Máciya 25:6 - Jola-Kasa

⁶ «Nan hukahu hujowe hulitumuu, akee li alob butiya aan: “Abútowaawu umme! Jífulul jijow jiyallowool!”

Máciya 25:6 Referencias Cruzadas

Máciya 24:31

Nan kasiinaku káamakaku kommuu li kul̥oki, Añool-An fan áboñul kumalakaaku koola kujow boot tanootan li etaamayi, kujow kuwomen bukanabuku kan al̥usumuu, kítum li hulej haahe hata etaamayi boot li haaha.

Máciya 24:44

Mó mújimuu bukuluul foof jíkaanum, mata Añool-An fan álaañul nan jiyinooleenut joon no láami li álaañul.

Máciya 25:1

— No unnu, Jáyiiyaju jata Ateemit fan jikittenoolumi li básungute kuŋen, kaŋale sihiitumasu sooliil min kúfu’ boot kayallo ábutowaawu.

Máciya 25:31

— Nan Añool-An ammuu li abil loon áyii li máyiineniyamu moola, fan ánaboolul li kumalakaaku feh, abil abah li efenjeŋayi yata jáyiiyaju yáyiineniyaayi.

Máciya 25:5

Emmuu ábutowaawu ábilaaliwut, básungutaabu kuŋenayi feh li kuŋooy to kuŋooy, li kúmooli.

Máciya 25:7

Muñeˈe básungutaabu umbu feh li kuyito kúgoluloo sihiitumasu sooliil.

Hulimahu Hásuumaahu loon Lík akiic homuu 12:20

Bale Ateemit li aan ánayinaawu: «Esoŋaye! Li ehukaayi inye faŋ yo, fan uket. Muñeˈe ayi ammuu li aŋa’ wahawu feh wan uhahenumuu boot li awu humumi?»

Hulimahu Hásuumaahu loon Lík akiic homuu 12:46

Anahaanawu oola fan abil álaañul hunak hakee han alokaawu ahaasut aan no láami li álaañul, li ewaatu yan ahaasut. Muñeˈe anahaanawu fan atek alokaawu ummu kútek káamak, ban li akaanool loon kátuulutumuu Ateemit kommuu li kukaani.

1 Kata Tesalonik 4:16

Mata Amaaŋenawu fan alob butiya, min Anahaanawu ata kumalakaaku al̥ok kasiinaku kata Ateemit. Muñeˈe no unnu, Amaaŋenawu humumool fan áwalowumul li emitayi. Bukanabuku káyinenumuu li Kilisita ban li kuket, buko kommuu kujand kuyitowumul li eketayi.

2 Fiyeel 3:10

Hunakahu hata Amaaŋenawu fan hubil loon ákuu. Li hunakahu unhu, emitayi fan éjim li kawel ló kákoyileniye. Wahawu feh wammuu li emitayi fan uleem li sambun. Etaamayi fan ébujo boot li wahawu feh wáami lómuu.

Búhiisenumabu 16:15

Amaaŋenawu li aan: «Jijanten, fan ibil loon ákuu! Awólo anawu aatutumuu ámooli min afooy wañawu woola, jakum bil ajow bákolotoo min abaj ñisuu hákil bukanabuku feh.»