Máciya 5:22 - Jola-Kasa

²² Bale ínje fan eenuul, an awuñetumuu atuyool, fan atiibi. An aanumuu atuyool «esoŋaye,» fan ájowetumi bata Huhaanaahu hata kutiibaaku. Ban an aanumuu foof atuyool, «buwelabe!», latooke min abeteni li sambun.

Máciya 5:22 Referencias Cruzadas

Máciya 10:17

Jíkaanum bukanabuku, mata fan kújowetumuul ban tiibemuu, ban li kuŋa’ kuul̥ min kutekuul li siluufasu sata kal̥awaku.

Máciya 10:28

Jakum jíkoli bukanabuku kayilimuu kumuk eñiilayi, ban kuyilaat kumuk yaalayi. Bale jíkoli Ateemit ayilimuu ásu’ eniilayi li yaalayi li sambunasu sáhokoweliitumuu.

Máciya 12:24

Bale nan Kufaaliisiyeŋaku kujamumuu loon muñaˈa li koon: — Anáyinaawu ummu li búkaanum bata Bélusebul, ammuu anahaanawu ata uyinumawu wajakutaawu, lákesoolumemuu uyinumawu wajakutaawu úfu’ li bukanabuku kan újufomuu.

Máciya 17:5

Nan Fiyeel alakomuu elobayi, kafaal kahiite li kúhimeniil. Hulim háfulumulo li kafaalaku li hoon: — Laalu Añoolom an iboolaatumuu. Buyinumom feh li akila boom. Jijantenool.

Máciya 18:21

Muñeˈe Fiyeel li ákoojul Yéesu min agel̥l̥enool aanool: — Amaaŋen, ñoono ñeem leete ibonket an, akila bafete lí ínje? Mantee fan ibonketool boot ñoono ñatok li ñál̥uba?

Máciya 18:35

«Muñaˈa foof Atuubawom ata haatiya ammuu abil akaanuul, an li bukuluul bahoye babonket li buyinumool feh an atile li akila.»

Máciya 23:15

«Katek kujow kulako li bukuluul jaliikenemuu ésukayi eluwaayi yata Móyiis li bukuluul Kufaaliisiyeŋaku jáhoolo muñowu! Mata fan jiñaahoo li kusamuwaku feh, li etaamayi feh kakaan an áyinen li bútinabu booluul. Bale nan ammuu áyinen, li jikaanool ahaŋuul ñoono ñál̥uba malako añiil ata Sambun.

Máciya 23:33

Sinuukayilaase! Bañiil bata sil̥aal̥ak! Buu joote ban di jikaan min jifak li katekaku kata li sambunasu?

Máciya 25:41

«Fúlum tómuu, áyiiyawu fan abil aan bukanabuku kammuu kaŋenool kamay: “Jíloyiyom, bukuluul jan Ateemit ajokumuu bukan kajakut! Jijow li sambunasu sáhokoweliitumuu, sakaanimuu boot li Sayitaane li kumalakaaku koola!

Máciya 26:59

Muñeˈe huhaanaahu hata élambaayi li Huhaanaahu hata Kusuwifaku, li kuŋes bukan kayilo kúmal kuya li Yéesu bájum li kuyili kumukool.

Máciya 3:17

Esúkayi li ejam hulim háfulumulo li emitayi haane: «Laalu añoolom an íboolimuu ŋáa’. Buyinumom feh li akila likaan bo.»

Máciya 5:34

Bale ínje boot min eenuul, jakum jinuu maayeet tuf. Jakum jinuulum emitayi, mata yo yommuu efenjeŋayi yata Jáyiiyaju jata Ateemit.

Máciya 5:44

Bale ínje li eenuul, jifañ kulatoolawuul, ban li jil̥aw boot li kálaatenewuulumuu.

Maak 14:55

Muñeˈe huhaanaahu hata élambaayi li huhaanaahu feh hata Kusuwifaku, li kulako huŋes bukan kayilo kúmal kuya li Yéesu bájum li kuyili kumukool. Bale kubajut an.

Maak 15:1

Muñeˈe li líiŋ hunak hukaten yaan li bújom bíb, huhaanaahu hata élambaayi, li kunahaanaku kata ésukayi, li kaliikenemuu ésukayi eluwaayi ésukayi eluwaayi yata Móyiis, kammuu li Huhaanaahu háamakahu hata Kusuwifaku, li kujoj. Nan kujojumuu kuban, li kujok Yéesu kujenk ban, li kújowetumool kujow kusen Filat.

Hulimahu Hásuumaahu loon Lík akiic homuu 12:5

Bale boot min ihebuul ayi jóotimuu jíkoli. Jíkoli Ateemit ayilimuu amukuul aban li abetenuul li sambun. Li mal̥egenamu fan ilobuul, okila jóotimuu jíkoli!

