Máciya 28:6 - Jola-Kasa

⁶ Alet taate. Layitowuuyitowul li eketayi loon alob momuu. Jibil jijuk tan kuhintenoolumuu.

Máciya 28:6 Referencias Cruzadas

Máciya 12:40

Mata loon Sonaas alakomuu sitihunaka síhaaji li sihuka síhaaji li halahu hata huwolahu, mo foof Añool-An ammuu li alako sitihunaka síhaaji li sihuka síhaaji kata láala etaamayi.

Máciya 16:21

Yaan no unnu, Yéesu li átoŋ alob kúgoomaku koola aaniil: — Boot min ijow boot Yeelusalem min ílaam ŋáa’ li kuŋen kata kunahaanabuku, li kata huhaanaahu hata élambaayi, li kata kaliikenemuu ésukayi Eluwaayi yata Móyiis. Ban fan kúji li kumukom. Bale li hunakahu húhaajutahu, fan iyitowul li eketayi.

Máciya 17:23

Fan kumukool. Bale fan baj kunak kúhaaji, li ayitenumuli li eketayi. Li jokiil ŋáa’.

Máciya 17:9

Muñeˈe nan kulakomuu káwalowulaku li huyuuyahu, Yéesu li aaniil: — Jakum jilob an wahawu wan jijukumuu, boot yok nan Añool-An ammuu li ayitenumuli li eketayi.

Máciya 20:19

Ban fan kuŋalool kusen kákaanumutumuu li Ateemit balewool min kulekenool. Fan kuŋa’ kukaluwaas min kutekool, ban li kubaaŋool li ekuluwa. Bale hunakahu húhaajutahu fan ayitowumul li eketayi.

Máciya 27:63

Nan kúliiŋumuu li koon Filat: — Anahaan, jiwayil̥owe kaanaku ámalamiñawu ummu lansaan akila li buloŋ aketumuu jow baj kunak kúhaaji, fan ayitowumul li kaketumuu.

Maak 16:6

Bale ánayinaawu li aaniil: — Sákoluul! Yéesu ata Nasalet an kubaaŋumuu li ekuluwaayi, jiŋese li akila? Layitowuuyitowul li eketayi. Alet taate. Jijuke, taate kukaanoolumuu.

Maak 8:31

Muñeˈe Yéesu li átoŋ alob kúgoomaku koola aaniil: — Añool-An laate álaam ŋáa’. Ban Kunahaanaku kata ésukayi, li huhaanaahu hata élambaayi, li kaliikenemuu ésukayi eluwaayi ésukayi eluwaayi yata Móyiis, fan kuhoyool. Fan kumukool, bale nan emmuu jow baj kunak kúhaaji, fan ayitowumul li eketayi.

Hulimahu Hásuumaahu loon Lík akiic homuu 24:12

Muñeˈe Fiyeel li ayito atey boot bata huyaakahu álíiŋ, li aŋaalo li huyaakahu li ajuk ló ul̥aacawu wata úbilawu bale. Li alaañ ajow bóot, masegowe ŋáa’ mata wahawu wabajumuu.

Hulimahu Hásuumaahu loon Lík akiic homuu 24:23

Bale nan kúliiŋumuu kutookut ló ehuluŋayi yata Yéesu. Muñeˈe li kúlaañul kubil kóonoli emalaka éfuliil min yooniil, Yéesu ummu li buloŋ.

Hulimahu Hásuumaahu loon Lík akiic homuu 24:44

Ban li aaniil: — Wahawu unwu lilobuulumuu nan ilakomuu li bukuluul, eenuul: wahawu feh wakiicimuu uya lí ínje li eluwaayi, lí Síliibalasu sata Ukijenawu, woote ubaj.

Hulimahu Hásuumaahu loon Saŋ akiic homuu 10:17

«Atuubaawu lafañonfañ mata lisenesen buloŋabu búmbaam bájum li ilaañen iyab bo.

Hulimahu Hásuumaahu loon Saŋ akiic homuu 2:19

Yéesu li aaniil: — Jihum eluufayi inye yata Ateemit min iban li iŋa’ kunak kúhaaji min ilaañen yo iteef.

Bakaanelabu 2:24

Bale Ateemit li ayitenumulool li eketayi, min afakenool li sílaam sata eket. Mata li mal̥egenamu eketayi ebajut sembe sanoosan li Yéesu.