul jaliikenemuu ésukayi eluwaayi yata Móyiis li bukuluul Kufaaliisiyeŋaku jáhoolo muñowu! Mata fan jiñaahoo li kusamuwaku feh, li etaamayi feh kakaan an áyinen li bútinabu booluul. Bale nan ammuu áyinen, li jikaanool ahaŋuul ñoono ñál̥uba malako añiil ata Sambun.

Máciya 23:33

Sinuukayilaase! Bañiil bata sil̥aal̥ak! Buu joote ban di jikaan min jifak li katekaku kata li sambunasu?

Máciya 5:22

Bale ínje fan eenuul, an awuñetumuu atuyool, fan atiibi. An aanumuu atuyool «esoŋaye,» fan ájowetumi bata Huhaanaahu hata kutiibaaku. Ban an aanumuu foof atuyool, «buwelabe!», latooke min abeteni li sambun.

Máciya 5:30

Li bil nokoo loon kaŋeni kúli koote kújiyi li ulo li kahoofoo, ufalen ko ubeten lóyiyi. Mata wah wano li eniili ukajenumuu, kóyume eniilayi yooli feh mabeteneli li sambunasu sáhokoweliitumuu.

Maak 8:36

Jáliŋ buu yoom to, an babaje wahawu feh wata adunaayi, ban li aŋa’ yaalayi yoola min acaam?

Hulimahu Hásuumaahu loon Lík akiic homuu 12:5

Bale boot min ihebuul ayi jóotimuu jíkoli. Jíkoli Ateemit ayilimuu amukuul aban li abetenuul li sambun. Li mal̥egenamu fan ilobuul, okila jóotimuu jíkoli!

Kata Lom 6:6

Uhaasaal kaanaku bóonowabu boololaal buhaanabu bubaaŋoolibaaŋoo li Kilisita li ekuluwaayi, mantee eniilayi yahoofoolemuu li ekajeni min ukataal kalako emiikeel yata kahoofoo.

Kata Lom 8:13

Jiloŋumuu naboo li bóonowabu booluul, fan jiket; bale jíjowummuu li Buyinumabu Banabaabu min jimuk bakaanelabu bajakutumuu bata eniilayi, fan jiloŋ.

1 Kata Koolent 9:27

Liteetek eniilayi yúmbaam séngi, ban li ijok yo eeken jakum bil iwaale kaabuku Hulimahu Hásuumaahu iban, li lako ínje ílet ló li bukanabuku kammuu li kuyab bacaamabu.

Kata Galasi 5:24

Bukanabuku kata Yéesu Kilisita, kubambaaŋ li ekuluwaayi bóonowabu bajakutumuu bata eniilayi, boot li kásiibowaku kata yo ló.

Kata Kolos 3:5

Kama muñeˈe jífulen wahawu wáamimuu li buloŋuul wata etaamaye loon: kahinto li aletalet, kákaanikoo, kamelo wah kajakut, kásiibo wah kajakut, li efañ sídalam yammuu kamanen ateemit alet mal̥egen.