Máciya 27:19 - Jola-Kasa

¹⁹ Muñeˈe nan Filat abahumuu tan kutiibemuu bukanabuku, aseekool li áhebenul kubil koonool: «Jakum unoken li elobayi yata ánayinaawu ummu akaanutumuu wahoowah, mata síyaat li hukahu lílanlaam ŋáa’ li sísaahut mata akila áji.»

Máciya 27:19 Referencias Cruzadas

Máciya 1:20

Nan alakomuu kayinoolaku unku, muñeˈe amalaka ata Amaaŋenawu li áfulool li sísaahut min aanool: — Suseef, añiil ata bubukoolum bata Dayit, jakum úkoli min uŋa’ Mali alako aseeki, mata halahu han aakumuu, li sembe sata Buyinumabu Banabaabu lábajum hó.

Máciya 2:19

Nan áyiiyawu Elod amojumuu, amalaka ata Amaaŋenawu li áfu’ Suseef li sísaahut li etaamayi yata Ejíf.

Máciya 2:22

Bale nan Suseef ajamumuu kaanaku Alikelawus aŋale jáyiiyaju jata atuubawool Elod ájimumuu li etaamayi yata Súde, li ákoli bajow boot bo. Muñeˈe Amaaŋenawu li alob Suseef li sísaahut min ajow boot li etaamayi yata Gálile.

Máciya 27:18

Filat lagel̥l̥eniigel̥l̥en loon muñaˈa mata lahaase jak aan batahaay bújimuu li kubet Yéesu li kuŋenool.

Máciya 27:24

Nan Filat ajukumuu aan ayilaat to wahoowah, ban búsukabu li buhaŋ máguul̥oo, li aŋa’ mal min afos kuŋenool hákil búsukabu ban li aan: — Butumom bulet li eketayi yata ánayinaawu ummu. Bowuul bo!

Máciya 27:4

Min aaniil: — Likankaan kahoofoo, min iŋa’muu an akaanut wahoowah ibet li kuŋenuul min joono li jimukool. Bale li koonool: — Waa bútumoli bóomi bo? Awu uhaase!

Hulimahu Hásuumaahu loon Lík akiic homuu 23:41

Olola, li mal̥egenamu tottook min ubaja katekaku unke, mata wahawu wan ukaanamuu wajakutumuu újimuu li ubaja katekaku unke. Bale okila akaanut wah wajakut.

Hulimahu Hásuumaahu loon Lík akiic homuu 23:47

Nan anahaanawu ata kusollaaliyaku kata Lom, ajukumuu wahawu wabajumuu, li asal Ateemit ban li aan: — Li mal̥egenamu, ánayinaawu ummu lakankaan an acole!

Hulimahu Hásuumaahu loon Saŋ akiic homuu 19:13

Muñeˈe nan Filat ajamumuu kulimaku unku, li alob min kúfuletum Yéesu tíyaŋ, ban li ajow abah li ébahumayi yata batiibabu, tan koonemuu «Kañum Hugisa», (kaaneyimuu «gabata» li elobayi yata Kusuwifaku.)

Bakaanelabu 12:21

Nan hunakahu hacobimuu huŋejumuu, Elod li akaano wañawu woola wata húyiiyetowahu, ban li abah li efenjeŋayi yata jáyiiyaju, min alob asen ésukayi.

Bakaanelabu 18:12

Muñeˈe li taŋayi nan Galiyoŋ alakomuu águubelunaalawu ata Lom li etaamayi yata Akaay, Kusuwifaku li kujamoo min kutiiken Fool. Li kujokool kújowetum li hutiibahu,

Bakaanelabu 18:16

Nan Galiyoŋ alobiilumuu loon muñaˈa aban, li akesooliil kúfu’ li hutiibahu.

Bakaanelabu 18:17

Muñeˈe buko foofiil feh li kújokul anahaanawu ata eluufayi yata kal̥awaku an koonemuu Sosuten, kutek hákil hutiibahu. Bale Galiyoŋ abagut.

Bakaanelabu 25:10

Fool li aanool: — Li hutiibahu hata áyiiyawu áamakawu leem, ban to lemmuu li itiibi. Ikaanut Kusuwifaku wah ukee wajakut, loon awu humumi uhaas yomuu jak.

Bakaanelabu 25:17

Muñeˈe kunahaanaku kooliil li kúnaboolul lí ínje boot taate. Ikatut fiyo: nan tikatenumuu, li ijow ibah li hutiibahu ban li iboñ kujow kúhooñulom Fool.

Bakaanelabu 25:6

Fésitiis li akaan kunak káliiŋe hutok li kúhaaji mantee foof kuŋen bale li buko, fú’ tó, li alaañ boot Sesaale. Nan áliiŋumuu, li ajow hunak hukaten abah li hutiibahu, li alob min kúŋalul Fool.

1 Fiyeel 2:22

Kilisita akaanut kahoofoo. Amúsut abunt an.

1 Saŋ 2:1

Kuñoolom, likiicuukiic kulimaku unke jakum bil jihoofoo. Bale nokoomuu loon akee li bukuluul ahoofoole, lubajaale akooŋena hákil Atuubaawu: Okila ammuu Yéesu Kilisita, acolumuu.