Máciya 5:18 - Jola-Kasa

¹⁸ Mata li mal̥egenamu, boot min ilobuul, emitayi li etaamayi sifiyo to min sifiyo to, maayeet jano li jikiicaju jahaŋumuu matiti let jíbuji. Maayeet hano li husotahu hahaŋumuu matiti hata eluwaayi let húbuji, boot yok nan wahawu feh wommuu uban.

Máciya 5:18 Referencias Cruzadas

Máciya 10:15

Li mal̥egenamu fan ilobuul, li hunakahu nan Ateemit ammuu li atiib bukanabuku, katekaku kata bukanabuku kata ésukayi inyu fan kuhaŋ másengi kata bukanabuku kata Sodom li kata Gomool.

Máciya 10:23

Kúlaatenuulumuu li ésuk, li jitey boot li ésuk yaayu. Li mal̥egenamu fan ilobuul, let jiban sísukasu feh sata Isilayeel kaŋoloo, tówum Añool-An álaañul.

Máciya 10:42

Li mal̥egenamu fan ilobuul, an asenumuu maayeet efot yano yata mal májoobiye akee li bukanabuku umbuku kan káyinenaku kooliil lí ínje kulitutumuu ahob, mata ágoomom laam, akaal̥owut mata manooman Ateemit fan acaamool.

Máciya 11:11

«Li mal̥egenamu fan ilobuul, bajut an, an anaale abuke ahaŋe Saŋ Batiis. Bale anawu ahaŋumuu feh matiti li Jáyiiyaju jata Ateemit, lahaŋe Saŋ.

Máciya 13:17

Li mal̥egenamu fan ilobuul, bukan kameeŋe kan Ateemit álobume li buko li bukan kameeŋe kátuule Ateemit, kufañeene min kujuk wahawu wan jijukemuu li wo, bale kujukut wo. Li kufañeen min kujam wahawu wan jijamemuu li wo, bale kujamut wo.

Máciya 16:28

Li mal̥egenamu fan ilobuul, kukee li bukuluul káamimee taate, let kuket buko bajukut Añool-An li abil li Jáyiiyaju joola.

Máciya 17:20

Yéesu li aaniil: — Mata káyinenaku kooluul kafamut. Li mal̥egenamu fan ilobuul, káyinenaku kooluul kutitiyeenumuu loon jikool jata anuunukenawu aaneyimuu mutaad, fan joon huyuuyahu unhu: «Uyinno taatu boot baaba,» li huyinno boot bo, ban wah let uheekuul.

Máciya 18:18

«Li mal̥egenamu fan ilobuul, wahoowah wan jíñeyiyene li etaamayi, fan úñeyiyeni li emitayi. Wahoowah foof wan jíñeyiyenut li etaamayi, let úñeyiyeni li emitayi.

Máciya 18:3

min aaniil: — Li mal̥egenamu fan ilobuul, jikatut bomuu bóonowabu booluul min jilaañ jinokoo loon bañiil batit, let jinoken li Jáyiiyaju jata Ateemit.

Máciya 19:23

Yéesu li aan kúgoomaku koola: — Li mal̥egenamu fan ilobuul, séngisengi ŋáa’ min usaanum unoken li Jáyiiyaju jata Ateemit.

Máciya 19:28

Yéesu li aaniil: — Li mal̥egenamu fan ilobuul, nan Añool-An ammuu li abah li efenjeŋayi yoola yáyiineniyaayi nan wahawu feh wommuu ulaañen uwunkulo, bukuluul kuŋen li kúl̥ubaaku jánabulumuu lí ínje, fan jibah foof li sifenjeŋ min jitiib utoŋawu kuŋen li úl̥ubaawu wata Isilayeel.

Máciya 21:21

Yéesu li aaniil: — Li mal̥egenamu fan ilobuul, jibajeenumuu káyinen ban jíwettoolut, let mantee fan jiyili jikaan wahawu wan ikaanumuu bul̥el̥uwabu umbu bale. Bale fan jiyili foof joon huyuuyahu unhu, «Uyinno taatu ujow ulo li husamuwahu,» fan hukaan mo.

