Máciya 27:2 - Jola-Kasa

² Muñeˈe li kujokool kujenk kuban, li kuŋalool kújowetum kujow kusen águubelunaalawu Filat.

Máciya 27:2 Referencias Cruzadas

Máciya 20:19

Ban fan kuŋalool kusen kákaanumutumuu li Ateemit balewool min kulekenool. Fan kuŋa’ kukaluwaas min kutekool, ban li kubaaŋool li ekuluwa. Bale hunakahu húhaajutahu fan ayitowumul li eketayi.

Máciya 28:14

Li bil nokoo loon águubelunaalawu Filat ajame mabajumuu, áloli fan jihaas min jommuu li jilobool jakum bil ayokenuul.

Hulimahu Hásuumaahu loon Lík akiic homuu 13:1

No unnu, li baj bukan kukee kabile kulob Yéesu mata bukan kata etaamayi yata Gálile kan Filat alobe min kumukiil buko li kakaan kasila Ateemit.

Hulimahu Hásuumaahu loon Lík akiic homuu 20:20

Muñeˈe li kulako kafooy Yéesu. Li kúboñul bukan bata Yéesu, min kukaan loon buko bukan kacole koom. Bukanabuku umbuku koote kugel̥l̥en Yéesu kagel̥l̥en kata jabuutoo, mantee li kújokumool li balobelool bajakut, min kújowum tó kujokool kusen águubelunaalawu aanomuu anahaanawu li atiibaawu ata ésukayi.

Hulimahu Hásuumaahu loon Lík akiic homuu 23:1

Bukanabuku feh kalakomuu li hujojahu li kuyito min kuŋa’ Yéesu kújowetum bata Filat.

Hulimahu Hásuumaahu loon Lík akiic homuu 23:12

Elod buko li Filat kajamooleenutumuu naanaŋ, li kulaañ kufaalaay hunakahu unhu.

Hulimahu Hásuumaahu loon Lík akiic homuu 3:1

Muñeˈe li emitayi ekaatenayi yata Jáyiiyaju jata áyiiyawu áamakawu Tibeel, nan Fons Filat alako nomuu águubelunaalawu ata etaamayi yata Súde, Elod li alako anahaanawu ata etaamayi yata Gálile. Atuyool Fílib li alako anahaanawu ata etaamayi yata Itúle li yata Talakonit. Lisaniyaas li alako anahaanawu ata etaamayi yata Abilen.

Hulimahu Hásuumaahu loon Saŋ akiic homuu 18:12

Húmimahu hata esollaaliyayi boot li anahaanawu ooliil ló, li kufooyaabuku kata Kusuwifaku, li kujok Yéesu ban li kujenkool.

Hulimahu Hásuumaahu loon Saŋ akiic homuu 18:24

Muñeˈe Aan li alob min kújowetum Yéesu majenkaamu bata Kayif ammuu anahaanawu ata élambaayi.

Hulimahu Hásuumaahu loon Saŋ akiic homuu 18:28

Fúlum tó, li kúŋalum Yéesu bata Kayif kújowetum boot bata eluufayi yata águubelunaalawu, yaan no li bújom bíb. Bale kunahaanaku kata Kusuwifaku kunokenut li eluufayi jakum bil kusiko, mantee li kuyili kutiñ hutiñahu hata Faakayi.

Bakaanelabu 12:6

Muñeˈe li ehukaayi yammuu ekaten, min Elod atiib Fiyeel hákil ésukayi feh, okila Fiyeel li alako kámooli majenki useel úl̥uba, li tutoo kusollaali kúl̥uba. Li kukaan kufooya kuyito tin kámbiilaku kata hukul̥ahu.

Bakaanelabu 21:33

Muñeˈe anahaanawu li ajow akooj Fool, min ajokool ban li alob min kuŋa’ useel úl̥uba min kukokool. Ban li agel̥l̥en bukanabuku Fool ammuu ayi, li waa lakaane.

Bakaanelabu 22:25

Bale, nan kukokoolumuu kuban boot min kutekool, Fool li agel̥l̥en anahaanawu ata esollaaliyayi alako tomuu aanool: — Mantee jibaje kakaañen min jitek an ata Lom akila batiiboluti?

Bakaanelabu 22:29

Bukanabuku kaateenumuu kutek Fool min álobul, li kuyaan kuyiisoo kukatool to. Anahaanawu humumool ata esollaaliyayi li ákoli, nan ahaasumuu aan Fool an alobumuu min kujenkool, kama an ata Lom.

Bakaanelabu 24:27

Li jow baj simit síl̥uba, Fólisiyis Fésitiis li alako águubelunaal min aŋa’ kaŋenaku kata Féeliis. Emmuu Féeliis lafanfañ min akaan Kusuwifaku súumiil, li akat Fool li hukul̥ahu.

Bakaanelabu 28:20

Wahawu unwu újimuu li iŋes min ijukuul min ilob li bukuluul, mata min íjenkumimee baseelabu umbe, anawu an kata Isilayeel kúkangummuu li akila, ájimuu li íjenkumi bo.

Bakaanelabu 3:13

Ateemitawu ata Abulaham, Isaak li Sakob, ammuu Ateemitawu ata situubawolaal sihaan, láhihhiis máyiineniyamu mata Yéesu ammuu alokaawu oola. Bukuluul humumuul jibetumuu Yéesu li kuŋen kata kunaahaanaku kata ésukayi, ban li jihoyool hákil Filat afañeenumuu min akatenool.

Bakaanelabu 4:27

«Mata li mal̥egenamu, li ésukayi inye Elod, li Fons Filat, li bukanabuku kákaanumutumuu li awu Ateemit baleyi, li kata Isilayeel, kufamumuu min kutiik alokaawu ooli anabaawu ammuu Yéesu, an ul̥usumuu alako Afakenaawu.

Bakaanelabu 9:2

Nan áliiŋumuu, li alobool min asenool sileetal sammuu síjiwool li ayili anoken li siluufasu sata kal̥awaku.

1 Tímote 6:13

Boot ilobi hákil Ateemit asenemuu buloŋ wahoowah feh, li hákil Yéesu Kilisita alobumuu kulim kásuume kata mal̥egen hákil Fons Filat, eeni:

2 Tímote 2:9

Hulimahu unhu Hásuumaahu hújimuu li eeno li sílaam yok ijenki loon eenimuu ínje ábujamiñ leem. Bale Hulimahu hata Ateemit ho, hujenkuti.

Eébulo 13:3

Jinaak jiwayil̥o bukanabuku kammuu li hukul̥, loon eenimuu bukuluul humumuul foof, kukul̥ooluukul̥oo li buko. Jiwayil̥o bukanabuku kan kommuu li kálaamen, loon eenimuu bukuluul foof jumbuku li sílaam li siniiluul loon buko.