Máciya 26:40 - Jola-Kasa

⁴⁰ Yéesu li aban kal̥awaku, li álaañul boot tan kúgoomaku koola kúhaaji kulakomuu áŋejul li atookiil buko li kámooli. Muñeˈe li agel̥l̥en Fiyeel aanool: — Kama jibanut jiban bayili jilako lí ínje bámooliwut maayeet ewaatu yano?

Máciya 26:40 Referencias Cruzadas

Máciya 25:5

Emmuu ábutowaawu ábilaaliwut, básungutaabu kuŋenayi feh li kuŋooy to kuŋooy, li kúmooli.

Máciya 26:35

Fiyeel li aan Yéesu: — Maayeet min eete iket inaboo li awu, bale let iceeŋ een lihaasihaas. Kúgoomaku feh li kulob manolamu.

Máciya 26:38

Muñeˈe li aaniil: — Buyina báamak bookom, bayilo bumukom. Jilako taate lí ínje ban jakum jímooli.

Máciya 26:41

Jakum jímooli. Jil̥aw jakum bil jilo li jabunt. Buyinumabu bufañe, bale eniilayi égootogooto.

Máciya 26:43

Yéesu li aban kal̥awaku, li amit álaañul boot tan kúgoomaku koola kulakomuu áŋejul, li alaañen atookiil buko li kámooli, mata kámooliyaku kujokiijok ŋáa’ gay kuyilaat kuluuj.

Maak 14:37

Nan Yéesu abanumuu kal̥awaku, li álaañul boot tan kúgoomaku koola kúhaaji kulakomuu áŋejul, li atookiil buko li kámooli. Muñeˈe li agel̥l̥en Fiyeel aanool: — Simoŋ, waa kámooli? Ubanut uban bayili ulako to ewaatu yano awu bámooliwut?

Hulimahu Hásuumaahu loon Lík akiic homuu 22:45

Nan Yéesu al̥awumuu aban, li ayitowul álaañul boot bata kúgoomaku koola. Nan áŋejul tómuu, li atookiil mámooliye mata jokiijok.

Hulimahu Hásuumaahu loon Lík akiic homuu 9:32

Muñeˈe Fiyeel li kufaalool li kúmooli kúnafen. Bale nan kúliwomuu li kujuk máyiineniyamu mata Yéesu, li kánayinaabuku kúl̥uba kan kuyito tomuu.