Hulimahu Hásuumaahu loon Lík akiic homuu 22:66

Nan tikatenumuu, kunahaanaku kata Kusuwifaku, huhaanaahu hata élambaayi, li kaliikenemuu ésukayi eluwaayi ésukayi eluwaayi yata Móyiis li kujojoo, min kúŋalul Yéesu abil átuul hujojahu háamakahu hata Kusuwifaku.

Hulimahu Hásuumaahu loon Saŋ akiic homuu 11:47

Huhaanaahu hata élambaayi li Kufaaliisiyeŋaku li kujoj li Huhaanaahu háamakahu min koon: — Boot min ukaanaal buu? Anáyinaawu ummu min akaanemuu búhiisenum bájaahaleniye!

Hulimahu Hásuumaahu loon Saŋ akiic homuu 15:25

Bale wahawu unwu wóotisooti ubaj bájum hulimahu hakiicimuu li Eluwaayi li ubaj, haanumuu: «Kulatonlat maayiiñ.»

Hulimahu Hásuumaahu loon Saŋ akiic homuu 7:20

Búsukabu li boonool: — Awu buyinum bajakut bújufoyi! Ayi aano li huŋes jamuki?

Hulimahu Hásuumaahu loon Saŋ akiic homuu 8:48

Kusuwifaku li koonool: — Jikooŋut fíle min joonumuu awu an ata Samali, ban buyinum bajakut bújufoyi?

Bakaanelabu 17:18

Bale li baj bukan kukee kata sihekej kan koone Efíkiiliyeŋ, kaabuku Sitoyiisiyeŋ kabile kulob foof li Fool. Kukee li kunaak kugel̥l̥enoo koon: — Kama waa kaŋaaŋaalaku unku kahaasutumuu wahoowah kufañe kulob? Kaabuku li koon: — Kankaan loon mata kuteemit kata bakee láami li elob. Kulollob loon muñaˈa mata kujanjam Fool li awaale mata Yéesu, li mata kayitowulaku li eketayi.

Bakaanelabu 22:30

Anahaanawu ata esollaaliyayi li afañeen min ahaas jak wáa újimuu Kusuwifaku li kul̥oof Fool. Muñeˈe li líiŋ hunak hukaten, li alob min kúl̥el̥ul Fool, ban li ahooñ bajoj kunahaanaku kata élambaayi li hujojahu háamakahu hata Kusuwifaku, aban li áŋalul Fool abil akaan hákiliil.

Bakaanelabu 23:1

Muñeˈe Fool li ajuke bukanabuku kata hujojahu súy aban li aaniil: — Kutuyom, li buyinumom ifetut min éemimuu li bulok boot li Ateemit boot yok síyaat.

Bakaanelabu 24:20

Mantee foof bukanabuku umbuke kammee taate, li kulob wahawu wan ínje ífetummuu li buko nan icahenoolomuu hákil Hujojahu háamakahu.

Bakaanelabu 4:15

Muñeˈe li kooniil kúfu’ li huwoogahu hata huhaanaahu, min buko humumiil kulako kátalloo mata hulimahu unhu.

Bakaanelabu 5:21

Kufootalaku li kukaan loon amalakaawu alobiilumuu. Li líiŋ yaan li bújom bíb, li kujow boot li Eluufayi yata Ateemit kujow kuliiken dó bukanabuku mata buloŋabu buwunkulabu. Muñeˈe álambaawu áamakawu li kanabumuu li akila, li kuhooñ kuhaanaku boot bajoj, bata hujojahu háamakahu hata Kusuwifaku. Li kuboñ bukan boot min kujow kúŋalul kufootalaku li hukul̥ahu.

Bakaanelabu 5:27

Nan kúlaañenulumuu kufootalaku kúliiŋul, li kújowetumiil kujow kukaan hákil huhaanaahu háamakahu hata Kusuwifaku. Alámbaawu áamakawu li agel̥l̥eniil aaniil:

Bakaanelabu 6:12

Li kúkiŋul búsukabu, li kunahaanaku, li kaliikenemuu ésukayi eluwaayi ésukayi eluwaayi yata Móyiis, min kubil kujok Ecen kújowetum boot bata Hujojahu háamakahu hata Kusuwifaku.

Bakaanelabu 6:15

Muñeˈe bukanabuku feh kalakomuu li Hujojahu háamakahu, li kuŋa’ kúkiliil feh kuya li Ecen. Li kujuk koon buulabu bata Ecen bunokoonokoo loon bata amalaka.