Máciya 21:31

Muñowu ayi li buko kúl̥uba akaanumuu wahawu wan atuubawool afañumuu? Li koonool: — Atínaalawu. Yéesu li aaniil: — Li mal̥egenamu fan ilobuul, bukanabuku kayabemuu búhal li bukanabuku káfulowe bomuu muñaˈa fan kujanduul kunoken li Jáyiiyaju jata Ateemit.

Máciya 23:36

Li mal̥egenamu fan ilobuul, katekaku kata eketayi yata bukanabuku umbuku feh, fan kulo li bukanabuku kata muñeˈe.

Máciya 24:2

Bale Yéesu li aaniil: — Inti jijuke wahawu unwu feh? Li mal̥egenamu fan ilobuul: let baj taatu maayeet huyitik hano háami li hubil hulemboo li hufaal ho huyitik, ho báhoolulooti.

Máciya 24:47

Li mal̥egenamu fan ilobuul, anahaanawu fan asen alokaawu ummu ebajayi yoola feh aakenool.

Máciya 25:12

Bale ábutowaawu li aaniil: “Li mal̥egenamu fan ilobuul, ihaasutuul.”»

Máciya 25:40

Ayíiyawu fan aaniil: «Li mal̥egenamu fan ilobuul, nanoonan feh nan jikaane wahawu unwu akee li umbuku kahaŋumuu matiti li kutuyom, ínje humumom jikaan wo.»

Máciya 25:45

Ayíiyawu fan aaniil: “Li mal̥egenamu fan ilobuul, nanoonan feh nan jikaanut wahawu unwu akee li umbuku kahaŋumuu matiti li kutuyom, ínje humumom jikaanut wo.”

Máciya 5:26

Li mal̥egenamu fan ilobi, let úfulumul ló awu balaañenut sídalamasu feh san ookoolumuu, boot yok li édalamayi ébanumayi.

Máciya 6:16

— Jilakomuu kamommo boot kal̥aw, jakum jíyiyenoo loon káhoolomuu kukaanemuu, kañootenemuu wuuliil bájum ésukayi li ehaas yoon kamommo kóomi lí kó. Li mal̥egenamu fan ilobuul, bacaamabu booliil kuyab bo kuban.

Máciya 6:2

«Mó mújimuu, usenumuu asukateen wah, jakum ul̥ok kasiin. Mata muñaˈa káhoolomuu kukaanemuu li siluufasu sata kal̥awaku, li útinawu, bájum ésukayi li esaliil. Li mal̥egenamu fan ilobuul, bacaamabu booliil kuyab bo kuban.

Máciya 8:10

Nan Yéesu ajamumuu kulimaku unku, li asego ŋáa’. Li aan kanabumuu li akila: — Li mal̥egenamu, boot min ilobuul, ijukolut híndo Isilayeel an abaje káyinen lí ínje loon ánayinaawu ummu.

Maak 10:15

Li mal̥egenamu fan ilobuul, an ayabutumuu Jáyiiyaju jata Ateemit loon añiil atit, anawu ummu let ánoken dó maayeet.

Maak 10:29

Yéesu li aanool: — Li mal̥egenamu fan ilobuul, an ákatul bomuu eluufool, mantee kutuyool, mantee kúliinool, mantee jaawool, mantee atuubawool, mantee kuñoolool, li etaamool mata ínje íji li Hulimahu Hásuumaahu hata Ateemit,

Maak 11:23

Li mal̥egenamu fan ilobuul, an aanumuu huyuuyahu unhu: «Uyinno taatu ujow ulo li husamuwahu», ban áwettoolut li buyinumool, min áyinen kaanaku wahawu wan alobumuu fan ubaj, manooman fan ubaj.

