Máciya 27:63 - Jola-Kasa

⁶³ Nan kúliiŋumuu li koon Filat: — Anahaan, jiwayil̥owe kaanaku ámalamiñawu ummu lansaan akila li buloŋ aketumuu jow baj kunak kúhaaji, fan ayitowumul li kaketumuu.

Máciya 27:63 Referencias Cruzadas

Máciya 16:21

Yaan no unnu, Yéesu li átoŋ alob kúgoomaku koola aaniil: — Boot min ijow boot Yeelusalem min ílaam ŋáa’ li kuŋen kata kunahaanabuku, li kata huhaanaahu hata élambaayi, li kata kaliikenemuu ésukayi Eluwaayi yata Móyiis. Ban fan kúji li kumukom. Bale li hunakahu húhaajutahu, fan iyitowul li eketayi.

Máciya 17:23

Fan kumukool. Bale fan baj kunak kúhaaji, li ayitenumuli li eketayi. Li jokiil ŋáa’.

Máciya 20:19

Ban fan kuŋalool kusen kákaanumutumuu li Ateemit balewool min kulekenool. Fan kuŋa’ kukaluwaas min kutekool, ban li kubaaŋool li ekuluwa. Bale hunakahu húhaajutahu fan ayitowumul li eketayi.

Máciya 26:61

— Anáyinaawu ummu lansaan: «Liyilo ihum Eluufayi yata Ateemit, ban li iŋa’ kunak kúhaaji min ilaañen iteef yo.»

Máciya 27:64

Mó mújimuu, ulob min huyaakahu hufooyi boot yok li hunakahu húhaajutahu, jakum bil kúgoomaku koola kujow kúkuwet ehuluŋayi min koon ésukayi layitowuuyitowul li kaketumuu. Mata kukaan momuu, émalimiñayi inyu yásolaayi fan ehaŋ yátinaalayi.

Máciya 28:6

Alet taate. Layitowuuyitowul li eketayi loon alob momuu. Jibil jijuk tan kuhintenoolumuu.

Maak 10:34

Buko umbuku fan kulekenool, li kumasenool, ban li kaŋa’ kukaluwaas min kutekool, ban li kumukool. Bale fan baj kunak kúhaaji, li ayitowumul li eketayi.

Maak 8:31

Muñeˈe Yéesu li átoŋ alob kúgoomaku koola aaniil: — Añool-An laate álaam ŋáa’. Ban Kunahaanaku kata ésukayi, li huhaanaahu hata élambaayi, li kaliikenemuu ésukayi eluwaayi ésukayi eluwaayi yata Móyiis, fan kuhoyool. Fan kumukool, bale nan emmuu jow baj kunak kúhaaji, fan ayitowumul li eketayi.

Maak 9:31

mata lanaanaak aliiken kúgoomaku koola aaniil: — Añool-An fan abeti li kuŋen bukan min kumukool. Bale aketumuu jow baj kunak kúhaaji, fan ayitowumul li eketayi.

Hulimahu Hásuumaahu loon Lík akiic homuu 18:31

Yéesu li aŋa’ kúgoomaku koola kuŋen li kúl̥ubaaku kúfu’ jooliil min aaniil: — Jijanten! Alolaal ummuwaal li ujowaal boot Yeelusalem ban wahawu feh wan kufulofetaku, wóomimuu li ubaj.

Hulimahu Hásuumaahu loon Lík akiic homuu 18:33

Fan kútekumool kukaluwaas, ban li kumukool. Bale li hunakahu húhaajutahu, Añool-An fan ayitowumul li eketayi.

Hulimahu Hásuumaahu loon Lík akiic homuu 23:2

Nan kúliiŋumuu, li kútoŋ kúmal kukaan Yéesu koon: — Jitootook ánayinaawu umme okila li kakaan ésukayi égugguloo. Laaniisaan jakum kuhal báhalabu bata áyiiyawu áamakawu, ban li aan okila humumool ammuu Afakenaawu, áyiiyawu ooliil.

Hulimahu Hásuumaahu loon Lík akiic homuu 9:22

Li afamen aan: — Añool-An laate álaam ŋáa’. Ban Kunahaanaku kata ésukayi, li huhaanaahu hata élambaayi, li kaliikenemuu ésukayi eluwaayi ésukayi eluwaayi yata Móyiis, fan kuhoyool. Fan kumukool, bale nan emmuu jow baj kunak kúhaaji, fan ayitowumul li eketayi.

Hulimahu Hásuumaahu loon Saŋ akiic homuu 2:19

Yéesu li aaniil: — Jihum eluufayi inye yata Ateemit min iban li iŋa’ kunak kúhaaji min ilaañen yo iteef.

Hulimahu Hásuumaahu loon Saŋ akiic homuu 7:12

Búwonnoo báamak li bulako li búsukabu mata Yéesu. Kukee li koon: — Laalu an ajake. Kaabuku li koon: — Maayeet, kájimen ésukayi bale láami lí kó.

Hulimahu Hásuumaahu loon Saŋ akiic homuu 7:47

Kufaaliisiyeŋaku li kugel̥l̥eniil kooniil: — Kama bukuluul foof jikatookat min abuntuul?

2 Kata Koolent 6:8

Bukan kukee fan kúbinkenoli, kaabuku li kúbesoli; kukee li kúgeloli, kaabuku li kúsuuwoli. Kukee li kújokoli kúmalamiñ, ban mal̥egen jilobemuu.