Bakaanelabu 7:37

Móyiis amite alobumuu kata Isilayeel aaniil: “Ateemit fan áboñuluul afulofet loon ínje. Anawu ummu fan alako akee li kutuyuul.”

Kata Lom 12:10

Jíbooliwoo loon batuyaay bafañoole ŋáa’. Jihanken min jisuuwoo.

1 Kata Koolent 6:10

kákuuwetemuu, kaweelomuu li sídalam, kákaliyenoolemuu, káloboolemuu bukan, kabotemuu wah wata bukan, let kunoken li Jáyiiyaju jata Ateemit.

1 Kata Koolent 6:6

Li mal̥egenamu, mantee jaajak min an kutilibunaal li atuyool, ban mit hákil bukan káyinenut li Yéesu Kilisita?

1 Kata Tesalonik 4:6

Mo emmuu, jakum an abunt atuyool, jakum foof ágecool li wahoowah. Loon jilobuul nomuu ban li jilaañen jilobuul mo, Amaaŋenawu fan atek bukanabuku feh kakaanemuu loon muñaˈa.

Eleetalayi yan Fool akiicumuu Tit 3:2

Jakum kulob majakut kuya li an. Kootut kunaak kúmuyiten bukan, ban koote kukaan bukan kásuume. Koote kulako bukan kájoobiye uyinum nanoonan hákil bukanabuku feh.

Eébulo 12:25

Jijuke to, jakum jihoy bajanten ammuu li elob li bukuluul. Li mal̥egenamu, bukanabuku kahoyumuu bajanten anawu anaake alobiilumuu akat to nan kulakomuu li etaam, kufakut li katekaku, háŋum alolaal. Ubetaalumuu búsol anawu álobumulemuu li alolaal li emitayi, let ufakaal foof li katekaku.

Eébulo 5:9

Nan Yéesu ajeˈe áliiŋumuu jak, li áji bukanabuku feh kátuuloolumuu li kufak boot nanoonan.

Saak 2:20

Búbaamowabe! Waa, lufañe min uhaas oon káyinen kanaboolut li makaane majake, kubajut jáliŋ?

Saak 3:6

Húlelluf foof sambun. Li ho majakutamu múfulumulemuu. Ban li húginnoo li wah waawu feh wammuu li eniilayi, min hunaak husik eniilayi feh. Húlellufahu fan huyaben sambun li buloŋabu boololaal foof bo feh, nan ommuu ubukaali boot yok nan ommuu uketaal. Sambunasu unsu, li sambunasu humum so sáhokoweliitumuu sata sílaamasu sibilumulo.

1 Fiyeel 2:23

Nan kunaake kugeloolumuu, anaakut aluken. Nan kulakowoolumuu jálaamenaju, anuuloolut an, bale latebooloteboolo feh asen Ateemit atiibemuu col.

1 Fiyeel 3:9

Jakum an akaani majakut li uhin ukaanool majakut. Jakum an ageli li uhin ugelool, bale an agelimuu li úsooniyenool, mata wahawu unwu Ateemit ahooñuulumuu boot, mantee li jiyab kásooniyenaku.

1 Saŋ 2:9

An aanumuu li mawuŋaamu laam ban li alat atuyool, anawu ummu laloŋe li élimayi boot muñeˈe.

1 Saŋ 3:10

An anaakutumuu akaan col, mantee foof afañut atuyool, anawu ummu alet añiil ata Ateemit. Muñowu lóotumaalumuu uhaasaal bukay kommuu bañiilabu bata Ateemit, li bukay kommuu bañiilabu bata Sayitaane.

1 Saŋ 5:16

An ajukumuu atuyool okila li kakaan kahoofoo kaatut kújiwool li aket, laate al̥aw, ban Ateemit fan asen atuyool ummu buloŋ. Ilobut bukanabuku kakaanumuu uhoofoo waate újiyiil li kuket. Mata baje kahoofoo kájiye an li aket. Inti kahoofoo loon unku leenuul jil̥aw boot li ko.

Eleetalayi yan Súd akiicumuu 1:9

Bale, maayeet Miseel humumool ammuu anahaanawu ata kumalakaaku, akaanut loon bukanabuku umbuku. Nan kúmuyumuu buko li Sayitaane min kulako búñakoo ehuluŋayi yata Móyiis, Miseel akaañenut agel Sayitaane. Lanoosaan bale: «Amaaŋenawu ajow ateki!»

Búhiisenumabu 20:14

Muñeˈe li kuŋa’ Eketayi li Dán kaketumuu kulakomuu, kubeten li buwokaayabu bata sambunasu. Buwokaayabu umbu bata sambunasu bo bommuu eketayi yál̥ubutayi.