Maak 12:43

Muñeˈe Yéesu li áhooñul kúgoomaku koola kúliiŋul, li aaniil: — Li mal̥egenamu fan ilobuul, anaalaawu ummu ahokumuu áyinool ban li akaan an agaye, lasensen haŋ bukanabuku feh kasenumuu.

Maak 13:30

Li mal̥egenamu fan ilobuul, bukanabuku kata muñeˈe let kuket foofiil feh, tówum wahawu unwu feh ubaj.

Maak 14:18

Nan kubahumuu min kulako hutiñahu, Yéesu li aaniil: — Li mal̥egenamu fan ilobuul, akee li bukuluul áamimee hutiñ dín dáno lí ínje, fan abetom li kuŋen bukan.

Maak 14:25

Li mal̥egenamu fan ilobuul, kale let imit ilaañen ihob ébiiñ boot yok hunakahu nan emmuu ihob ébiiñ ewunkul li Jáyiiyaju jata Ateemit.

Maak 14:30

Yéesu li aanool: — Li mal̥egenamu fan ilobi, li ehukaayi unye humum yo yata síyaat, awu humumi fan uceeŋ ñoono ñáhaaji oon luhaasonhaas, tówum káyin kul̥ok búl̥ubut.

Maak 14:9

Li mal̥egenamu fan ilobuul, tanootan tan Hulimahu Hásuumaahu huwaaleyi li adunaayi feh, fan kulob foof wahawu wan anaalaawu ummu akaanumuu, min awayil̥oyi.

Maak 3:28

«Li mal̥egenamu boot min ilobuul, Ateemit fan abonket bukanabuku uhoofoolawu wooliil wan kukaanumuu feh, li ugelawu feh wan kugelewoolumuu.

Maak 6:11

Li bil nokoo loon tin jijeˈe jíliiŋ, bukanabuku kata to li kuhoy kuyabuul, mantee foof li kuhoy kujantenuul, jilakomuu li jífu’ to li jihank kafolaku kata kootaku kooluul: fan lako búhiisenum boot li buko.

Maak 8:12

Yéesu li ayih to huyih háamak aban li aan: — Wáa újiye bukanabuku kata muñeˈe li kóomi li huŋes min kujuk búhiisenum bájaahaleniye? Li mal̥egenamu fan ilobuul, let kujuk búhiisenum banooban!

Maak 9:1

Muñeˈe Yéesu li alaañen aan búsukabu li kúgoomaku koola: — Li mal̥egenamu fan ilobuul, kukee li bukuluul kaanomuu taate, let kuket buko bajukut Jáyiiyaju jata Ateemit li jibil li sembe.

Maak 9:41

Li mal̥egenamu fan ilobuul, an asenuulumuu efot yata mal jihob mata min jommuu bukan kata Kilisita, akaal̥owut mata manooman Ateemit fan acaamool.

Hulimahu Hásuumaahu loon Lík akiic homuu 11:51

Kítum tó li jamukaju jata Abel boot yok li jata Sakali, an kumukumuu li tutoolayi yata husilaahu ŋáa’. Eéhe’! Li mal̥egenamu fan ilobuul, bukanabuku kata muñeˈe fan kubil kulo li katek mata bukanabuku umbuku feh kamukimuu.

Hulimahu Hásuumaahu loon Lík akiic homuu 12:37

Awólo kulokaabuku kan anahaanawu ammuu li áliiŋul, li atookiil to mámooliwut! Li mal̥egenamu fan ilobuul, akila humumool fan asinja, ban li akaan kulokaabuku kubah, min akaaniil kutiñ.

Hulimahu Hásuumaahu loon Lík akiic homuu 13:35

Jíkaanum! Ateemit fan akat bo eluufayi yooluul. Bale boot min eenuul, let jilaañen jijukom muñeˈe boot yok nan jommuu li joon: “Kásooniyen kujow kulako li anawu abilummuu li kajawaku kata Amaaŋenawu!”»

