Máciya 28:9 - Jola-Kasa

⁹ Yéesu li ayaan abil kufam ban li aaniil: — Lisaafuul! Kanaalaabuku li kúlohulool ban li kujok kootaku koola min kumanenool.

Máciya 28:9 Referencias Cruzadas

Máciya 14:33

Bukanabuku kalakomuu li busaanaabu li kúkuntuŋ hákil Yéesu min kumanenool koon: — Li mal̥egenamu awu ommuu Añiilawu ata Ateemit!

Máciya 23:7

Li kufañ ŋáa’ min bukanabuku kunaak kusaafiil li waayeenawu, ban li kunaak kuhooñiil kooniil: «Anahaan!»

Máciya 28:10

Muñeˈe Yéesu li aaniil: — Sákoluul! Jijow joon kutuyom kujow boot li etaamayi yata Gálile. Bo kommuu li kujukom.

Máciya 28:17

Nan kujukumuu Yéesu li kúkuntuŋ hákilool min kumanenool. Bale kukee li buko li kúwettoo.

Máciya 28:8

Mal̥egen kanaalaabuku li kúfulul li huyaakahu li esommen li ekole ló, bale foof li ésuumahukow yáamak, kutey kujow kulob kúhebenaku kúgoomaku kata Yéesu.

Hulimahu Hásuumaahu loon Lík akiic homuu 1:28

Amalakaawu li anoken bata Mali áliiŋ li aanool: — Lisaafi Mali, awu jan Ateemit asenumuu káji. Amaaŋenawu ummu li awu.

Hulimahu Hásuumaahu loon Lík akiic homuu 24:52

Kúgoomaku buko li kumanenool kuban, li kulaañ boot Yeelusalem li ésuumahukow ló yáamak.

Hulimahu Hásuumaahu loon Lík akiic homuu 7:38

Nan áliiŋulumuu, li alako kata búsol Yéesu, bata kootool. Li alako jíl̥ok, min anaak aŋa’ muhuuwamu moola min anecen kootaku kata Yéesu, ban li aŋa’ walawu woola min átil̥ kó. Li anaak áfoon kó, ban li áyu lí kó eheeñayi.

Hulimahu Hásuumaahu loon Saŋ akiic homuu 12:3

Muñeˈe Mali li aŋa’ ateefaay ata eheeñ yata mal̥egen yata bunoom báamak, áki’ kootaku kata Yéesu ban li aŋa’ walawu woola min átil̥ kó. Eheeñayi inyu anuunuken an koone naal kúkaanum yó. Eluufayi dán kulakomuu li eciiŋo feh.

Hulimahu Hásuumaahu loon Saŋ akiic homuu 20:19

Muñeˈe li kátiimaku kata Dimaasayi inyu, kúgoomaku. Yéesu li abil ayito li tutiil min aaniil: — Kásuumaay kulako li bukuluul!

Hulimahu Hásuumaahu loon Saŋ akiic homuu 20:28

Toma li aanool: — Amaaŋenawu úmbaam, li Ateemitawu úmbaam!

2 Kata Koolent 13:11

Kutuyom, muñeˈe ésuumansuum elako li bukuluul. Jiŋes min jihaŋ malako bukan kajake. Jinaak jiwankulenoo ban li jikaan kulimuul dín dáno. Jibaj buloŋ bata kásuumaay. Jikaan momuu, Ateemit ata húbooli li ata kásuumaay fan alako li bukuluul.

Búhiisenumabu 3:9

Wahawu unwe léemimuu li ikaan bukanabuku kata huwoogahu hata Sayitaane, kámalemuu koon buko kusuwif koom ban kulet kusuwif. Fan ituuŋiil kubil kúkuntuŋ hákili, min kuhaas koon lifañifañ.