Hulimahu Hásuumaahu loon Lík akiic homuu 16:17

Bale emitayi li etaamayi fan ehaŋ másuum kábuj jano li jikiicaju jahaŋumuu matiti li eluwaayi yata Móyiis.

Hulimahu Hásuumaahu loon Lík akiic homuu 18:17

Li mal̥egenamu fan ilobuul, an ayabutumuu Jáyiiyaju jata Ateemit loon añiil atit, anawu ummu let anoken dó maayeet.

Hulimahu Hásuumaahu loon Lík akiic homuu 18:29

Yéesu li aaniil: — Li mal̥egenamu fan ilobuul, an ákatul bomuu, eluufool, mantee aseekool, kutuyool, mantee bukanool, bañoolool, mata Jáyiiyaju jata Ateemit jíji,

Hulimahu Hásuumaahu loon Lík akiic homuu 23:43

Yéesu li aanool: — Li mal̥egenamu fan ilobi, síyaataye fan ulako lí ínje alijana.

Hulimahu Hásuumaahu loon Lík akiic homuu 4:24

Fúlum tó, Yéesu li afamen aaniil: — Li mal̥egenamu, boot min ilobuul, bajut afulofet ayabi jak li ésukool.

Hulimahu Hásuumaahu loon Saŋ akiic homuu 1:51

Yéesu li afamen aan: — Li mal̥egenamu fan ilobuul: fan jijuk emitayi mábabulowe, min naak kumalakaaku.

Hulimahu Hásuumaahu loon Saŋ akiic homuu 10:1

Yéesu li aan: — Li mal̥egenamu fan ilobuul: an ánokenumutumuu li kámbiilaku kata hukokahu hata kúgalalaanaku, min aŋitowum tikee álolo, anawu ummu ákuu, an ajakut.

Hulimahu Hásuumaahu loon Saŋ akiic homuu 10:7

Yéesu li alaañen aaniil: — Li mal̥egenamu fan ilobuul: ínje emmuu kámbiilaku kata hukokahu hata kúgalalaanaku.

Hulimahu Hásuumaahu loon Saŋ akiic homuu 12:24

Li mal̥egenamu fan ilobuul: hukool hata edenfeteŋ hulowutumuu li etaam min hukajen, fan hulako to bale ho. Bale hukajenumuu min hul̥iilahu hata ho húyawul, fan hubukoo kukool kameeŋe.

Hulimahu Hásuumaahu loon Saŋ akiic homuu 13:16

Li mal̥egenamu fan ilobuul: Aloka ahaŋut anahaanawu oola, ban an an kuboñe ahaŋut anawu aboñoolumuu.

Hulimahu Hásuumaahu loon Saŋ akiic homuu 13:38

Yéesu li aanool: — Li mal̥egeni luyilo usen buloŋi mata ínje íji? Li mal̥egenamu fan ilobi: manooman fan uceeŋ ñoono ñáhaaji oon luhaasonhaas, tówum káyin kul̥ok.

Hulimahu Hásuumaahu loon Saŋ akiic homuu 14:12

Li mal̥egenamu fan ilobuul, an áyinenumuu lí ínje, fan akaan foof wahawu wan ikaanumuu. Fan ayili foof akaan wah wahaŋ to, mata ínje boot min ijow bata Atuubaawu.

Hulimahu Hásuumaahu loon Saŋ akiic homuu 16:20

Li mal̥egenamu fan ilobuul: fan jil̥ok ban li jigamoo, bale bukanabuku kata adunaayi buko fan kulako li ésuumahukow. Fan jíyiyenoo, bale káyiyenoolaku kooluul fan kulaañ kulako ésuumahukow.

Hulimahu Hásuumaahu loon Saŋ akiic homuu 16:23

«Nan hunakahu hommuu li húliiŋ, let jigel̥l̥enom wahoowah. Li mal̥egenamu fan ilobuul: jil̥awumuu wah Atuubaawu li kajawaku kúmbaam, fan asenuul wo.

Hulimahu Hásuumaahu loon Saŋ akiic homuu 21:18

Li mal̥egenamu fan ilobi, nan ulako nomuu áfu’, lunaanaak usinja min ujow ban súumi. Bale nan ommuu li uhallen, fan uteb kuŋeni min akee asinjayi ban li ájowetumi ban ufañut ujow.

Hulimahu Hásuumaahu loon Saŋ akiic homuu 3:11

Li mal̥egenamu fan ilobi: áloli jilobelob wah wan jihaase, li jilob wahawu wan jijukumuu. Bale bukuluul jifañut jíyinen wahawu wan jilobuulumuu.

Hulimahu Hásuumaahu loon Saŋ akiic homuu 3:3

Yéesu li aanool: — Li mal̥egenamu fan ilobi: an ayilaat ajuk Jáyiiyaju jata Ateemit, akila balaañenut abuki.

Hulimahu Hásuumaahu loon Saŋ akiic homuu 3:5

Yéesu li aanool: — Li mal̥egenamu fan ilobi: an ayilaat anoken li Jáyiiyaju jata Ateemit, okila babukutumi li mal, li Buyinumabu Banabaabu. An abukumi li atuuba áami an, fan alako an.

Hulimahu Hásuumaahu loon Saŋ akiic homuu 5:19

Yéesu li aan kunahaanaku kata Kusuwifaku: — Li mal̥egenamu fan ilobuul, Añiilawu ayilaat akila humumool akaan wahoowah li húnongum hoola. Wahawu wan ammuu li ajuk Atuubaawu li akaan, wo lakaanemuu. Wahawu feh wan Atuubaawu akaanemuu, wo foof Añiilawu akaanemuu.

Hulimahu Hásuumaahu loon Saŋ akiic homuu 6:26

Yéesu li aaniil: — Li mal̥egenamu fan ilobuul: min joonomuu li huŋesom let mata min jijukumuu búhiisenum bájaahaleniye, bale mata min jitokoñumuu kúmbuuluwaku jijow jifooñ.

Hulimahu Hásuumaahu loon Saŋ akiic homuu 6:32

Yéesu li aaniil: — Li mal̥egenamu fan ilobuul: inti Móyiis asenuul húmbuuluwahu habilummuu li emitayi, bale Atuubawom ammuu li asenuul húmbuuluwahu hata mal̥egen habilummuu li emitayi.

Hulimahu Hásuumaahu loon Saŋ akiic homuu 6:47

Li mal̥egenamu fan ilobuul: an áyinenumuu fan abaj buloŋ bábaneliit.

Hulimahu Hásuumaahu loon Saŋ akiic homuu 6:53

Muñeˈe Yéesu li aaniil: — Li mal̥egenamu fan ilobuul: jitokoñutumuu eniilayi yata Añool-An, ban jihobutumuu húsimahu hoola, let jibaj buloŋabu bata mal̥egen.

Hulimahu Hásuumaahu loon Saŋ akiic homuu 8:34

Yéesu li aaniil: — Li mal̥egenamu fan ilobuul: anoowan akaane kahoofoo, amiikeel laam ata kahoofoo.

Hulimahu Hásuumaahu loon Saŋ akiic homuu 8:51

Li mal̥egenamu fan ilobuul: An átuulumuu kulimaku kúmbaam, let abil aket maayeet.

Hulimahu Hásuumaahu loon Saŋ akiic homuu 8:58

Yéesu li aaniil: — Li mal̥egenamu fan ilobuul, tówum Abulaham abuki, «Injé to».

1 Fiyeel 1:25

bale Hulimahu hata Amaaŋenawu hunhu to boot nanoonan.» Ban, Hulimahu unhu ho hommuu Hulimahu Hásuumaahu han kuwaalewuulumuu.

Búhiisenumabu 20:11

Fúlum tó, li ijuk efenjeŋ yahiite yáamak yata jáyii, li anawu abah lómuu. Emitayi li etaamayi li sitey síloyiyool, ban anoowan alaañenut ajuk so.